وزیراعظم کا دفتر
وزیر اعظم نے سری گُرو گرنتھ صاحب جی کے پرکاش پورب کے مقدس موقع پر مبارکباد پیش کی
Posted On:
24 AUG 2025 1:02PM by PIB Delhi
وزیر اعظم جناب نریندر مودی نے سری گُرو گرنتھ صاحب جی کے پرکاش پورب کے مقدس موقع پر دلی مبارکباد پیش کی۔
وزیر اعظم نے کہا کہ سری گُرو گرنتھ صاحب جی کی لازوال تعلیمات دنیا بھر میں انسانوں کی زندگیوں کو منور کرتی رہتی ہیں اور ہمیں ہمدردی، عاجزی اور خدمت جیسے اقدار کی یاد دلاتی ہیں۔ انہوں نے مزید کہا کہ یہ تعلیمات انسانیت کو اتحاد اور ہم آہنگی کی روح کو مضبوط بنانے کی تحریک دیتی ہیں۔
جناب مودی نے یہ امید ظاہر کی کہ ہم ہمیشہ سری گُرو گرنتھ صاحب جی کے دکھائے ہوئے حکمت و دانائی کے راستے پر چلیں اور ایک بہتر دنیا کی تعمیر کی کوشش کریں۔
وزیر اعظم نے ایکس پر اپنے پیغام میں کہا:
"سری گُرو گرنتھ صاحب جی کے پرکاش پورب کے مقدس موقع پر دلی مبارکباد۔
سری گُرو گرنتھ صاحب جی کی لازوال تعلیمات دنیا بھر کی زندگیوں کو روشن کرتی ہیں، اور ہمیں ہمدردی، عاجزی اور خدمت کے اقدار کی یاد دلاتی ہیں۔ یہ تعلیمات انسانیت کو اتحاد اور ہم آہنگی کی روح کو مضبوط بنانے کی ترغیب دیتی ہیں۔
ایشور کرے ہم ہمیشہ سری گُرو گرنتھ صاحب جی کے دکھائے ہوئے حکمت کے راستے پر چلیں اور ایک بہتر دنیا کی تعمیر کے لیے کوشش کرتے رہیں۔"
***
ش ح ۔ م د ۔ م ص
(U : 5245 )
(Release ID: 2160315)
Read this release in:
English
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam