موسمیاتی تبدیلی کے چیلنجوں سے نمٹنے کے لیے، حکومت ہند نے متعدد اقدامات کئے ہیں، جن میں جامع پالیسی اقدامات، موافقت، مؤثر عمل آوری اور سماجی تحفظ پر توجہ مرکوز کرنا شامل ہے۔ آب و ہوا کی کارروائی سے منسلک کلیدی پروگراموں میں ساحلی، سیلاب زدہ، اور خشک سالی سے متاثرہ علاقوں میں آب و ہوا کے موافق رہائش اور انفراسٹرکچر کو بڑھانے کی کوششیں شامل ہیں۔

موسمیاتی تبدیلی پر قومی ایکشن پلان (این اے پی سی سی) موسمیاتی تبدیلی کے اثرات سے نمٹنے کے لئے کثیر الجہتی حکمت عملی کا خاکہ پیش کرتا ہے۔ این اے پی سی سی کے ایک حصے کے طور پر، نیشنل مشن فار سسٹین ایبل ہیبی ٹیٹ (این ایم ایس ایچ) کا مقصد، دیگر باتوں کے ساتھ، شہروں میں موسمیاتی تبدیلی کے اثرات کے لیے لچک پیدا کرنا اور ان کی صلاحیتوں کو مضبوط کرنا ہے تاکہ وہ موسم سے متعلق انتہائی واقعات اور آفات کے خطرے سے‘بہتر واپسی کرنے ’ کے لئے مستحکم کرنا ہے۔

این اے پی سی سی کے تحت قومی مشن برائے پائیدار زراعت (این ایم ایس اے) ہندوستانی زراعت کو بدلتی ہوئی آب و ہوا کے لیے زیادہ لچکدار بنانے کی حکمت عملیوں کو نافذ کرتا ہے۔ این ایم ایس اے کے تحت کئی اسکیمیں زراعت میں منفی موسمی حالات کا ازالہ کرتی ہیں۔ فی ڈراپ مور کراپ اسکیم مائیکرو ایریگیشن ٹیکنالوجیز، یعنی ڈرپ اور اسپرنکلر ایریگیشن سسٹم کے ذریعے فارم کی سطح پر پانی کے استعمال کی کارکردگی کو بڑھاتی ہے۔ رین فیڈ ایریا ڈیولپمنٹ اسکیم پیداواری صلاحیت کو بڑھانے اور موسمی تغیرات سے وابستہ خطرات کو کم کرنے کے لیے مربوط فارمنگ سسٹم (آئی ایف ایس) کو فروغ دیتی ہے۔

مزید، چونتیس ریاستوں/مرکز کے زیر انتظام علاقوں (یوٹیز)نے موسمیاتی تبدیلی سے متعلق ریاست کے مخصوص مسائل کو مدنظر رکھتے ہوئے، این اے پی سی سی کے مطابق موسمیاتی تبدیلی پر اپنے ریاستی ایکشن پلان (ایس اے پی سی سی) کو اپ ڈیٹ کیا ہے۔ یہ ایس اے پی سی سی سیکٹر کے لیے مخصوص اور کراس سیکٹرل ترجیحی اقدامات بشمول موافقت اور آب و ہوا کے لیے لچکدار بنیادی ڈھانچہ کا خاکہ پیش کرتے ہیں۔

حکومت ہند ملک کے حیاتیاتی وسائل کے تحفظ کے لیے پرعزم ہے۔ حکومت نے حیاتیاتی تنوع کے اہم مقامات جیسے مغربی گھاٹ، ہمالیہ، اور شمال مشرقی خطوں کے تحفظ کے لیے اور کمیونٹی کی زیرقیادت تحفظ کی کوششوں کو بڑھانے کے لیے کئی اقدامات کئے ہیں۔ ان میں حیاتیاتی تنوع ایکٹ، 2002 کے تحت قومی حیاتیاتی تنوع اتھارٹی، ریاستی حیاتیاتی تنوع بورڈز اور یونین ٹیریٹری بایو ڈائیورسٹی کونسلوں کا قیام شامل ہے۔ 50 بائیو ڈائیورسٹی ہیریٹیج سائٹس کا اعلان؛ حیاتیاتی تنوع مینجمنٹ کمیٹیوں کی تشکیل اور لوگوں کے حیاتیاتی تنوع کے رجسٹروں کی تیاری شامل ہیں۔

نیشنل بایو ڈائیورسٹی اسٹریٹجی اینڈ ایکشن پلان (این بی ایس اے پی)، کنمنگ-مونٹریال گلوبل بائیو ڈائیورسٹی فریم ورک کے مطابق ‘پوری حکومت’ اور‘پورا معاشرہ’ اپروچ وغیرہ اپناتے ہوئے نافذ کی گئی ہے۔ جدید ترین این بی ایس اے پی میں 23 نیشنل بایو ڈائیورسٹی اہداف (این بی ٹی) کے ساتھ 142 میں شامل ہیں۔ یہ جامع طور پر تحفظ، پائیدار استعمال، اور فوائد کے اشتراک پر توجہ دیتا ہے اور زمینی اور سمندری علاقوں کی حفاظت، تنزلی والے ماحولیاتی نظام کی بحالی اور حیاتیاتی تنوع کے خطرات کو کم کرنے کا تصور  پیش کرتا ہے۔ مزید برآں، منصوبہ بایو ڈائیورسٹی گورننس میں کمیونٹی کی فعال شرکت پر زور دیتا ہے تاکہ جامع اور پائیدار نتائج کو یقینی بنایا جا سکے۔

مزید برآں، بوٹینیکل سروے آف انڈیا اور زولوجیکل سروے آف انڈیا سمیت تنظیمیں سروے، انوینٹریز، ٹیکسونومک توثیق، پھولوں اور جانوروں کے وسائل کے خطرے کی تشخیص کے ساتھ ساتھ ملک بھر میں اپنے علاقائی مراکز، بشمول ہندوستان کے چار بایو ڈائیورسٹی ہاٹ اسپاٹ کے ذریعے سابقہ صورتحال کے تحفظ میں مدد کرتی ہیں۔ ہمالیہ میں، فلیگ شپ پروگرام جیسےا سنو لیپرڈ پروجیکٹ، ہمالیائی وائلڈ لائف پروجیکٹ اور ہنگول، کستوری ہرن، اور ہمالیائی مونال کی بازیابی ہاٹ ا سپاٹ کے تحفظ کے حصے کے طور پر شروع کیے گئے ہیں۔

وزارت نے ماحولیات (تحفظ) ایکٹ 1986 کی دفعات کے تحت نیشنل پارکس اور سینکچوریز کے ارد گرد ایکو سینسیٹو زونز قائم کیا ہے۔ محفوظ علاقوں یعنی نیشنل پارکس اور وائلڈ لائف سینکچوریز کے ارد گرد ایکو سینسیٹو زونز کو کسی نہ کسی قسم کے ‘‘شاک ابزربر’’ بنانے کے لیے قرار دیا گیا ہے۔ ماحولیاتی حساس علاقوں جیسے دہانو تعلقہ، مہابلیشور-پنچ گنی، ماتھیران، بھاگی رتھی اور دون وادی اور 120 ایکو حساس زونز کو شمال مشرق، ہمالیہ اور مغربی گھاٹ کے حیاتیاتی تنوع کے ہاٹ اسپاٹ میں تبدیل کیا گیا ہے۔

حیاتیاتی ذخائر کو حیاتیاتی تنوع کے تحفظ، اقتصادی اور سماجی ترقی کی جستجو اور متعلقہ ثقافتی اقدار کی بحالی کے ایک اہم ترین سوال سے نمٹنے کے لیے نامزد کیا گیا ہے۔ ملک میں 18 بایواسفیئر ریزرو ہیں۔ ان میں سے 12 بی آر اقوام متحدہ کے تعلیمی، سائنسی اور ثقافتی ادارے (یونیسکو) کے ورلڈ نیٹ ورک آف بایو اسفیئر ریزرو (ڈبلیو این بی آر) کے تحت ہیں، اور باقی 6 بی آر یونیسکو کے ڈبلیو این بی آر میں زیر غور ہیں۔

ماحولیات، جنگلات اور موسمیاتی تبدیلی کی وزارت نے قدرتی ورثے کے تحفظ کے لیے پالیسیاں اور قوانین بنائے ہیں۔ وائلڈ لائف (تحفظ) ایکٹ، 1972 جنگلی حیات اور ان کی رہائش گاہوں کے تحفظ کے لیے محفوظ مقامات، نیشنل پارکس، کنزرویشن ریزرو اور کمیونٹی ریزرو کی اطلاع فراہم کرتا ہے۔

وزارت ریاستی حکومتو/یوٹیز انتظامیہ کو مرکزی اسپانسرڈ اسکیم پروجیکٹ ٹائیگر اینڈ ایلیفینٹ  کے تحت ہاتھیوں، ان کی رہائش گاہوں اور راہداریوں کے تحفظ کے لیے مالی اور تکنیکی مدد فراہم کر رہی ہے تاکہ ملک میں انسانوں اور ہاتھیوں کے ٹکراؤ اور ہاتھیوں کی فلاح و بہبود کے مسائل کو حل کیا جا سکے۔ ملک میں جنگلی حیات اور ان کے مسکن کے انتظام کے لیے ریاستی حکومتوں/ یوٹیز انتظامیہ کے ذریعہ پیش کردہ آپریشنز کے سالانہ پلان کے مطابق اس اسکیم کے تحت مالی مدد فراہم کی جاتی ہے۔

آل انڈیا ٹائیگر تخمینہ 2022 کے مطابق 3682 (رینج 3167-3925) کے تخمینہ کے ساتھ شیروں کی تعداد میں اضافہ ہوا ہے جبکہ 2018 میں 2967 (رینج 2603-3346) اور 2226 (رینج 1945-2491 کے ٹائیگر، 2014 کے کنسرویشن) کے مقابلے میں اضافہ ہوا ہے۔ بھارت میں شیروں کی آبادی کے بارے میں  مطلع کیا گیا ہے، جو ملک کے جغرافیائی رقبے کا تقریباً 2.5 فیصد احاطہ کرتا ہے۔

حکومت ہند نے نیشنل ٹائیگر کنزرویشن اتھارٹی کے ذریعے انسانی جنگلی حیات کے منفی تعاملات کو منظم کرنے کے لیے تین جہتی حکمت عملی کی وکالت کی ہے۔

• مواد اور لاجسٹک مدد فراہم کرنا۔
• رہائش گاہ کی مداخلتوں کو محدود کرنا اور۔
• تین معیاری آپریٹنگ طریقہ کار، جن میں (1) انسانی غلبہ والے مناظر میں شیروں کے بھٹکنے کی وجہ سے پیدا ہونے والی ہنگامی صورتحال سے نمٹنے کے لیے؛ (2) لائیوا سٹاک پر شیروں کی کمی سے نمٹنے کے لیے اور (3) زمین کی تزئین کی سطح پر اصل علاقوں سے شیروں کی بحالی کے لیے فعال انتظام شامل ہیں۔

پراجیکٹ ایلیفینٹ سال 1992 میں شروع کیا گیا تھا جس کا مقصد ہاتھیوں، ان کے رہائش گاہوں اور راہداریوں کی حفاظت کرنا، ملک میں انسانوں اور ہاتھیوں کے تنازعہ اور قیدی ہاتھیوں کی فلاح و بہبود کے مسائل کو حل کرنا تھا۔ ہاتھیوں کے تحفظ میں توجہ اور ہم آہنگی کو بڑھانے اور تنازعات کو کم کرنے کے لیے ہاتھیوں کے اہم رہائش گاہوں کو ‘ایلیفنٹ ریزرو’ کے طور پر جانا جاتا ہے۔ ملک میں ہاتھیوں کا تازہ ترین تخمینہ 2017 میں مکمل ہوا۔ ہاتھیوں کی آبادی کا تخمینہ 2012 میں 30711-29391 کے مقابلے میں 2017 میں 29,964 تھا۔ ہاتھیوں کے تحفظ کے لیے 33 ہاتھیوں کے ریزرو ریاستوں میں قائم کیے گئے ہیں۔

جنگلی حیات کا نظم و نسق بشمول انسانوں کے ساتھ ہاتھیوں کے ٹکراؤ کا تدارک اور انتظام بنیادی طور پر ریاستی حکومتوں/یو ٹی انتظامیہ کی ذمہ داری ہے۔ ریاستی جنگلات کے محکمے مقامی لوگوں کے ساتھ مل کر ایچ ای سی کے مسائل کو وقتاً فوقتاً آگاہی مہم کے ذریعے حل کرنے کے لیے کام کرتے ہیں تاکہ عام لوگوں کو انسانوں اور جانوروں کے درمیان ٹکراؤ کے بارے میں رہنمائی کی جا سکے اور مشورہ دیا جا سکے جس میں میڈیا کی مختلف ذرائع کے توسط سے معلومات کی ترسیل شامل ہے۔ مزید، ریاستی جنگلات کے محکمے ہاتھیوں کی نقل و حرکت پر نظر رکھنے کے لیے مقامی برادریوں کے ساتھ جڑے ہوتے ہیں اور مقامی لوگوں کو خبردار کرتے ہیں کہ وہ انسانوں اور جانوروں کے ٹکراؤ سے بچیں، انسانی جان، املاک اور ہاتھیوں کو نقصان یا ضرر سے بچائیں۔ مزید برآں، وائلڈ لائف (تحفظ) ایکٹ، 1972 انسانی وائلڈ لائف کے حالات سے نمٹنے کے لیے ریگولیٹری فراہم کرتا ہے۔

مزید برآں، وزارت نے انسانوں اور ہاتھیوں کے درمیان ٹکراؤ کو حل کرنے کے لیے ایک ہم آہنگ بقائے باہمی کے نقطہ نظر (2023) کو اپناتے ہوئے انسانوں اور ہاتھیوں کے درمیان ہونے والے ٹکراؤ کے خاتمے کے لیے رہنما خطوط جاری کیے ہیں۔ مزید برآں، 29 اپریل 2022 کو اسٹیئرنگ کمیٹی کی 16ویں میٹنگ کے دوران انسانوں اور ہاتھیوں کےدرمیان ٹکراؤ سے بچنے کیلئے بندوبست سے متعلق فرنٹ لائن اسٹاف کے لیے فیلڈ مینول بھی جاری کیا گیا۔

ریاستی حکومتوں/یو ٹی انتظامیہ کی معاوضہ اسکیموں کے علاوہ، وزارت فنڈز کی دستیابی پر منحصر ہے، مرکزی اسپانسرڈ اسکیم، پروجیکٹ ٹائیگر اور ہاتھی کے تحت ریاستوں/یوٹی کو مالی امداد بھی فراہم کرتی ہے۔

یہ معلومات ماحولیات، جنگلات اور موسمیاتی تبدیلی کے مرکزی وزیر مملکت جناب کیرتی وردھن سنگھ نے آج لوک سبھا میں ایک سوال کے تحریری جواب میں فراہم کیں۔

***

ش ح۔ ک ا۔  م ش

U.NO.4878

(Release ID: 2157800)