فوڈ سیفٹی اینڈ اسٹینڈرڈز اتھارٹی آف انڈیا(ایف ایس ایس اے آئی) نے آیوش کی وزارت کے ساتھ مشاورت کرتے ہوئے ’آیوروید آہار‘ کے زمرے کے تحت آیورویدک کھانے کی تیاریوں کی ایک حتمی فہرست جاری کی ہے۔ یہ اہم قدم 2022 میں فوڈ سیفٹی اینڈ اسٹینڈرڈز (آیور وید اہارا) کے ضوابط کے متعارف ہونے کے بعد،بھارت کے وقت کے لحاظ سے کھانے کی دانشمندی کو مرکزی دھارے میں لاتا ہے۔ یہ ضابطے مستند آیورویدک متون کی ترکیبوں، اجزاء اور عمل پر مبنی کھانوں کو تسلیم کرتے ہیں، اور نئی فہرست صارفین کے لیے بے مثال اور قابل اعتماد کاروبار لاتی ہے۔

فہرست، ضابطوں کے شیڈول بی کے نوٹ (یکم) کے تحت جاری کی گئی ہے، براہ راست شیڈول اے میں درج کلاسیکی آیورویدک متن سے اخذ کی گئی ہے، جو ان خوراکی فارمولے کی صداقت اور روایتی بنیاد کو یقینی بناتی ہے۔ اس اقدام کا مقصد فوڈ بزنس آپریٹرز کی مدد کرنا ہے تاکہ آیور وید اہار مصنوعات کی تیاری کے لیے ایک واضح اور قابل اعتبار حوالہ فراہم کیا جائے۔

مستقبل میں اضافے کی سہولت کے لیے،ایف ایس ایس اے آئی نے ایف بی اوز کے لیے ایک عمل قائم کیا ہے تاکہ وہ اضافی زمرہ اے پروڈکٹس کو شامل کرنے کی درخواست کی جائے جو ابھی تک درج نہیں ہیں۔ اس طرح کی درخواستوں کو شیڈولاے میں مستند متن سے معاون حوالہ جات کی ضرورت ہوتی ہے۔ مستقبل میں ہونے والی تمام اپ ڈیٹس یا تبدیلیوں کو فوڈ اتھارٹی کی طرف سے مناسب طور پر مطلع کیا جائے گا۔

خاص طور پر، آیوروید آہاربھارت کی لازوال فوڈ کلچر کی فراوانی کو مجسم کرتا ہے، جس کی جڑ آیوروید میں ہے، جو دنیا کے سب سے قدیم اور صحت کے سب سے زیادہ جامع نظام میں سے ایک ہے۔ یہ کھانے کی مصنوعات فطرت کے ساتھ ہم آہنگی، غذائیت، توازن اور روایت کو ملا کر مجموعی بہبود کو فروغ دینے کے لیے تیار کی گئی ہیں۔ نومبر 2023 میں ورلڈ فوڈ انڈیا کی افتتاحی تقریب میں وزیر اعظم جناب نریندر مودی نے کہا تھا’بھارت کی پائیدار فوڈ کلچر ہزاروں سالوں کے سفر کا نتیجہ ہے۔ ہمارے آباؤ اجداد نے آیوروید کو عام لوگوں کے کھانے کے انداز سے جوڑا تھا۔ جس طرح بھارت کی پہل پر بین الاقوامی فوڈ کلچر تیار ہوا، یوگا ڈے یوگا کو لے کر گیا، اب باجرہ دنیا کے کونے کونے میں پہنچایا جائے گا۔

جناب پرتاپراؤ جادھو، وزیر مملکت (آزادانہ چارج)، آیوش کی وزارت اور ریاستی وزیر، صحت اور خاندانی بہبود کی وزارت، نے شہریوں پر زور دیا کہ وہ آیوروید آہار کو اپنی روزمرہ کی زندگیوں میں شامل کریں تاکہ اس کے طویل مدتی صحت کے فوائد کا تجربہ کیا جا سکے۔ انہوں نے اس بات پر زور دیا کہبھارت کی روایتی دانشمندی سے جڑے ہوئے یہ وقتی تجربہ شدہ غذائی طرز عمل نہ صرف جسم کی پرورش کرتے ہیں بلکہ قوت مدافعت کو بھی مضبوط کرتے ہیں، عمل انہضام کو سپورٹ کرتے ہیں اور مجموعی صحت کو فروغ دیتے ہیں۔ مرکزی وزیر نے مزید کہا کہ ’آج کے تیز رفتار طرز زندگی میں، آیوروید آہار کو اپنانا احتیاطی صحت کی دیکھ بھال اور متوازن، پائیدار طرز زندگی کی طرف ایک بامعنی قدم ہے۔

آیوش کی وزارت کے سکریٹری جناب ویدیا راجیش کوٹیچا نے کہا کہ آیوروید اہار مصنوعات کی حتمی فہرست کا اجرا بھارت کے روایتی علمی نظام کو جدید ریگولیٹری فریم ورک کے ساتھ ہم آہنگ کرنے میں ایک اہم قدم ہے۔ سکریٹری نے نوٹ کہا کہیہ اقدام نہ صرف فوڈ بزنس آپریٹرز کو انتہائی ضروری وضاحت کے ساتھ بااختیار بناتا ہے بلکہ آیوروید پر مبنی غذائیت میں صارفین کے اعتماد کو بھی مضبوط کرتا ہے۔"

 نیشنل انسٹی ٹیوٹ آف آیوروید کے وائس چانسلرپروفیسر سنجیو شرما نے کہا کہ آیوش آہارمجموہ کی ترقی ایک ضابطہ فریم ورک کے تحت کلاسیکی آیورویدک فوڈ فارمولہ کو مرکزی دھارے میں لانے میں ایک اہم قدم ہے۔ انہوں نےکہا کیا کہ این آئی اے نے آیوش کی وزارت کی رہنمائی میں، سائنسی اور متنی توثیق کو یقینی بناتے ہوئے مستند آیورویدک متنوں سے روایتی فارمولے کو احتیاط سے اس کے رمز کو تلاش کیا۔

 انہوں نے مزید کہا کہ یہ کوشش خوراک کے مینوفیکچررز کے لیے ایک رہنما دستاویز کے طور پر کام کرے گی اور عوام کو آیوروید کے اصولوں میں جڑے محفوظ، مستند اور وقت کے مطابق غذائی حل تک رسائی میں مدد کرے گی۔

آیوروید اہار سے مراد خوراک کی مصنوعات ہیں جو آیوروید کے مجموعی غذائی اصولوں کے مطابق تیار کی گئی ہیں، جو کہ صحت اور تندرستی کے دنیا کے قدیم ترین نظاموں میں سے ایک ہے۔ یہ تیاریاں توازن، موسمی موافقت، اور قدرتی اجزاء اور جڑی بوٹیوں کے استعمال پر زور دیتی ہیں جو ان کے علاج کے فوائد کے لیے مشہور ہیں۔ احتیاطی صحت اور پائیدار زندگی میں عوام کی بڑھتی ہوئی دلچسپی کے ساتھ، آیوروید آہار کو ایک قابل اعتماد غذائی انتخاب کے طور پر تیزی سے پہچانا جاتا ہے جو روایت کو جدید غذائی عادات کے ساتھ ہم آہنگ کرتا ہے۔

یہ اقدام صحت عامہ کے بہتر نتائج کے لیے آیوروید پر مبنی غذائیت کو وسیع پیمانے پر اپنانے کو فروغ دیتے ہوئے صنعت کے اسٹیک ہولڈرز کے لیے ریگولیٹری وضاحت کو بڑھانے کے لیے ایک اہم لمحہ کی نشاندہی کرتا ہے۔

ایف ایس ایس اے آئی کے ذریعہ شائع کردہ آیوروید احرا کی فہرست کودرج ذیل لنک کے ذریعے حاصل کیا جا سکتا ہے:

https://www.fssai.gov.in/upload/advisories/2025/07/68835f872eaf4Order%20dated%2025-07-2025%20enclosing%20Ayurveda%20Aahara.pdf

***

(ش ح۔اص)

UR No 3860

(Release ID: 2151764)