പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭാ യോഗം, 2025-26 സാമ്പത്തിക വർഷത്തിൽ, 12,000 കോടി രൂപ ചെലവിൽ, പ്രധാനമന്ത്രി ഉജ്ജ്വല യോജന (പിഎംയുവൈ) ഗുണഭോക്താക്കൾക്ക്  14.2 കിലോഗ്രാം സിലിണ്ടറിന് പ്രതിവർഷം 9 റീഫില്ലുകൾ വരെ സിലിണ്ടർ ഒന്നിന് 300 രൂപ (5 കിലോ സിലിണ്ടറിന് ആനുപാതികമായി)  സബ്‌സിഡി നൽകാൻ തീരുമാനിച്ചു,  .

പ്രധാനമന്ത്രി ഉജ്ജ്വല യോജന: രാജ്യത്തുടനീളമുള്ള ദരിദ്ര കുടുംബങ്ങളിലെ മുതിർന്ന സ്ത്രീകൾക്ക് നിക്ഷേപ രഹിത എൽപിജി കണക്ഷൻ നൽകുക എന്ന ലക്ഷ്യത്തോടെ 2016 മെയ് മാസത്തിൽ പ്രധാനമന്ത്രി ഉജ്ജ്വല യോജന (പിഎംയുവൈ) ആരംഭിച്ചു. 01.07.2025 ലെ കണക്കനുസരിച്ച്, രാജ്യത്തുടനീളം ഏകദേശം 10.33 കോടി പിഎംയുവൈ കണക്ഷനുകളുണ്ട്. 

എല്ലാ PMUY ഗുണഭോക്താക്കൾക്കും ഡെപ്പോസിറ്റ്-ഫ്രീ LPG കണക്ഷൻ ലഭിക്കും, അതിൽ സിലിണ്ടറിന്റെ സെക്യൂരിറ്റി ഡെപ്പോസിറ്റ് (SD), പ്രഷർ റെഗുലേറ്റർ, സുരക്ഷാ ഹോസ്, ഗാർഹിക ഗ്യാസ് കൺസ്യൂമർ കാർഡ് (DGCC) ബുക്ക്‌ലെറ്റ്, ഇൻസ്റ്റാളേഷൻ ചാർജുകൾ എന്നിവ ഉൾപ്പെടുന്നു. ഉജ്ജ്വല 2.0 ന്റെ നിലവിലുള്ള രീതികൾ അനുസരിച്ച്, എല്ലാ ഗുണഭോക്താക്കൾക്കും ആദ്യ റീഫില്ലും സ്റ്റൗവും സൗജന്യമായി നൽകുന്നു. LPG കണക്ഷനോ ആദ്യ റീഫില്ലിനോ സ്റ്റൗവിനോ വേണ്ടി PMUY ഗുണഭോക്താക്കൾ യാതൊരു പണമടയ്ക്കലും നടത്തേണ്ടതില്ല, കാരണം ഇവയുടെ ചെലവ് ഇന്ത്യാ ഗവൺമെന്റ്/OMCകൾ വഹിക്കുന്നു.

പ്രധാനമന്ത്രി ഉജ്ജ്വല യോജന ഉപഭോക്താക്കൾക്കായി ലക്ഷ്യമിട്ട സബ്‌സിഡി: ഇന്ത്യ അതിന്റെ LPG ആവശ്യകതയുടെ 60% ഇറക്കുമതി ചെയ്യുന്നു. എൽപിജിയുടെ അന്താരാഷ്ട്ര വിലയിലെ കുത്തനെയുള്ള ഏറ്റക്കുറച്ചിലുകളുടെ ആഘാതത്തിൽ നിന്ന് പിഎംയുവൈ ഗുണഭോക്താക്കളെ സംരക്ഷിക്കുന്നതിനും, പിഎംയുവൈ ഉപഭോക്താക്കൾക്ക് എൽപിജി കൂടുതൽ താങ്ങാനാവുന്നതാക്കി മാറ്റുന്നതിനും, അതുവഴി അവരുടെ എൽപിജിയുടെ സുസ്ഥിര ഉപയോഗം ഉറപ്പാക്കുന്നതിനുമായി, 2022 മെയ് മാസത്തിൽ, പിഎംയുവൈ ഉപഭോക്താക്കൾക്ക് പ്രതിവർഷം 12 റീഫില്ലുകൾക്ക് (5 കിലോ കണക്ഷനുകൾക്ക് ആനുപാതികമായി പ്രോ-റേറ്റ് ചെയ്‌തത്) ഓരോ 14.2 കിലോഗ്രാം സിലിണ്ടറിനും 200 രൂപ എന്ന ലക്ഷ്യത്തോടെയുള്ള സബ്‌സിഡി ​ഗവൺമെന്റ് ആരംഭിച്ചു. 2023 ഒക്ടോബറിൽ, പ്രതിവർഷം 12 റീഫില്ലുകൾക്ക് (5 കിലോ കണക്ഷനുകൾക്ക് ആനുപാതികമായി) ഓരോ 14.2 കിലോഗ്രാം സിലിണ്ടറിനും സബ്സിഡി 300 രൂപയായി ​ഗവൺമെന്റ് വർദ്ധിപ്പിച്ചു.

പിഎംയുവൈ കുടുംബങ്ങളിലെ മെച്ചപ്പെട്ട എൽപിജി ഉപഭോഗം : 2019-20 ൽ ഏകദേശം 3 റീഫില്ലുകളും 2022-23 ൽ 3. 68 റീഫില്ലുകളും മാത്രമായിരുന്ന പിഎംയുവൈ ഉപഭോക്താക്കളുടെ ശരാശരി പ്രതിശീർഷ ഉപഭോഗം (പിസിസി) 2024-25 സാമ്പത്തിക വർഷത്തിൽ ഏകദേശം 4.47 ആയി വർധിച്ചു.

***

AT