سیاحت اور ثقافت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب   میں بتایا کہ سیاحوں کی حفاظت اور تحفظ بنیادی طور پر ریاستی حکومت کی ذمہ داری ہے ۔  تاہم ، وزارت سیاحت  تمام ریاستی حکومتوں / مرکز کے زیر انتظام علاقوں (یو ٹی) کی انتظامیہ کے ساتھ اس معاملے کو مسلسل اٹھا رہی ہے تاکہ سیاحوں کے لیے زمینی حفاظتی طریقہ کار کو مضبوط بنانے  کی خاطر مخصوص  سیاحتی پولیس  یونٹ کا قیام کیا جا سکے ۔  وزارت سیاحت کی کوششوں سے تلنگانہ ، آندھرا پردیش ، دہلی ، گوا ، کرناٹک ، کیرالہ ، مہاراشٹر ، ہماچل پردیش ، جموں و کشمیر ، مدھیہ پردیش ، اڈیشہ ، پنجاب ، راجستھان ، سکم اور اتر پردیش کی ریاستی حکومتوں/مرکز کے زیر انتظام علاقوں کی انتظامیہ نے کسی نہ کسی شکل میں سیاحتی پولیس کو تعینات کیا ہے ۔

سیاحوں کے سفر کو محفوظ اور پر اعتماد بنانے کی وزارت کی مسلسل کوششوں کے ایک حصے کے طور پر ، وزارت سیاحت نے گھریلو اور بین الاقوامی سیاحوں کے لیے  ٹول فری نمبر 1800111363 پر یا شارٹ کوڈ 1363 پر 12 زبانوں میں 24 گھنٹے ساتوں دن کثیر لسانی سیاحتی ہیلپ لائن قائم کی ہے جس میں 10 بین الاقوامی زبانیں (جرمن ، فرانسیسی ، ہسپانوی ، اطالوی ، پرتگالی ، روسی ، چینی ، جاپانی ، کورین ، عربی) ہندی اور انگریزی شامل ہیں تاکہ ہندوستان میں سفر سے متعلق معلومات کے لحاذ سے امدادی خدمات فراہم کی جا سکیں اور بھارت کے اندر سفر کرتے ہوئے دشوار گزار علاقوں میں سیاحوں کی مناسب رہنمائی کی جا سکے۔

 حکومت نے ایک مخصوص  نان لیپس ایبل کارپس فنڈ-نربھیا فنڈ قائم کیا ہے ، جس کا انتظام وزارت خزانہ کے محکمہ اقتصادی امور کے ذریعے کیا جا رہا ہے ، جسے خاص طور پر خواتین کی حفاظت اور تحفظ کو بہتر بنانے کے لیے بنائے گئے منصوبوں کے لیے استعمال کیا جا سکتا ہے ۔

وزارت سیاحت وقتا فوقتا تمام ریاستی حکومتوں اور مرکز کے زیر انتظام علاقوں سے نربھیا فنڈ کے تحت ‘خواتین کے لیے محفوظ سیاحتی مقامات’ کے فوائد حاصل کرنے کی درخواست کرتی رہی ہے جسے خاص طور پر خواتین سیاحوں کی حفاظت اور تحفظ کو بہتر بنانے کے لیے بنائے گئے منصوبوں کے لیے استعمال کیا جا سکتا ہے ۔

وزارت سیاحت نے ‘‘خواتین کے لیے محفوظ سیاحتی مقام’’ اسکیم کے تحت مدھیہ پردیش سیاحت  کے لیے کل 16.79 کروڑ روپے (تقریبا) کی منظوری دی ۔

 

************

ش ح ۔ ع ح ۔ ت ح

Urdu No-5092

(Release ID: 2159234)