•  خصوصی مہم 2.0 کے اختتام تک ہدف شکایات کی 86 فیصد شکایات کا ازالہ کر دیا گیا

• خصوصی مہم 2.0 سینکڑوں فیملی پنشنرز اور سپر سینئر پنشنرز کو بااختیار بناتی ہے
• خصوصی مہم 2.0 ڈیجیٹل انڈیا خصوصی مہم 2.0 کے تئیں عہد بستگی کو تقویت دیتی ہے جس سے حل کا اوسط وقت کم ہو کر 20 دن رہ جاتا ہے۔

بھارت سرکار سی پی این جی آر اے ایم ایس کے ذریعہ مرکزی حکومت کے پنشنرز کی شکایات کے ازالے کے لیے پرعزم ہے ، جو ایک آن لائن پورٹل ہے ، اس پورٹل پر درج شکایات کے اندراج اور ٹریکنگ کی سہولت موجود ہے۔

عملہ، عوامی شکایات اور پنشن کی وزارت کے مرکزی وزیر مملکت ڈاکٹر جتیندر سنگھ نے فیملی پنشنرز اور سپر سینئر پنشنرز کی شکایات کے بروقت اور معیاری ازالے کے لیے یکم جولائی تا 31 جولائی 2025 کے دوران ایک ماہ کی خصوصی مہم 2.0 کا افتتاح کیا تھا۔

مہم سے پہلے کے مرحلے کے ایک حصے کے طور پر ، ڈی او پی پی ڈبلیو نے مہم کے ہموار انعقاد کے لیے رہنما خطوط جاری کیے تھے اور وزارت داخلہ کے تحت وزارت دفاع ، ریلوے ، سی اے پی ایف سمیت 51 وزارتوں / محکموں / تنظیموں سے متعلق 2،210 شکایات کی نشاندہی کی گئی اور ان کا تبادلہ کیا گیا۔

مہم کی روزانہ مانیٹرنگ کی گئی تاکہ تمام شناخت شدہ معاملات کے معیاری حل کو یقینی بنایا جاسکے۔ مزید برآں اسٹیک ہولڈروں کے ساتھ باقاعدگی سے گفت و شنید کے دوران اس بات پر زور دیا گیا کہ شکایات کو منطقی انجام تک پہنچنے کے بعد ہی بند کیا جائے۔

مہم سے شکایات سے نمٹانے والے عہدیداروں کے طرز عمل میں تبدیلی آئی ہے۔ متعدد اسٹیک ہولڈروں سے جڑے معاملوں میں اپنائے گئے ’پورے حکومتی اپروچ‘ کے نتیجے میں طویل عرصے سے زیر التوا پیچیدہ شکایات کا ازالہ ہوا ہے۔

ڈی او پی پی ڈبلیو نے 15.07.2025 کو وزارتوں / محکموں / تنظیموں کے نمائندوں کے ساتھ سکریٹری ، پنشن کی صدارت میں مہم کا وسط مہم میں جائزہ لیا تھا۔ یہاں تک کہ ان کے معاملوں کے بروقت ازالے کو یقینی بنانے کے لیے وزارت کی مخصوص میٹنگیں بھی منعقد کی گئیں۔ کامیابی کی کہانیوں پر توجہ مرکوز کرنے کے ساتھ مہم کی پیشرفت کو باقاعدگی سے ڈی او پی پی ڈبلیو کے سوشل میڈیا ہینڈلز / چینلوں کے ذریعہ شیئر کیا گیا تھا جس میں ’SpecialCampaign2.0 ہیش ٹیگ کے تحت ٹویٹس بھی شامل تھے۔

51 وزارتوں / محکموں کی مربوط کوششوں کے نتیجے میں کل 2210 شکایات میں سے 1897 شکایات کا ازالہ ہوا ہے ، جس میں بڑی تعداد میں کامیابی کی کہانیاں بھی شامل ہیں۔ اس کے علاوہ اس مہم کا شکایات کے ازالے کے اوسط وقت پر بھی مثبت اثر پڑا ہے کیونکہ یہ مئی 2025 میں 34 دن سے کم ہوکر جولائی 2025 میں 20 دن رہ گئی ہے۔

خصوصی مہم 2.0 نے ملک بھر میں فیملی پنشنرز اور سپر سینئر پنشنرز کو فائدہ پہنچایا ہے، جن میں زیادہ تر دور دراز اور دیہی علاقوں سے تعلق رکھتے ہیں۔ مربوط طریقہ کار نے مغربی بنگال کے ضلع دارجلنگ کے دور افتادہ گاؤں سکنا سے تعلق رکھنے والی فیملی پنشنر محترمہ سریتا تمنگ کی مدد کی ہے کیونکہ انھیں 11 سال بعد 13.92 لاکھ روپے کا بقایا ملا ہے۔ کانپور کے گاؤں گہلون کی رہنے والی ویر ناری محترمہ گیتا دیوی کا طویل عرصے سے زیر التوا معاملہ 6 سال بعد 25 لاکھ روپے کی ادائیگی کے ساتھ حل ہو گیا ہے۔

اس کے علاوہ دہلی پولیس کے سابق اہلکاروں کی زیر کفالت ماں لکشمی دیوی کی طویل عرصے سے زیر التوا شکایت کو 26 لاکھ روپے سے زیادہ کی ادائیگی کے ساتھ حل کر دیا گیا ہے۔ ہریانہ کے انبالہ کینٹ سے تعلق رکھنے والے 87 سالہ سپر سینئر پنشنر سبھاش چندرا کو 28 سال بعد 21 لاکھ روپے سے زیادہ کا بقایا ملا ہے۔

لہٰذا یہ پہل فیملی پنشنرز اور سپر سینئر پنشنرز، خاص طور پر خواتین مستفید ہونے والوں کو مالی استحکام اور سماجی بااختیار بنانے میں کامیاب ثابت ہوئی ہے۔

خصوصی مہم 2.0 نے ’ڈیجیٹل بھارت‘ کے ذریعے سماج کے پسماندہ طبقوں کی بہبود اور انھیں بااختیار بنانے کے لیے حکومت کی عہد بستگی کو تقویت دی ہے۔

***

(ش ح – ع ا)

U. No. 3745

(Release ID: 2151019)