ٹیکسٹائل کے مرکزی وزیر جناب  گری را ج سنگھ نے آج لوک سبھا میں ایک سوال کے تحریری جواب میں بتایا کہ ٹیکسٹائل کی وزارت سمرتھ (ٹیکسٹائل سیکٹر میں صلاحیت سازی کی اسکیم) کو نافذ کر رہی ہے جس کا مقصد منظم ٹیکسٹائل اور متعلقہ شعبوں میں روزگار پیدا کرنے میں صنعت کی کوششوں کو تقویت دینے کے لیے مانگ پر مبنی ، پلیسمنٹ پر مبنی ہنر مندی کے پروگرام فراہم کرنا ہے ، جس میں منظم شعبے میں کتائی اور بنائی کو چھوڑ کر ٹیکسٹائل کی پوری ویلیو چین کا احاطہ کیا گیا ہے ۔  سمرتھ کو پورے ہندوستان میں  نافذ کیا جا رہا ہے ۔  پچھلے تین مالی سالوں کے دوران کل 3,19,887 مستفیدین کو تربیت دی گئی ہے اور 2,73,681 مستفیدین کو  ملازمت دلائی گئی ہے جن میں 26.70 فیصد ایس سی اور 12.50 فیصد ایس ٹی مستفیدین شامل ہیں ۔

سمرتھ مانگ پر مبنی ، پلیسمنٹ پر مبنی ہنر مندی کے پروگرام ہیں جن میں ٹیکسٹائل کی صنعتوں کو روزگار کو بڑھانے کے لیے 120 این ایس کیو ایف سے منسلک کورسز سے اپنی ضرورت کے مطابق تربیت فراہم کرنے کے لیے براہ راست پینل میں شامل کیا جاتا ہے ۔

سمرتھ اسکیم میں انٹری لیول ٹریننگ پروگرام کے تحت کم از کم 70فیصد  اور پوسٹ پلیسمنٹ سپورٹ کے طور پر 6 ماہ  کے ری ٹینشن پیریڈ کے ساتھ منظم شعبے میں اپ اسکلنگ ٹریننگ پروگرام کے تحت 90 فیصد کے لیے پلیسمنٹ کا التزام ہے ۔  اس کے علاوہ ہینڈلوم ، ہینڈی کرافٹ ، جوٹ اور اون کے روایتی شعبے میں خود روزگار کا  بھی التزام ہے۔

*****

 ( ش ح۔  م م ۔ ت ح)

U. No. 3516

(Release ID: 2149778)