پارلیمانی امور کے وزیر مملکت اور قانون و انصاف کے وزیر مملکت (آزادانہ چارج)جناب ارجن رام میگھوال نے آج لوک سبھا میں ایک تحریری جواب میں بتایا کہ پارلیمانی امور کی وزارت نے اپنے افسران میں خدمت اور ذمہ داری کا ایک مضبوط جذبہ (سیوا بھاؤ) پیدا کرنے کے لیے راشٹریہ کرم یوگی پہل میں سرگرم طور پر حصہ لیا ہے ۔  اس سلسلے میں فراہم کی جانے والی تربیت نے افسران کو اپنے رول کے بارے میں زیادہ آگاہ ہونے میں مدد کی ہے اور انہیں زیادہ لگن کے ساتھ عوام کی خدمت کرنے کی ترغیب دی ہے۔

راشٹریہ کرم یوگی جن سیوا پروگرام ،مرکزی حکومت کے ملازمین کے لیے صلاحیت سازی کمیشن کے ذریعے نافذ کیا جانے والا بڑے پیمانے کے طرز عمل کا ایک تربیتی پروگرام ہے ۔  اس کا مقصد عوامی خدمت (سیوا بھاؤ) کا جذبہ پیدا کرنا اور سرکاری ملازمین کے کام میں طمانیت کا احساس پیدا کرنا ہے ۔  اس پر عمل درآمد کے لیے تین روزہ صلاحیت سازی ورکشاپ کے ذریعے تمام وزارتوں/محکموں میں ماسٹر ٹرینرز (ایم ٹیز) کو تربیت دی گئی ہے ۔  ماسٹر ٹرینرز ، بدلے میں وزارتوں/محکموں کے تمام ملازمین کو ، 30-35 اہلکاروں کے بیچ میں تربیت دے رہے ہیں ۔  یہ پروگرام بات چیت کے ذریعے سیکھنے کے طور طریقوں کا استعمال کرتا ہے جن کی جڑیں سرکاری ملازمین میں وابستہ ہیں، جن میں شامل ہیں:

1. حالات پر مبنی مشقیں جہاں شرکاء اجتماعی طور پر مل کر اپنے کام کرنے کے طریقوں کو بہتر بنانے کے لیے سوچتے ہیں (کام کرنے کا کرم یوگی طریقہ متعارف کرانا)
2. ٹیم ڈیزائن کی تفصیلی مشقیں جن میں شرکاء اپنے موجودہ کرداروں اور اپنے سیکشن میں کام کرنے نیزمحکمہ کے کام کاج  اور بڑے قومی اہداف میں ان کے تعاون پر غور کرتے ہیں ۔

موجودہ منصوبے کے مطابق یہ پروگرام مرکزی حکومت کے ملازمین کے لیے ہے ۔

********

ش ح۔م  ع۔ ش ہ ب

U-4965

(Release ID: 2158361)