Hapoh ka Prokram Youth Parliament jong ka Tnad Parliamentary Affairs, la pynlong ia ki jingiakop Youth Parliament bapher bapher na ka bynta ki skul ha Delhi, ki Kendriya Vidyalaya, ki Jawahar Navodaya Vidyalaya bad ki Skul Bah/Kolej ha kaba palat 5 lak ngut ki samla pule ki la iashim bynta haduh mynta. Ia kine ki jingiakop ym shym la pynlong katkum ka jylla, hynrei katkum ka rukom pyniaid jong ki seng ba don bynta.

Ban kyntiew ia ka jinglah ban ioh bad ka jingktah jong ka Prokram Youth Parliament jong ka Tnad sha ki bynta bad ki thain jong ka ri ki bym pat ioh ia kane haduh mynta, la pynbiang ia ka web-portal jong ka National Youth Parliament Scheme (NYPS) sha baroh ki jaka pule/ki kynhun/ki nongshongshnong jong ka ri ban iashim bynta ha ka rynsan lyngba ka jingiashim bynta ki jaka treikam bad ki kynhun ban pynlong ia ki jingialang jong ka Youth Parliament bad ka jingiashim bynta shimet lyngba ka quiz, katkum ka phang pdeng ‘Bharatiya Democracy in Action’. Ki jaka pule/ki kynhun ki lah ban pynlong ia ki jingialang jong ka Youth Parliament katkum ki jingbthah kiba don ha ka rynsan, upload ia ka video, ki dur bad kiwei kiwei jong ki jingialang bad ioh ia ki digital certificate na ka rynsan.

Ki tiar digital kum ki e-training kata ki kot kiba iadei bad ka Youth Parliament, ka Model Debate, Ki Model Question, Model List of Business, ki Model Script, ki Video Tutorial, bad kiwei kiwei ki lah ban ioh kum ki lad jinghikai ha ka web-portal jong ka NYPS kaba lah ban ioh na ka www.nyps.mpa.gov.in .

Ïa kane ka jingtip la ai da u Myntri Khynnah ba dei khmih ia ka Tnad Parliamentary Affairs bad Information & Broadcasting u Dr. L. Murugan ha ka jubab ba shu thoh ha Rajya Sabha mynta ka sngi.

***

(Release ID: 2155296)