وزیر اعظم جناب نریندر مودی کی صدارت میں اقتصادی امور کی کابینہ کمیٹی نے آج کوٹا-بندی (راجستھان) میں 1507 کروڑ روپے کی تخمینہ لاگت سے گرین فیلڈ ہوائی اڈے کی ترقی کے لیے ایئرپورٹ اتھارٹی آف انڈیا (اے اے آئی) کی تجویز کو منظوری دے دی ہے ۔

دریائے چمبل کے کنارے واقع کوٹا کو راجستھان کی صنعتی راجدھانی  مانا جاتا ہے ۔ اس کے علاوہ ، کوٹا ہندوستان کے تعلیمی کوچنگ مرکز کے طور پر مشہور ہے ۔

حکومت راجستھان نے اے-321 قسم کے طیاروں کے آپریشن کے لیے موزوں گرین فیلڈ ہوائی اڈے کی ترقی کے لیے 440.06 ہیکٹر اراضی اے اے آئی کو منتقل کی ہے ۔ اس پروجیکٹ میں 20  ہزار مربع میٹر کے رقبے پر پھیلی ٹرمینل بلڈنگ کی تعمیر شامل ہے جو مصروف اوقات (پی ایچ پی) میں ایک ہزار  پیک آور مسافروں  کو سنبھالنے کی صلاحیت رکھتی ہے جس کی سالانہ گنجائش 2 ملین مسافر فی سال (ایم پی پی اے)، طول و عرض 3200 میٹر 45x میٹر کا 11/29 رن وے ، اپرن کے ساتھ اے 321 قسم کے طیاروں کے لیے 07 پارکنگ بے ، دو لنک ٹیکسی ویز ، اے ٹی سی کم ٹیکنیکل بلاک ، فائر اسٹیشن ، کار پارک اور متعلقہ کام شامل ہیں ۔

تعلیمی اور صنعتی شعبوں میں کوٹا کی اہمیت گرین فیلڈ ہوائی اڈے کو ایک اہم بنیادی ڈھانچے کا منصوبہ بناتی ہے ، جس کا مقصد خطے میں متوقع ٹریفک کی ترقی سے نمٹنا ہے ۔

موجودہ کوٹا ہوائی اڈہ ایئرپورٹ اتھارٹی آف انڈیا (اے اے آئی) کی ملکیت میں ہے ۔ اس میں 1220 میٹر 38 x میٹر طول و عرض کا رن وے (08/26) شامل ہے ، جو کوڈ 'بی' طیارے (جیسے ڈی او-228) کے لیے موزوں ہے اور اس طرح کے دو طیاروں کو ایڈجسٹ کرنے کی صلاحیت رکھتا ہے ۔ ٹرمینل عمارت 400 مربع میٹر کے رقبے پر پھیلی ہوئی ہے اور مصروف اوقات میں 50 مسافروں کو سنبھالنے کی صلاحیت رکھتی ہے ۔ موجودہ ہوائی اڈے کو ہوائی اڈے کے ارد گرد زمین کی ناکافی دستیابی اور شہر کاری کےسبب تجارتی کاموں کے لیے تیار نہیں کیا جا سکتا ہے ۔

****

ش ح۔م م۔ ج

UNO-4901