تاریخی لال قلعہ سے 79ویں یومِ آزادی کے موقع پر قوم سے خطاب کرتے ہوئے وزیر اعظم جناب نریندر مودی نے اس بات پر زور دیا کہ بھارت کو کھاد کے شعبے میں بھی خودکفالت حاصل کرنی چاہیے، بالکل اسی طرح جیسے ملک نے توانائی میں خود انحصاری کا عزم کیا ہے۔

وزیر اعظم نے کہا کہ فی الحال بھارت اپنی کھاد کی ضروریات کا ایک بڑا حصہ درآمدات سے پورا کرتا ہے۔ انہوں نے کسان برادری سے اپیل کی کہ وہ مٹی کی صحت  کے تحفظ کے لیے کھادوں کا محتاط اور سائنسی استعمال اپنائیں اور غیر ضروری و بے جا استعمال سے گریز کریں جو ’’ماں دھرتی‘‘ کو طویل مدتی نقصان پہنچاتا ہے۔

وزیر اعظم نے نوجوانوں، صنعتی شعبے اور نجی شعبے سے مخاطب ہو کر کہا کہ وہ ملک میں کھاد کے وافر گھریلو ذخائر بنانے کے لیے متحد ہو جائیں۔ انہوں نے زور دیا کہ ملکی ضروریات کو پورا کرنے کے لیے نئے اور جدید طریقے تلاش کئے جائیں اور انہیں فروغ دیا جائے تاکہ پیداوار مکمل طور پر دیسی ذرائع سے ہو۔

وزیر اعظم نے کہا: ’’آئیے ہم کھاد کے اپنے ذخائر کو بھریں، نئے طریقے دریافت کریں، بھارت کی ضروریات کے مطابق کھاد تیار کریں اور دوسروں پر انحصار نہ کریں۔‘‘

حکومت نے اس عزم کا اعادہ کیا ہے کہ وہ صنعتی شراکت داروں، تحقیقی اداروں اور ریاستی حکومتوں کے ساتھ قریبی ہم آہنگی میں کام کرے گی تاکہ گھریلو صلاحیت میں اضافہ، پائیدار کھیتی کے طریقوں کو فروغ اور درآمدات پر انحصار میں کمی لائی جا سکے۔

*****

ش ح۔ ش ا ر۔ ول

Uno- 4763

(Release ID: 2156926)