MY ভারত, দিপার্তমেন্ত ওফ য়ুথ এফ্যার্স, য়ুথ এফ্যার্স অমসুং স্পোর্তস মন্ত্রালয়, ভারত লৈঙাক্না স্কুল ওফ অল্তিমেত লীদর্সিপ ফাউন্দেসন (SOUL)গা নোলেজ শেয়রিং, কেপাসিতী বিল্দিং, অমসুং য়ুথ লীদর্সিপ দিভেলপমেন্তকী লমদা খুৎশম্ননা চৎমিন্ননবা মেমোরেন্দম ওফ অন্দরস্তেন্দিং (MoU) অমা খুৎয়েক পীনখ্রে।

খোঙবু ওইবগী মরী অসিনা গভর্নেন্স, পব্লিক পোলিসী, সোসিএল ওন্ত্রপ্রিন্যুরসিপ, দিজিতেল লিতরেসী, ফাইনেন্সিএল লিতরেসী, অমদি অতৈ লমশিংদা পুন্না থবক পায়খৎমিন্নদুনা ভারত পুম্বদা চহি ১৮-২৯ গী মরক্তা লৈবা নহা লুচিংবা ১০০,০০০ শেমগৎনবা থম্লিবা লৈবাক্কী ওইবা থৌরাংদা ঙাক্লৌ পীননবা পান্দম থম্লি। MoU অসি চহি অহুম চৎনগনি, অমদি নাকল অনিমক্না য়ানরবদি মখা তানা শাংদোকপা য়াগনি।

MoU অসিনা লীদর্সিপ প্রোগ্রামশিং শিন-লাংবা অমদি পাঙথোকপা, কনক্লেব অমসুং ৱর্কসোপ, অপুনবা রীছর্চ, অমসুং নহাশিংগী লমদা থবক তৌরিবা লূপশিংগী কেপাসিতী বিল্দিংগী থৌরমশিং পাঙথোক্নবা লম্বী পীরি। শরুক য়াগদবশিং খনবগী থৌওং ভারত পুম্বগী ওইবা মওংদা পুম্নমক কোনশিন্দুনা খুঙ্গং, সহর, এস্পিরেস্নেল, ত্রাইবেল, নুপী, অমদি শোত্থহৌরবা কাঙলুপশিং শোয়দনা য়াওহন্নবা তৌগনি।

মখাদা পীরিবা থবক থৌওংশিং অসি দেজিগনেতেদ কন্তেক্ত পোইন্তশিং অমদি জোইন্ত ৱর্কিং গ্রুপ অমগুম্বগী খুত্থাঙদা পায়খৎকনি।

· লম কয়াদা (গভর্নেন্স, পব্লিক পোলিসী, সোসিএল ওন্ত্রপ্রিন্যুরসিপ, ফোরেন পোলিসী, কম্ম্যুনিকেসন্স, দিজিতেল লিতরেসী, ফাইনেন্সিএল লিতরেসী) য়ুথ লীদর্সিপ প্রোগ্রামশিংগী মওং লেপথোকপা, শেমগৎপা, অমদি ফংহনবা।

· লুচিংবা শেমগৎনবা য়ুথ কনক্লেব, সেমিনার, ৱর্কসোপ, অমদি ফেলোসিপশিং পাঙথোকপা।

· নহাশিংগী থবক পায়খৎলিবা লুপশিং, এজুকেস্নেল অমদি ত্রেনিং ইন্সতিত্যুসনশিংগী কেপাসিতী বিল্দিং।

· য়ুথ লীদর্সিপকী লমদা জোইন্ত রীছর্চ অমসুং পোলিসী এদভোকেসী।

· য়ুথ লীদর্সিপ অমসুং কেপাসিতী বিল্দিংদা খ্বায়দগী ফবা থৌওংশিং শন্দোকপা।

· MY ভারত অমসুং SOUL গী মরক্তা ত্রেনর, রিসোর্স পর্সন, অমসুং এক্সপর্তিজশিং এক্সচেঞ্জ তৌনবা।

· ত্রেনিং মেতরিএল, করিকুলম, অমদি এসেসমন্ত তুলশিং শেমগৎপা অমদি পীথোক পীশিন তৌনবা।

· লৈবাক থুংনা নহা লুচিংবশিং শম্নহন্নবা নেতৱর্কিং থৌরমশিং।

· মেরিত্তা য়ুম্ফম ওইদুনা, পুম্নমক কোনশিনবা মওংদা শরুক য়াগদবশিং মশক খঙদোক্নবা ওনলাইন কুইজ অমসুং খনবগী থৌওং।

লৈবাক অসিগী নহাশিংগী মফমদা লীদর্সিপ স্কিলশিং লৈহন্নবা ওনলাইন প্রোগ্রাম অমা MoU অসিগী মখাদা পায়খৎনবা মীৎয়েঙ থম্লি, অমদি সেপ্তেম্বর থাদগী হৌরগনি।

*****