بھاری صنعتوں کی وزارت نے 28 جولائی 2025 کو وگیان بھون، نئی دہلی میں ڈاکٹر شیاما پرساد مکھرجی کی 125 ویں یوم پیدائش کی یاد میں ایک خصوصی لیکچر سیشن کا اہتمام کیا۔

بھاری صنعتوں اور اسٹیل کے وزیر مملکت جناب بھوپتی راجو سری نواس ورما نے اس موقع پر بطور مہمان خصوصی شرکت کی اور بھاری صنعتوں کی وزارت کے سکریٹری جناب کامران رضوی مہمان خصوصی تھے۔ اس تقریب میں وزارت کے سینئر افسران، سی ایم ڈیز/سی پی ایس ای کے ڈائریکٹرز، خود مختار اداروں، اور وزارت کے تحت مختلف صنعتی  اداروں اور کونسلوں کے نمائندوں نے شرکت کی۔

اس موقع پر، ایک مختصر فلم کی نمائش کی گئی، جس میں ڈاکٹر شیاما پرساد مکھرجی کی وراثت اور خدمات کو خراج عقیدت پیش کیا گیا۔ آرکائیو فوٹیج اور زبردست بیان کے ذریعے، فلم نے ایک قوم بنانے والے اور بصیرت والے رہنما کے طور پر، خاص طور پر ہندوستان کی صنعتی ترقی کی بنیاد رکھنے میں ان کے اہم کردار کو اجاگر کیا۔

اپنے خطاب میں، جناب بھوپتی راجو سری نواس ورما نے آئین ساز اسمبلی کے رکن اور بعد ازاں صنعت اور سپلائی کے مرکزی وزیر کے طور پر ڈاکٹر مکھرجی کے اہم کردار پر روشنی ڈالی۔ انہوں نے ہندوستان کی صنعتی اور ادارہ جاتی ترقی میں ڈاکٹر مکھرجی کی بنیادی شراکتوں پر بھی روشنی ڈالی، اور انہیں ایک گہرے اسکالر، مدبر، نڈر پارلیمنٹرین، اور ماہر تعلیم کے طور پر یاد کیا- جن کی زندگی ہمت، یقین، اور "ایک قوم، ایک آئین" میں اٹل یقین کا مظہرہے۔

افتتاحی کلمات پیش کرتے ہوئے، بھاری صنعتوں کی وزارت کے سکریٹری، جناب کامران رضوی نے ہندوستان کی صنعتی ترقی کے لیے ڈاکٹر مکھرجی کے نظریہ ،خاص طور پر قومی ترقی کو آگے بڑھانے کے لیے ایک مضبوط اور خود انحصار صنعتی بنیاد کی تعمیر پر ان کے زور کو واضح کیا۔

اس موقع پر مدعو مقرر، ڈاکٹر شیاما پرساد مکھرجی ریسرچ فاؤنڈیشن کے ڈائریکٹر جناب بنے کمار سنگھ نے ڈاکٹر مکھرجی کی زندگی اور میراث پر ایک بصیرت انگیز خطاب کیا۔ ان کے تبصروں نے ڈاکٹر مکھرجی کی اقدار، نظریہ، اور کثیر جہتی شراکت کے بارے میں گہری سمجھ فراہم کی، اور اس کا مقصد آنے والی نسلوں کو قومی یکجہتی اور قوم کی بے لوث خدمت کے اصولوں کو برقرار رکھنے کی ترغیب دینا تھا۔

 

************

 

ش ح۔ع و۔ ج ا

 (U: 3426) 

(Release ID: 2149239)