नवी दिल्ली, 1 ऑगस्ट 2025

देशात राज्यघटना लागू झाल्याला 75 वर्षे पूर्ण झाल्यानिमित्त, सांस्कृतिक मंत्रालयाने 26 नोव्हेंबर 2024 रोजी वर्षभराच्या हमारा संविधान, हमारा स्वाभिमान स्मरणोत्सव मोहिमेचा प्रारंभ केला होता. 26 नोव्हेंबर हा दिवस राज्यघटना दिन म्हणून साजरा केला जातो. सांस्कृतिक मंत्रालयाने दिलेल्या माहितीनुसार या उपक्रमाची उद्दिष्ट्ये खाली नमूद केली आहेत :

 * भारताच्या राज्यघटनेबद्दल लोकांमध्ये एक दृश्यात्मक जाणिव निर्माण करणे.

 * भारताच्या राज्यघटनेतील माहितीबद्दल जागरूकता वाढवणे.

 * राज्यघटना तयार करताना घेतलेल्या प्रचंड परिश्रमाची माहिती लोकांसमोर आणणे.

 * भारताच्या नागरिकांमध्ये राज्यघटनेबद्दल अभिमानाची भावना जागृत करणे.

या मोहीमेतर्गत देशभरात 13,700 पेक्षा जास्त कार्यक्रमांचे आयोजन करण्यात आले, त्यात 1 कोटींहून अधिक नागरिकांनी सहभाग घेतला.

ही माहिती विधी आणि न्याय मंत्रालयाचे राज्यमंत्री (स्वतंत्र प्रभार) आणि संसदीय कामकाज मंत्रालयाचे राज्यमंत्री अर्जुन राम मेघवाल यांनी आज लोकसभेत एका प्रश्नाच्या लेखी उत्तरामध्ये दिली.

सुवर्णा बेडेकर/तुषार पवार/प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 2151295)