ملکی اور غیر ملکی سیاحوں کے دوروں کے اعداد و شمار ریاستی محکمہ سیاحت کے ذریعہ فراہم کیے جاتے ہیں۔ جموں و کشمیر کے محکمہ سیاحت سے موصول ہونے والی تازہ ترین معلومات کی بنیاد پر جموں و کشمیر میں ملکی اور غیر ملکی سیاحوں کی تعداد درج ذیل ہے:

ماخذ: جموں و کشمیر کا محکمہ سیاحت

جموں و کشمیر میں مقامی سیاحت پر منحصر اسٹیک ہولڈرز پر اقتصادی اثرات کے بارے میں وزارت سیاحت کی طرف سے ایسا کوئی اندازہ نہیں لگایا گیا ہے۔

سیاحت کی وزارت نے جموں و کشمیر سمیت ملک میں سیاحت کے شعبے کو فروغ دینے کے لیے کئی اقدامات/پہل قدمیاں متعارف کرائی ہیں، جن کی تفصیلات درج ذیل ہیں:

• سیاحت کی وزارت ’سودیش درشن‘، ’تیرتھ یاترا کی بازبحالی اور روحانی ورثے کے اضافے کی مہم سے متعلق قومی مشن(پرشاد)‘ اور ’سیاحت کے بنیادی ڈھانچے کی ترقی کے لیے مرکزی ایجنسیوں کی مدد‘ کی اسکیموں کے تحت ریاستی حکومتوں/مرکز کے زیر انتظام علاقوں کے انتظامی ڈھانچے کے لیے مالی امداد فراہم کرتی ہے اور ملک کے مختلف سیاحتی مقامات پر سہولتیں فراہم کرتی ہے۔
• وزارت سیاحت اپنی مختلف مہمات اور تقریبات کے ذریعے گھریلو اور بین الاقوامی منڈیوں میں ہندوستان کے مختلف سیاحتی مقامات اور مصنوعات کو فروغ دیتی ہے۔ دیکھو اپنا دیش مہم، چلو انڈیا مہم، بین الاقوامی ٹورزم مارٹ، بھارت پرو کے کچھ اقدامات ہیں۔
• انکریڈبل انڈیا کانٹینٹ ہب کا آغاز کیا گیا جو کہ ایک جامع ڈیجیٹل ذخیرہ ہے، جس میں ہندوستان میں سیاحت سے متعلق اعلیٰ معیار کی تصاویر، فلموں، بروشرز، اور نیوز لیٹرز کا بھرپور ذخیرہ موجود ہے۔ پروموشنز ویب سائٹ - www.incredibleindia.org  اور وزارت کے سوشل میڈیا ہینڈلز کے ذریعے بھی کیے جاتے ہیں۔
• موضوعاتی سیاحت جیسے فلاح و بہبود، پاک سیاحت، دیہی، ماحولیاتی سیاحت وغیرہ کو دیگر اہم موضوعات کے ساتھ فروغ دیا جاتا ہے تاکہ سیاحت کے دائرہ کار کو دیگر شعبوں میں بھی بڑھایا جا سکے۔
• صلاحیت کی تعمیر، مہارت کی ترقی جیسے ’سروس فراہم کرنے والوں کے لیے صلاحیت کی تعمیر‘، ’انکریڈیبل انڈیا ٹورسٹ فسیلی ٹیٹر‘ (آئی آئی ٹی ایف)، ’پریاتن دوست‘ اور ’پریاتن دیدی‘ جیسے اقدامات کے ذریعے مجموعی معیار اور وزیٹر کے تجربے کو بڑھانا۔

یہ معلومات سیاحت اور ثقافت کے مرکزی وزیر جناب گجیندر سنگھ شیخاوت کے ذریعہ آج لوک سبھا میں ایک تحریری جواب کے تحت فراہم کی گئی۔

**********

(ش ح –ا ب ن)

U.No:3468