নেস্নেল হায়ৱেশিং শেমগৎনবা অমদি পাননবা থৌদাং লৌরিবা রোদ ত্রান্সপোর্ত অমসুং হায়ৱেজ মন্ত্রালয় (MoRT&H) না অৱাং নোংপোক লমদমদা নেস্নেল হায়ৱেজ কিলোমিতর ১৬,২০৭ শেম্লে। ০১.০৪.২০২৫ ফাওবদা রেলৱেজ মন্ত্রালয়না অৱাং নোংপোক লমদমদা মপুং ফানা নৎত্রগা শরুক খরা লৈবা লুপা করোর ৬৯,৩৪২ গী ওইগদবা পুন্না কিলোমিতর ৭৭৭ শাংবা রেলৱে প্রোজেক্ত ১২ (অনৌবা লাইন ০৮ অমদি দব্লিং ০৪) সেংসন তৌখ্রে, মসিগী মনুংদা কিলোমিতর ২৭৮ কম্মিসন তৌখ্রে অমদি মার্চ ২০২৫ ফাওবদা লুপা করোর ৪১,৬৭৬ কী শেনফম চঙখ্রে। প্রধান মন্ত্রী গ্রাম সরক য়োজনাগী মখাদা, অৱাং নোংপোক লমদমদা কিলোমিতর ৮৯,৪৩৬ শাংবা অমদি থোং ২৩৯৮ য়াওবা লম্বীগী থবক ১৭,৬৩৭ সেংসন তৌখ্রে, মসিগী মনুংদা কিলোমিতর ৮০,৯৩৩ শাংবা থোং ২১০৮ য়াওবা লম্বীগী থবক ১৬,৪৬৯ লোইশিনখ্রে। অৱাং নোংপোক লমদমগী মনুং হঞ্জিনবা অমদি খুঙ্গংগী লমদমদা বেন্দৱাইদ ৱাংবা ইন্তরনেত/ব্রোদবেন্দ কন্নেক্তিবিতী অমদি মোবাইল সর্ভিস ফংহন্নবগীদমক দিজিতেল ভারত নিধি (DBN) দগী শেল থাদদুনা খোঙথাং অমদি প্রোজেক্ত কয়া পায়খৎলে। অৱাং নোংপোক্কী গ্রাম পঞ্চায়ত ৬৩৫৫ ভারতনেত প্রোজেক্তকী মখাদা সর্ভিস রেদী ওইহল্লে। মসিগী মথক্তা, লৈঙাক্না শেল থাদবা তোঙান তোঙানবা মোবাইল প্রোজেক্তশিংগী মখাদা অৱাং নোংপোক লমদমদা মোবাইল তৱার ৩২৯৭ কম্মিসন তৌখ্রে। লৈবাকসিগী য়ৌশিনদ্রিবা অমদি মপুং ফানা য়ৌশিনদ্রিবা মফমশিংদা রিজনেল এয়র কন্নেক্তিবিতী ফগৎহন্নবা অমদি মীয়ামগী চত্থোক চৎশিন তৌবদা অতাবা মমলদা য়াহন্নবা সিভিল এভিএসন মন্ত্রালয়না রিজনেল কন্নেক্তিবিতী স্কীম – উরে দেশ কা আম নাগরিক (UDAN) স্কীম হৌদোকখি। রিজনেল কন্নেক্তিবিতী স্কীম (RCS) গী মখাদা অৱাং নোংপোক লমদমদা পুন্না নোংথক্কী লম্বী ৯০ মথৌ তৌবা হৌহন্দুনা অৱাং নোংপোক স্তেত শিন থুংনা লৈরিবা এয়রপোর্ত অমদি হেলিপোর্ত ১২বু শম্নহল্লে।

মসিগী মথক্তা, দিভেলপমেন্ত ওফ নোর্থ ইস্তর্ন রিজন মন্ত্রালয় (MDoNER) না অৱাং নোংপোক স্তেত নিপান্দা ইনফ্রাস্ত্রকচর শেমগৎপা, কন্নেক্তিবিতী, কম্ম্যুনিকেসন অসিনচিংবা লমশিংদা চাওখৎ থৌরাংগী থবক পায়খৎনবা NESIDS (Roads), NESIDS (OTRI), PM-DevINE, নোর্থ ইস্তর্ন কাউন্সিল (NEC) গী স্কীম অমদি স্পিসিএল দিভেলপমেন্ত পেকেজ (SDPs) হায়রিবা সেন্ত্রেল সেক্তর স্কীম মঙাসিগী মখাদা শেলগী তেংবাং পীরি।

প্রাইম মিনিস্তর্স দিভেলপমেন্ত ইনিসিএতিব ফোর নোর্থ ইস্ত রিজন (PM-DevINE) ২০২২-২৩ কেন্দ্রগী বজেত্তা ১০০% কেন্দ্রদগী শেল থাদরগা অনৌবা সেন্ত্রেল সেক্তর স্কীম অমা ওইনা লাউথোকখিবনি অমদি কেন্দ্রগী মন্ত্রী মন্দলনা ওক্তোবর ১২, ২০২২ দা ২০২২-২৩ দগী ২০২৫-২৬ ফাওবগী চহি ৪ গী ওইনা পুন্না লুপা করোর ৬,৬০০ গী শেনফমগা লোয়ননা অয়াবা পীখি। PM-DevINE স্কীমগী পান্দমদি PM গতিশক্তিগী পরিংদা ইনফ্রাস্ত্রকচর প্রোজেক্তশিংদা পুনশিন্দুনা শেল থাদবা, অৱাং নোংপোক লমদমগী মথৌ তাবশিংগী মতুং ইন্না খুন্নাই চাওখৎ থৌরাংগী প্রোজেক্তশিংদা শেল থাদবা, তোঙান তোঙানবা লমদা চাওখৎ থৌরাংদা লৈরিবা অহোবা মেনশিন্নবা নহা অমদি নুপীশিংগী হিংনবা লম্বী ফংহনবনি।

লমকোয়বশিংগী লমথুংফম শেমগৎপা অমদি প্রমোত তৌবগী থবক মরুওইনা স্তেত লৈঙাক/ য়ুনিয়ন তেরিতরী (UT) এদমিনিস্ত্রেসন্না পায়খৎপনি। অদুম ওইনমক, তুরিজম মন্ত্রালয়না সেন্ত্রেল সেক্তর স্কীমশিং হায়বদি ‘স্বদেশ দর্শন(SD)’, শ্বদেশ দর্শন ২.০(SD2.0)’, ‘স্পিসিএল এসিস্তেন্স তু স্তেতস ফোর কেপিতেল ইনভেস্তমেন্ত(SASCI)’, শ্বদেশ দর্শনগী সব-স্কীম অমা ওইরিবা ‘চেলেঞ্জ বেজ দেস্তেনেসন দিভেলপমেন্ত(CBDD)’ অমদি ‘পিলগ্রিমেজ রিজুবিনেসন এন্দ স্পিরিচুএল, হেরিতেজ ওগমেন্তেসন দ্রাইব(PRASHAD)’কী খুত্থাঙদা অৱাং নোংপোক স্তেতশিং য়াওনা স্তেত লৈঙাক/UT এদমিনিস্ত্রেসন্দা শেলগী তেংবাং পীদুনা তুরিজম ইনফ্রাস্ত্রকচর শেমগৎপদা মতেং পাংশিল্লি।

দিভেলপমেন্ত নোর্থ ইস্তর্ন রিজন মন্ত্রালয়নসু অৱাং নোংপোক লমদমদা তুরিজম চাওখৎহন্নবা মাগী সেন্ত্রেল সেক্তর স্কীমশিংগী খুত্থাঙদা অৱাং নোংপোক স্তেত নিপান্দা শেল থাদরি।

ৱাফম অসি ঙসি রাজ্য সভাদা হংলকপা ৱাহং অমগী অইবা পাউখুম ওইনা পীরদুনা দিভেলপমেন্ত ওফ নোর্থ ইস্তর্ন রিজন মন্ত্রালয়গী েরাজ্য মন্ত্রী দোক্তর সুকান্ত মজুমদারনা ফোঙদোকখিবনি।

*****

(Release ID: 2150851)