वाढवण बंदर हे भारत-मध्य पूर्व- युरोप आर्थिक मार्गिका या मार्गावर असलेले एक खोल-समुद्रतळ असलेले बंदर असून या बंदरामुळे भारताच्या कंटेनर हाताळणी क्षमतेत 23.2 दशलक्ष टीईयूज इतकी वाढ होण्याचा अंदाज आहे. या नवीन बंदराच्या विकासामुळे जागतिक सागरी केंद्रांमध्ये भारताचे स्थान उंचावले जाईल.

मुख्य करारांची यादी आणि कौशल्य विकास कार्यक्रमाचे तपशील खालीलप्रमाणे आहेत:

• वाढवण पोर्ट प्रोजेक्ट लि. आणि यशवंतराव चव्हाण महाराष्ट्र मुक्त विद्यापीठ: वाढवण पोर्ट प्रोजेक्ट लि. आणि यशवंतराव चव्हाण महाराष्ट्र मुक्त विद्यापीठ यांच्यात सामंजस्य करार करण्यात आला आहे.
• जेएनपीए आणि नौवहन महासंचालनालय: वाढवणच्या भागातील स्थानिक लोकांना आणि प्रकल्पबाधित व्यक्तींना निवडक सागरी प्रशिक्षण संस्थांमधून कौशल्य विकास प्रशिक्षण देण्यासाठी सामंजस्य करार करण्यात आला आहे.
• व्हीपीपीएल आणि सह्याद्री फार्म्स: ग्रामीण उद्योजकतेला चालना देण्यासाठी आणि कृषी-मूल्य साखळी मजबूत करण्याच्या उद्देशाने व्हीपीपीएल आणि सह्याद्री फार्म्स यांच्यात एक धोरणात्मक सामंजस्य करार करण्यात आला आहे.
• अवजड वाहन चालविणे आणि मेकॅनिक्ससाठी स्वयंसेवी संस्थांसोबत(एनजीओ) सहकार्य: एनजीओच्या भागीदारीमध्ये अवजड वाहन चालविणे आणि मेकॅनिक्ससाठी प्रशिक्षण कार्यक्रम सुरू आहेत.
• कौशल्य कार्यक्रमासाठी व्हॉट्सॲप चॅटबॉट: व्हीपीपीएलने वाढवणमधील तरुणांशी संवाद साधण्यासाठी एक समर्पित व्हॉट्सॲप चॅटबॉट सुरू केला आहे, ज्यामुळे संभाव्य उमेदवारांना माहिती मिळवणे आणि कौशल्य कार्यक्रमासाठी नोंदणी करणे सोपे झाले आहे.

खालील उपक्रमांमुळे या प्रदेशातील, विशेषतः पालघर जिल्ह्यातील आणि महाराष्ट्रातील आदिवासी, इतर ग्रामीण आणि किनारी भागातील लोकांना फायदा होईल:

• धरती आबा जनजातीय ग्राम उत्कर्ष अभियान (आदिवासी विकास अभियान)
• वन हक्क आणि उपजीविका सक्षमीकरण
• TREE कार्यक्रम (आदिवासी हक्क विस्तार आणि सबलीकरण )
• मनरेगा अंतर्गत प्रकल्प
• जिल्हा परिषदेचा ठक्कर बाप्पा आदिवासी वस्ती कार्यक्रम
• व्हीपीपीएल चा किनारी समुदाय कौशल्य विकास
• इम्पॅक्ट इंडियाचा समुदाय आरोग्य उपक्रम

ही माहिती केंद्रीय बंदर, जहाजबांधणी आणि जलमार्ग मंत्री,  सर्बानंद सोनोवाल यांनी लोकसभेत लेखी उत्तरात दिली.

***

निलिमा चितळे/शैलेश पाटील/परशुराम कोर

*** 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2148564)