وزیر مملکت برائے دفاع نے 12 اگست 2025 کو نئی دہلی میں نائیجیریا کے وزیر مملکت برائے دفاع ڈاکٹر بیلو محمد متوالے کے ساتھ باہمی میٹنگ کی۔ دونوں وزراء نے مختلف شعبوں میں افزوں باہمی دفاعی تعاون اور فوجی مصروفیات کو آگے بڑھانے کے راستے پر تبادلہ خیال کیا۔ انہوں نے انسداد دہشت گردی کی تربیت، تحقیق اور ترقی، سمندری تعاون بشمول ہائیڈروگرافی اور انسداد قزاقی، اور صنعتی تعاون میں تعاون کے مواقع پر غور کیا۔

دفاع کے وزیر مملکت نے ہندوستانی دفاعی صنعت کی اعلیٰ معیار کے دفاعی سازوسامان جیسے کہ ہلکے جنگی طیارے، ہلکے جنگی ہیلی کاپٹر اور آف شور گشتی جہاز تیار کرنے کی صلاحیت کو اجاگر کیا۔ انہوں نے نائیجیرین فریق کی ضروریات کو پورا کرنے کے لیے مکمل تعاون کا یقین دلایا۔ ہندوستانی وفد نے ڈیفنس ریسرچ اینڈ ڈیولپمنٹ بیورو، نائیجیریا کی ٹیم کا خیرمقدم کرنے کے لیے آمادگی ظاہر کی تاکہ مشترکہ آر اینڈ ڈی کے شعبے کو تلاش کیا جا سکے۔ نائیجیریا کے وزیر مملکت، دفاع نے ہندوستانی وفد کو نائیجیریا میں دفاعی صنعت کا دورہ کرنے کی دعوت دی تاکہ اس شعبے میں سرمایہ کاری کے امکانات کو تلاش کیا جا سکے۔

ڈاکٹر بیلو محمد متوالے 11 سے 14 اگست 2025 تک ہندوستان کے دورے پر ایک وفد کی قیادت کر رہے ہیں۔ نائجیریا کے وفد نے دورے کے دوران ہندوستانی دفاعی صنعتوں سے بھی بات چیت کی۔

ہندوستان اور نائجیریا کے درمیان گرمجوشی، دوستانہ، پرانے اور گہرے تعلقات ہیں۔ دفاعی تعلق 1960 کی دہائی کے اوائل سے ملتا ہے۔ دنیا کی سب سے بڑی جمہوریت کے طور پر ہندوستان اور افریقہ میں سب سے بڑی جمہوریت کے طور پر نائجیریا قدرتی شراکت دار بن گئے ہیں۔

**********

 

 (ش ح –ا ب ن)

U.No:4608

(Release ID: 2155898)