ہندوستان کی میری ٹائم گورننس کو جدید بنانے کی طرف ایک بڑا قدم اٹھاتے ہوئے بندرگاہوں، جہاز رانی اور آبی گزرگاہوں کی وزارت کے ڈائریکٹوریٹ جنرل آف شپنگ (ڈی جی ایس)نے آج  ‘‘آئی ٹی کانکلیو-2025 - میری ٹائم میں ٹیکنالوجی کا فائدہ اٹھانا’’ کا انعقاد کیا۔

کانفرنس کا افتتاح بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال اور مرکزی وزیر مملکت شانتنو ٹھاکر نے کیا۔ کانفرنس نے ایک اسمارٹ، محفوظ اور شفاف سمندری ماحولیاتی نظام کی تعمیر کے لیے ڈیزائن کردہ تبدیلی کے ڈجیٹل اقدامات کی نمائش کی۔ ڈی جی ایس اور کمپنی آف ماسٹر میرینرز آف انڈیا (سی ایم ایم آئی) کی طرف سے مشترکہ طور پر منعقد کی گئی یہ کانفرنس حکومت کے ‘ڈجیٹل انڈیا’، ‘میری ٹائم انڈیا ویژن 2030’ اور ‘امرت کال ویژن-2047’ کے تحت وسیع تر ویژن کے مطابق ہے۔

اہم اقدامات میں ڈی جی شپنگ کی ویب سائٹ کی اصلاح، ای سمندر پلیٹ فارم کے فیز-1 کا آغاز اور ایک جامع ڈجیٹل ٹرانسفارمیشن ویژن دستاویز کا اجرا شامل ہے۔ ڈی جی شپنگ کی دوبارہ ڈیزائن کردہ ویب سائٹ اب جی آئی جی ڈبلیو 3.0 کے مطابق ہے۔ اس کا ایک کثیر لسانی موبائل ریسپانسیو انٹرفیس ہے جو سمندری مسافروں، جہاز کے مالکان، تربیتی اداروں اور دیگر اسٹیک ہولڈرز تک رسائی کو بڑھاتا ہے۔

وزیر  موصوف ے فلیگ شپ ‘ای سمندر پلیٹ فارم ’کے تحت ابتدائی ماڈیولز کا بھی آغاز کیا، ایک کلاؤڈ مقامی نظام جس کا مقصد 60 سے زیادہ میری ٹائم خدمات کو ایک ڈجیٹل چھت کے نیچے ضم کرنا ہے۔

پہلے مرحلے میں چارٹرنگ کی اجازتوں اور لائسنسوں کے ماڈیولز، جہازوں کی چارٹرنگ کی منظوریوں کے عمل کو ہموار کرنا، مالی امداد اور مراعات تک رسائی کو آسان بنانے کے لیے شپ بلڈنگ فنانشل اسسٹنس (ایس بی ایف اے) ماڈیول، ملٹی موڈل ٹرانسپورٹ آپریٹر (ایم ٹی او) ماڈیول شامل ہیں جو ڈجیٹل رجسٹریشن اور سکیورٹی کے انتظام کے ذریعے نظام کو دوبارہ ترتیب دینے،ڈی جی ایس کے دفاتر تک میکانائزنگ رسائی اور رسائی کے انتظام کو فعال کرتے ہیں۔

مرکزی وزیر جناب سربانند سونووال نے کہا کہ یہ ڈجیٹل اقدامات سمندری حکمرانی میں ایک انقلابی تبدیلی کی نمائندگی کرتے ہیں۔ یہ ٹیکنالوجی پر مبنی مستقبل کے قومی ویژن کے مطابق شفافیت، کارکردگی اور اختراع کے لیے ہمارے عزائم کی عکاسی کرتے ہیں۔

جناب سربانند سونووال نے مزید کہا کہ ہندوستان کا بحری شعبہ وزیر اعظم جناب نریندر مودی کی ویژنری قیادت میں ڈجیٹل نشاۃ ثانیہ سے گزر رہا ہے۔ یہ اہم اقدامات شفافیت، کارکردگی اور عالمی مسابقت کے لیے ٹیکنالوجی کو استعمال کرنے کے لیے ہماری وابستگی کی عکاسی کرتے ہیں جب کہ ہم وزیر اعظم جناب نریندر مودی جی کے تصور کے مطابق ایک ترقی یافتہ ہندوستان کی طرف اپنا راستہ بناتے ہیں۔

اس تقریب میں ایم ایم ڈی نوئیڈا میں ایک پائلٹ اے آئی پر مبنی ڈجیٹل امتحانی نظام کے آغاز اور میری ٹائم سیکٹر میں لیوریجنگ ٹیکنالوجیویژن بک لیٹ کی نقاب کشائی کا بھی مشاہدہ کیا گیا۔ دستاویز میں میری ٹائم سیکٹر میں ڈجیٹل تبدیلی کے لیے ڈی جی ایس کے روڈ میپ کا خاکہ پیش کیا گیا ہے جیسے کہ لرننگ مینجمنٹ سسٹم ( ایل ایم ایس) اور ویب پر مبنی سمولیشن ٹولز جو عالمی ایس ٹی سی ڈبلیو معیارات کے مطابق ہیں، میری ٹائم ریکارڈ کے لیے ڈجیٹل آرکائیو حل، سیمنز پروویڈنٹ فنڈ آرگنائزیشن(ایس پی ایف او) اور سیمنز اینڈ کامنز کنٹرول سوسائٹی ویلفیئر(ایس ڈبلیو ایف ایس  اور ڈیٹا مانیٹرنگ کا مرکزم جس  میں ڈجیٹل پرسنل ڈیٹا پروٹیکشن ایکٹ کے مطابق سائبر سکیورٹی اور ڈیٹا پروٹیکشن فریم ورک کا فروغ بھی شامل ہے۔

سربانند سونووال نے کہا کہ اے آئی سے چلنے والے امتحانات سے لے کر مربوط ای-گورننس پلیٹ فارم تک یہ کوششیں ہندوستان کی جہاز رانی کے طریقے کو تبدیل کر رہی ہیں، جس سے یہ  چوکس، محفوظ اور مستقبل کے لیے تیار ہے۔

بندرگاہوں، جہاز رانی اور آبی گزرگاہوں کے مرکزی وزیر مملکت شانتنو ٹھاکر نے کہا کہ ای سمندر اور ہمارے دوسرے ڈجیٹل پلیٹ فارم کے ساتھ ہمارا مقصد بغیر کسی رکاوٹ کے خدمات فراہم کرنا، کاروبار کرنے میں آسانی کو فروغ دینا اور میری ٹائم ڈجیٹل گورننس میں ہندوستان کو عالمی رہنما کے طور پر قائم کرنا ہے۔ وزیر اعظم کے ڈجیٹل انڈیا مشن سے متاثر ہو کر ہم جدت، رفتار اور سروس پر مبنی میری ٹائم گورننس سسٹم بنا رہے ہیں۔

 مستقبل کی جانب  دیکھتے ہوئے، روڈ میپ 2030 تک اور اس سے آگے کی خود مختار کارروائیوں، پیشین گوئی کے تجزیات اور اگلی نسل کی میری ٹائم خدمات کو بااختیار بنانے کے لیے ابھرتی ہوئی ٹیکنالوجیز جیسے کہ اے آئی ، ایل او ٹی ، بلاک چین اور جغرافیائی ٹولز کو اپنانے کا تصور پیش کرتا ہے۔ ہندوستان کا بحری شعبہ اب اعتماد کے ساتھ  اورڈجیٹل مستقبل کے ساتھ ساتھ ایک اسمارٹ، محفوظ اور مستقبل کے لیے تیار  بلیو اکانومی کی طرف بڑھ رہا ہے۔

******

(ش ح – ظ ا- ع ن)

UR No. 4341

(Release ID: 2154035)