লৈবাক ঙাকপগী থবক্ত আর্তিফিসিএল ইন্তিলিজেন্স পুশিল্লকপা য়াংখৎনবা, ওগষ্ট ২১ অমসুং ওগষ্ট ২২, ২০২৫ দা ষ্টেৎ একাদেমী ওফ ত্রেনিং, ইম্ফালদা মনিপুরগী ইনফোর্মেসন তেক্নোলোজি দিপার্তমেন্তনা ভারত সরকারগী ইলেক্ত্রোনিক্স অমসুং ইনফোর্মেসন তেক্নোলোজিগী মখাদা লৈবা নেসনেল ই-গভর্নান্স দিবিজন (এন ই জি দি) গা খুৎশম্নদুনা “অফবা লৈঙাক্কীদমক এ.আই” গী মতাংদা নুমিৎ নিনিগী সেন্তিতাইজেসন অমসুং কেপাসিতি বিল্দিং ৱার্কশোপ অমা পাংথোকখ্রে।

নেসনেল ই-গভর্নান্স দিবিজনগী কেপাসিতি বিল্দিংগী থবক্কী মরুওইবা শরুক অমা ওইনা পাংথোকখিবা ৱার্কশোপ অদুনা, মনিপুর সরকারগী সেনিয়ার ওফিসিএলশিংগী মরক্ত লৈবাক ঙাকপদা আর্তিফিসিএল ইন্তিলিজেন্স শীজিন্নবা অমসুং খঙবা হেনগৎহন্নবা পান্দম থম্লি। রাজ্য অসিগী দিপুতি কম্মিসন্নরশিং য়াওনা তোঙান তোঙানবা দিপার্তমেন্তশিংগী ওফিসার ৫০ হেন্না থৌরম অদুদা শরুক য়াখি, সরকারনা লৈবাক ঙাকপদা দিজিতেলগী অওনবা পুরক্নবা অমসুং এ.আইনা অনৌবা থবকশিং পাংথোক্নবা রাজ্য অসিগী অপুনবা থবক অদুগী মমি তারে।

মহাক্কী তরাম্না ওকপগী ৱারোলদা দিরেক্তর (আই তি), মনিপুর, শ্রী নাম্বম দেবেন্না থৌরম অদুদা শরুক য়াখিবশিং অমসুং থৌরমগী চীফ গেষ্ট অমসুং নেসনেল ই-গভর্নান্স দিবিজনগী ওফিসিএলশিং তরাম্না ওকখি। ৱার্কশোপ শরুক য়ারবশিং কান্নবা অমসুং মহৈ য়ানবা লৌশিং কয়া লৌনবা মহাক্না য়াইফ পাউজেল পীখি।

মহাক্কী মরুওইবা ৱারোলদা,  মনিপুর সরকারগী সেক্রেতরি ( আই তি), শ্রী থোকচোম কিরন কুমারনা হায়খি রাজ্য অসিদা অফবা লৈঙাক হেন্না ফগৎনবা মাইকৈদা থাংজিনবা মরুওইবা খোঙথাং অমা ওইনা এ.আই কেপাসিতি বিল্দিং অসি য়াম্না য়াম্না মরুওই। কোর্তকী কেসগী থবকশিং অমসুং জি.আই.এস-বেজদা য়ুম্ফম ওইবা খুঙ্গংশিং মেপ লৌনবা থবকশিংদা আর্তিফিসিএল ইন্তিলিজেন্স শীজিন্নবা হৌনবা মনিপুরনা অকনবা থবক পায়খৎপা হৌরে। পায়খৎলিবা থবকশিং অসিনা হেন্না ফজনা থবক পাংথোকপা, অরোন-অথুপ লৈতবা অমসুং মীয়ামগী খুদোংচাবা ওইগনি।

থাগৎ ৱাহৈশিং পীরদুনা, ষ্টেৎ ই-মিসন তিম, মনিপুরগী মকোক, শ্রী পোৎশঙবম হেনরিনা হায়খি আই.তি দিপার্তমেন্তগী লুচিংবশিং, নেসনেল ই-গভর্নান্স দিবিজনগী মতেং অমসুং ওফিসারশিংগী থৱায় য়াওনা শরুক য়াবগীদমক থাগৎপা ফোঙদোকচরি। রাজ্য অসিদা এ.আইনা লমজিংবা লৈবাক ঙাকপগী থবক পায়খৎনবা , ষ্টেৎ ই-মিসন তিমনা থবক পায়খৎলে।

মনিপুরগী দিজিতেলগী লৈঙাক্কী খোঙচত্ত মশক থোকপা অমা থবক অসিদা উবা ফংলে, সরকারগী থবকশিংদা অওনবা পুরক্নবা এ.আইনা লমজিংবা থবকশিং পায়খৎনবা সরকারগী থবক অদু অমুক হন্না উবা ফংলে। নেসনেল ই-গভর্নান্স দিবিজনগী কেপাসিতি বিল্দিং স্কিমগী খুৎথাংদা থৌরম অসিদা শরুক য়াখিবা রাজ্যগী ওফিসিএলশিং হিরম অসিগী মতাংদা খঙহল্লে, হকথেংননা উহল্লে অমসুং এ.আইনা লৈবাক ঙাকপগী খ্বাইদগী ফবা থবকশিং উৎলে। থবকঅসিনা অফবা, কাংলুপ খুদিংমক কোনশিনবা অমসুং নিয়ম চুম্না শীজিন্নবা এ.আইগী ইকোসিষ্টৈম অমা মনিপুর সরকারগীদমক শেমগনি।

***

(Release ID: 2160364)