நாடு முழுவதும் கார்கில் வெற்றி தினத்தின் 26வது ஆண்டு நிறைவைக் கொண்டாடும் வேளையில், 1999 கார்கில் போரின் போது வீரர்களின் வீரத்தையும் உயர்ந்த தியாகத்தையும் போற்றும் வகையில், இந்திய ராணுவம் அதை மரியாதையுடனும், பெருமையுடனும், நாடு தழுவிய பங்கேற்புடனும் கொண்டாடியது. இந்த மைய நிகழ்வு டிராஸில் உள்ள கார்கில் போர் நினைவிடத்தில் இரண்டு நாட்கள் நடைபெற்றது, இதில் தொழிலாளர் மற்றும் வேலைவாய்ப்பு மற்றும் இளைஞர் விவகாரங்கள் மற்றும் விளையாட்டுத் துறை அமைச்சர் டாக்டர் மன்சுக் மண்டவியா; பாதுகாப்புத் துறை இணை அமைச்சர் திரு. சஞ்சய் சேத்; லடாக்கின் துணைநிலை ஆளுநர்  திரு. கவிந்தர் குப்தா; ராணுவத் தளபதி  ஜெனரல் உபேந்திர திவேதி ஆகியோர் கலந்து கொண்டனர். இந்த நிகழ்வில் மூத்த ராணுவ மற்றும் சிவில் பிரமுகர்கள் அஞ்சலி செலுத்தினர், வீரமரணம் அடைந்த வீரர்களின் நினைவாக 545 விளக்குகள் ஏற்றப்பட்டது. 

திராஸில் உள்ள லாமோசென் வியூபாயிண்டில் நடந்த போர் விளக்கவுரை மற்றும் நினைவு விழாவுடன்  நிகழ்வுகள் தொடங்கியது. கார்கில் போர் குறித்து, வீரர்கள் மற்றும் பணியாற்றும் பணியாளர்கள் தங்கள் அனுபவங்களை விவரித்தனர், தியாகம், தைரியம் மற்றும் மீள்தன்மை ஆகியவற்றின் கதைகளை உயிர்ப்பிக்கும் ஒரு பரபரப்பான ஆடியோ-விஷுவல் காட்சியால் விளக்கப்பட்டது.

விழாவைத் தொடர்ந்து,  அமைச்சர் டாக்டர் மன்சுக் மண்டவியா, கார்கில் வீரர்களின் நெருங்கிய உறவினர்களை,  பாதுகாப்பு இணை அமைச்சர் திரு சஞ்சய் சேத் முன்னிலையில், அவர்களின் அசைக்க முடியாத துணிச்சலையும் தியாகத்தையும் பாராட்டினார்.  இந்த நாளில் வீரர்கள், என்சிசி கேடட்கள் மற்றும் ராணுவ நல்லெண்ண பொதுப் பள்ளிகளைச் சேர்ந்த மாணவர்களின் உற்சாகமான பிராந்திய மற்றும் கலாச்சார நிகழ்ச்சிகளும் நடைபெற்றன, இது நிகழ்விற்கு துடிப்பான தேசபக்தி உணர்வை சேர்த்தது.

அன்று மாலையில், கார்கில் போர் நினைவிடத்தில் 'சௌர்ய சந்தியா' நிகழ்ச்சி நடைபெற்றது, இது வீர மரணமடைந்தவர்களுக்கு ஒரு நெகிழ்ச்சியான அஞ்சலியாக அமைந்தது. இந்த நிகழ்வு, ராணுவ இசைக்குழுவினரால் இசை மூலம் வீரக் கதைகளை விவரிக்கும் 'கௌரவ் கதா'வுடன் தொடங்கியது. அனைத்து முக்கிய மதங்களையும் பிரதிநிதித்துவப்படுத்தும் ஐந்து மத போதகர்கள், இறந்தவர்களின் ஆன்மாக்களுக்காக, தேசிய ஒற்றுமையை நினைவுகூரும் வகையில் பிரார்த்தனை செய்தனர். மொத்தம் 545 விளக்குகள் ஏற்றப்பட்டன, ஒவ்வொன்றும் உயிரை தியாகம் செய்த ஒரு சிப்பாயைக் குறிக்கும்.

ஒன்பது துணிச்சலான வீரர்களின் நெருங்கிய உறவினர்களை வடக்கு கட்டளைத் தளபதி லெப்டினன்ட் ஜெனரல் பிரதிக் சர்மா கௌரவித்த பாராட்டு விழாவாகும். இந்த நிகழ்வில் சிவில் மற்றும் ராணுவ பிரமுகர்கள், வீர மாதாக்கள் மற்றும் உள்ளூர் குடிமக்கள் உட்பட 400 க்கும் மேற்பட்ட சிறப்பு விருந்தினர்கள் கலந்து கொண்டு கூட்டு நன்றியைத் தெரிவித்தனர்.

கார்கில் போர் நினைவிடத்தில் மலர்வளையம் வைக்கும் விழாவுடன் இன்று முக்கிய நிகழ்வு தொடங்கியது. தொழிலாளர் மற்றும் வேலைவாய்ப்பு அமைச்சர் மற்றும் இளைஞர் விவகாரங்கள் மற்றும் விளையாட்டு அமைச்சர் டாக்டர் மன்சுக் மாண்டவியா; பாதுகாப்புத் துறை இணை அமைச்சர் திரு சஞ்சய் சேத் உள்ளிட்டோர் தியாகிகளுக்கு அஞ்சலி செலுத்தினர்.  அவர்களுடன் மூத்த ராணுவ அதிகாரிகள், வீர விருது பெற்றவர்கள், உயிரிழந்தவர்களின் குடும்பத்தினரும் இணைந்தனர்.

தனது முக்கிய உரையில், ஜெனரல் உபேந்திர திவிவேதி கார்கில் போரில் வீழ்ந்த வீரர்களுக்கு மனமார்ந்த அஞ்சலி செலுத்தினார், அவர்களின் அசைக்க முடியாத துணிச்சலையும் தியாகத்தையும் பாராட்டினார். 1999 இல் இந்திய ராணுவத்தின் வரலாற்று வெற்றியையும், சமீபத்திய ஆபரேஷன் சிந்தூரின் போது தேசிய இறையாண்மையை உறுதியாகப் பாதுகாத்ததையும் அவர் நினைவு கூர்ந்தார். இந்தியா அமைதியை நாடுகிறது, ஆனால் ஆத்திரமூட்டலுக்கு தீர்க்கமாக பதிலளிக்கும் என்பதை வலியுறுத்திய அவர், பயங்கரவாத உள்கட்டமைப்பிற்கு எதிராக ராணுவத்தின் வெற்றிகரமான, துல்லியமான நடவடிக்கைகளை  எடுத்துரைத்தார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://www.pib.gov.in/PressReleasePage.aspx?PRID=2148839

****

AD/PKV/SG