سائنس اور ٹیکنالوجی کے مرکزی وزیر (آزادانہ چارج)، ارضیاتی سائنسز کے وزیر (آزادانہ چارج) اور وزیر اعظم کے دفتر میں وزیر مملکت، جوہری توانائی، خلاء کا محکمہ، وزیر مملکت برائے عملہ، عوامی شکایات اور پنشن، ڈاکٹر جتیندر سنگھ نے آج کہا کہ سبھانشو شکلا کے ذریعہ خلا میں کئے گئے تجربات ہندوستان کو وشوبندھو بھارت کے طور پر پیش کرتے ہیں اور اس کے فوائد پوری بنی نوع انسان کو حاصل ہوں گے۔ یہ تجربات بنیادی طور پر لائف سائنسز اور پلانٹ فزیالوجی سے متعلق تھے۔

آج لوک سبھا میں ‘‘2047 تک ترقی یافتہ ہندوستان کے لیے خلائی پروگرام کا اہم کردار’’ کےموضوع  پر بحث کا آغاز کرتے ہوئے، ڈاکٹر جتیندر سنگھ نے اس بات پر زور دیا کہ گروپ کیپٹن سبھانش شکلا کا مشن نہ صرف ایک علامتی فتح ہے بلکہ یہ کم لاگت خلائی ٹیکنالوجی، بین الاقوامی تعاون اور جدت طرازی میں ہندوستان کی بڑھتی ہوئی صلاحیت کا مظہر ہے۔

ڈاکٹر جتیندر سنگھ نے بین الاقوامی خلائی اسٹیشن (آئی ایس ایس) پر ہندوستان کے پہلے خلاباز کی موجودگی کو ایک ‘‘تاریخی سنگ میل’’ قرار دیا اور اس کامیابی کو 2047 تک ایک ترقی یافتہ ہندوستان بننے کی طرف ایک قدم قرار دیا۔

ڈاکٹر جتیندر سنگھ نے کہا کہ عالمی لاگت کے ایک حصے کے طور پر شروع کیا گیا آئی ایس ایس مشن، جدید سائنسی منصوبہ بندی کے ساتھ دانشورانہ وسائل کو یکجا کرنے کی ہندوستان کی صلاحیت کو ظاہر کرتا ہے۔ انہوں نے کہا کہ یہ کامیابی ہمارے سائنسدانوں کی ذہانت اور خلائی شعبے کو نجی شراکت کے لیے کھولنے والی اصلاحات سے پیدا ہونے والے سازگار ماحول کی عکاسی کرتی ہے۔ انہوں نے کہا کہ 300 سے زیادہ خلائی اسٹارٹ اپ اب ہندوستان کی تیزی سے بڑھتی ہوئی خلائی معیشت  میں نمایاں رول ادا کر رہے ہیں۔

ڈاکٹر جتیندر سنگھ نے اس بات پر زور دیا کہ بین الاقوامی خلائی اسٹیشن پر قیام کے دوران شوبھانشو شکلا کی طرف سے کئے گئے تجربات — لائف سائنسز، زراعت، بایوٹیکنالوجی اور علمی تحقیق سے متعلق  بھارت میں  ہی ڈیزائن اور تیار کیا گیا تھا، جس سے آتم نر بھر بھارت کے وژن کو تقویت ملی۔ انہوں نے مزید کہا کہ ان مطالعات کے فوائدخلا کے علاوہ صحت، زراعت، ڈیزاسٹر مینجمنٹ اور شہری منصوبہ بندی پر لاگو ہوں گے۔

ہندوستان کے خلائی پروگرام کی پیش رفت کے بارے میں بات کرتے ہوئے، ڈاکٹر جتیندر سنگھ نے وزیر اعظم نریندر مودی کی قیادت کو ایک پالیسی ماحولیاتی نظام فراہم کرنے کا سہرا دیا، جس نے ترقی کو تیز کیا۔ انہوں نے 2018 میں لال قلعہ سے کیے گئے اعلان کا حوالہ دیا جس نے ہندوستان کے انسانی خلائی پرواز کے عزائم کو تیز کیا جس کے نتیجے میں ناسا، ایکسی اوم اسپیس اور اسپیس ایکس کے ساتھ موجودہ اشتراک عمل میں آیا۔

مستقبل کو پیش نظر رکھتے  ہوئے، ڈاکٹر جتیندر سنگھ نے کہا کہ ہندوستان کئی اہم سنگ میل حاصل کرنے، جن میں 2026 میں ویوم متر انسانی مشن، 2027 میں گگن یان پروگرام کے تحت پہلے ہندوستانی خلاباز کی لانچنگ، 2035 تک ہندوستانی خلائی اسٹیشن اور 2040 تک ہندوستانی خلاباز چاند پر اترنے کی راہ پر گامزن ہے۔  انہوں نے ایوان کو بتایا کہ 2047 سے چند سال قبل ایک نوجوان ہندوستانی چاند کی سطح سے ترقی یافتہ ہندوستان کی آمد کا اعلان کرے گا۔

ڈاکٹر جتیندر سنگھ نے کہا کہ یہ صرف ایک خلاباز کی بات نہیں ہے۔ یہ دنیا میں ہندوستان کے رول  اور ہر اس بچے کے خوابوں کے بارے میں ہے جو ستاروں تک پہنچنے کی خواہش رکھتا ہے۔

***

ش ح۔  ک ا ۔ م ش

U.NO.4874