محکمہ ٹیلی مواصلات(ڈی او ٹی) کی سنچار ساتھی پہل قدمی نے ٹیلی کام سیکورٹی کو بڑھانے اور شہریوں کو بااختیار بنانے میں اہم اثرات مرتب کیے ہیں۔ اپنے آغاز کے بعد سے، موبائل ایپ نے چھ ماہ کے اندر 50 لاکھ ڈاؤن لوڈز کے نشان کو عبور کر لیا ہے۔ ہندوستان کے وسیع لسانی اور علاقائی تنوع کو تسلیم کرتے ہوئے، ڈی او ٹی نے انگریزی، ہندی اور 21 علاقائی زبانوں کے ذریعہ ایپ کی رسائی میں اضافہ کیا ہے۔ دھوکہ دہی والی کالوں اور پیغامات کی رپورٹنگ کو اور زیادہ ہموار بنا دیا گیا ہے، صارفین اب صرف چند ٹیپس (taps)کے ذریعہ اپنی کال اور ایس ایم ایس لاگز سے براہ راست رپورٹ فائل کر سکتے ہیں۔

اپنے آغاز کے وقت سے، سنچار ساتھی پہل  قدمی نے 5.35 لاکھ سے زیادہ گمشدہ یا چوری شدہ موبائل ہینڈ سیٹس کی بازیابی، شہریوں کی رپورٹوں کی بنیاد پر ایک کروڑ سے زیادہ غیر مجاز موبائل کنکشن منقطع کرنے، اور چکشو فیچر کے ذریعے جھنڈے والے 29 لاکھ سے زیادہ موبائل نمبروں کو غیر فعال کرنے کا باعث بنا ہے۔ سنچار ساتھی پورٹل نے 16.7 کروڑ سے زیادہ دورے دیکھے ہیں، جو اس شہری پر مبنی ڈیجیٹل پلیٹ فارم پر عوام کے بڑھتے ہوئے اعتماد کی عکاسی کرتا ہے۔

ڈی او ٹی نے مالی جعل سازی خطرے کے اشاریے(ایف آئی آئی) کو بھی لاگو کیا ہے، جو مالیاتی فراڈ کے خطرے کے ساتھ ان کے وابستگی کی بنیاد پر موبائل نمبروں کا اندازہ اور درجہ بندی کرتا ہے۔ یہ ٹول بینکوں، این بی ایف سی، اور یو پی آئی سروس فراہم کرنے والوں کو صارفین کے تحفظ کے لیے فعال اقدامات کرنے کے قابل بناتا ہے۔ نتیجے کے طور پر، 34 مالیاتی اداروں نے 10.02 لاکھ بینک اکاؤنٹس/ادائیگی والے بٹوے منجمد کر دیے ہیں، اور ایف آئی آئی درجہ بندیوں کی بنیاد پر 3.05 لاکھ اکاؤنٹس پر ڈیبٹ/کریڈٹ پابندیاں عائد کر دی ہیں۔

16 مئی 2023 کو شروع کیے گئے پورٹل کی کامیابی کی بنیاد پر، ڈی او ٹی نے 17 جنوری 2025 کو سنچار ساتھی موبائل ایپ متعارف کرائی، جو صارفین کو ٹیلی کام سیکیورٹی سروسز تک براہ راست اور آسان رسائی کی پیشکش کرتی ہے۔ اینڈرائیڈ اور آئی او ایس دونوں پلیٹ فارمز پر دستیاب ایپ صارفین کو اپنی ٹیلی کام شناخت کی حفاظت کرنے اور ممکنہ دھوکہ دہی کے خلاف فوری کارروائی کرنے کا اختیار دیتی ہے۔

سنچار ساتھی موبائل ایپ کی اہم خصوصیات:

• چکشو – یہ مشکوک جعل سازی کی مواصلات کو رپورٹ کرتا ہے

مشکوک کالوں اور ایس ایم ایس کی فوری طور پر اطلاع دیں، براہ راست موبائل فون لاگ سے۔

• اپنے نام پر موبائل کنکشنوں کو جانیں

یہ فیچر غیر مجاز کنکشن کا پتہ لگانے اور ہٹانے میں مدد کرتے ہوئے اپنے نام کے تحت رجسٹرڈ تمام موبائل نمبر دیکھنے اور ان کا نظم کرنے میں مدد کرتا ہے۔

• گمشدہ اور چوری کیے گئے موبائل ہینڈ سیٹوں کو بلاک کرنا

یہ فیچر اپنے موبائل ڈیوائس کے کھو جانے یا چوری ہونے کی صورت میں اسے فوری طور پر بلاک کرنے، ٹریس کرنے اور بازیافت میں مدد کرتا ہے۔

• موبائل ہینڈ سیٹ کی اصلیت جاننا:

خریداری کرنے سے پہلے آسانی سے تصدیق کریں کہ آیا ہینڈ سیٹ اصلی ہے۔

سنچار ساتھی پہل جن بھاگیداری کی مثال دیتی ہے - حکمرانی میں شہریوں کی شرکت۔ سائبر کرائم اور مالیاتی فراڈ کے لیے ٹیلی کام وسائل کے غلط استعمال کو روکنے میں صارفین کی جانب سے پیش کردہ رپورٹس اہم کردار ادا کرتی ہیں۔ ڈی او ٹی عوامی شفافیت کے لیے پورٹل پر دستیاب سٹیٹس ڈیش بورڈز کے ساتھ ان رپورٹس پر تیزی سے کارروائی جاری رکھے ہوئے ہے۔

ٹیلی کام کے بنیادی ڈھانچے اور صارف کی سلامتی کے تحفظ کے لیے پوری طرح پرعزم، ڈی او ٹی تمام شہریوں سے الرٹ رہنے اور مشکوک ٹیلی کام سرگرمیوں کی اطلاع دینے کے لیے سنچار ساتھی پلیٹ فارم کا بھرپور استعمال کرنے کی اپیل کرتا ہے۔

سنچار ساتھی موبائل ایپ مندرجہ ذیل ذرائع سے ڈاؤن لود کی جا سکتی ہے:

اینڈرائیڈ: https://play.google.com/store/apps/details?id=com.dot.app.sancharsaathi

آئی او ایس: https://apps.apple.com/app/sanchar-saathi/id6739700695

**********

 (ش ح –ا ب ن)

U.No:4440