7.23 കോടി വോട്ടർമാരുടെ ഫോം സ്വീകരിച്ച് ഡിജിറ്റൽരൂപത്തിലാക്കി. ഈ വോട്ടർമാരുടെയെല്ലാം പേരുകൾ കരടു വോട്ടർപട്ടികയിൽ ഉൾപ്പെടുത്തും. ശേഷിക്കുന്ന വോട്ടർമാരുടെ BLO റിപ്പോർട്ടുകൾക്കൊപ്പം ഫോം ഡിജിറ്റൽ രൂപത്തിലാക്കലും 2025 ഓഗസ്റ്റ് ഒന്നിനകം പൂർത്തിയാക്കും.

ഫോം പൂരിപ്പിക്കാത്തതോ മരിച്ചുപോയതോ സ്ഥിരവാസം  മാറ്റിയതോ ആയ വോട്ടർമാരുടെ പട്ടിക ജൂലൈ 20-ന് 12 രാഷ്ട്രീയകക്ഷികളുമായി [ബഹുജൻ സമാജ് പാർട്ടി; ഭാരതീയ ജനത പാർട്ടി; കമ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്); ഇന്ത്യൻ നാഷണൽ കോൺഗ്രസ്; രാഷ്ട്രീയ ജനതാദൾ; ജനതാദൾ (യുണൈറ്റഡ്); രാഷ്ട്രീയ ലോക് സമത പാർട്ടി; കമ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്-ലെനിനിസ്റ്റ്) (ലിബറേഷൻ); രാഷ്ട്രീയ ലോക് ജനശക്തി പാർട്ടി; ലോക് ജനശക്തി പാർട്ടി (രാം വിലാസ്); നാഷണൽ പീപ്പിൾസ് പാർട്ടി; ആം ആദ്മി പാർട്ടി] പങ്കുവച്ചിട്ടുണ്ട്. അതിലൂടെ ഓഗസ്റ്റ് ഒന്നിനു പ്രസിദ്ധീകരിക്കുന്ന കരടു വോട്ടർപട്ടികയിൽ എന്തെങ്കിലും പിശകുകൾ ഉണ്ടെങ്കിൽ തിരുത്താൻ കഴിയും.

2025 ജൂൺ 24 മുതൽ, പ്രാദേശിക BLO/BLA-മാർ ഇനിപ്പറയുന്ന കാര്യങ്ങൾ റിപ്പോർട്ട് ചെയ്തിട്ടുണ്ട്:

•     മരിച്ചുപോയത് ഏകദേശം 22 ലക്ഷം വോട്ടർമാർ.

•     ഒന്നിലധികം സ്ഥലങ്ങളിൽ പേരുചേർത്തിട്ടുള്ളത് ഏകദേശം 7 ലക്ഷം വോട്ടർമാർ.

•     ഏകദേശം 35 ലക്ഷം വോട്ടർമാർ സ്ഥിരവാസം മാറ്റി; അഥവാ, അവരെ കണ്ടെത്താനായിട്ടില്ല.

•     ഏകദേശം 1.2 ലക്ഷം വോട്ടർമാരുടെ എന്യൂമെറേഷൻ ഫോം ഇതുവരെ ലഭിച്ചിട്ടില്ല.

SIR-ന്റെ ആദ്യ ഘട്ടം വിജയകരമായി പൂർത്തിയാക്കിയതിന്റെ ഖ്യാതി ബിഹാർ CEO, 38 DEO-മാർ, 243 ERO-മാർ, 2976 AERO-മാർ, 77,895 പോളിങ് ബൂത്തുകളിൽ വിന്യസിച്ചിട്ടുള്ള BLO-മാർ, സന്നദ്ധപ്രവർത്തകർ, 12 രാഷ്ട്രീയ കക്ഷികൾക്കും അവരുടെ 38 ജില്ലാ അധ്യക്ഷർക്കും, അവർ നാമനിർദേശം ചെയ്ത 1.60 ലക്ഷം BLA-മാർ (പട്ടിക അനുബന്ധമായി നൽകുന്നു) എന്നിവർക്കാണ്.

SIR ഉത്തരവുപ്രകാരം, ഓഗസ്റ്റ് ഒന്നുമുതൽ സെപ്റ്റംബർ ഒന്നുവരെ, ഏതൊരു വോട്ടർക്കും രാഷ്ട്രീയ കക്ഷിക്കും നിർദിഷ്ട ഫോം പൂരിപ്പിച്ച്, പട്ടികയിൽനിന്ന് ഒഴിവാക്കപ്പെട്ട അർഹതയുള്ള ഏതൊരു വോട്ടർക്കുംവേണ്ടി ERO-യിൽ ക്ലെയിം സമർപ്പിക്കാം. അർഹതയില്ലാത്ത ഏതെങ്കിലും വോട്ടറെ നീക്കം ചെയ്യുന്നതിനുള്ള പരാതികളും സമർപ്പിക്കാം.

 

ബിഹാറിലെ രാഷ്ട്രീയ കക്ഷികൾ നിയോഗിച്ച BLA-മാരുടെ വിശദാംശങ്ങൾ 

 

ക്രമ നമ്പർ	രാഷ്ട്രീയ കക്ഷിയുടെ പേര്	നാമനിർദേശം ചെയ്യപ്പെട്ട ആകെ BLA-മാരുടെ എണ്ണം (SIR ആരംഭിക്കുന്നതിന് മുമ്പ്) (23.06.2025)	നാമനിർദേശം ചെയ്യപ്പെട്ട ആകെ BLA-മാരുടെ എണ്ണം (25.07.2025 വരെ)	ശതമാന വർധന (ഏകദേശം)
1	ബഹുജൻ സമാജ് പാർട്ടി	26	74	185%
2	ഭാരതീയ ജനത പാർട്ടി	51,964	53,338	3%
3	കമ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്)	76	899	1083%
4	ഇന്ത്യൻ നാഷണൽ കോൺഗ്രസ്	8,586	17,549	105%
5	രാഷ്ട്രീയ ജനതാദൾ	47,143	47,506	1%
6	ജനതാദൾ (യുണൈറ്റഡ്)	27,931	36,550	31%
7	രാഷ്ട്രീയ ലോക് സമതാ പാർട്ടി	264	270	2%
8	കമ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്-ലെനിനിസ്റ്റ്) (ലിബറേഷൻ)	233	1,496	542%
9	രാഷ്ട്രീയ ലോക് ജനശക്തി പാർട്ടി	2,457	1,913	27%
10	ലോക് ജനശക്തി പാർട്ടി (രാം വിലാസ്)		1,210
11	നാഷണൽ പീപ്പിൾസ് പാർട്ടി	—	7	-
12	ആം ആദ്മി പാർട്ടി	—	1	-
—	ആകെ	1,38,680	1,60,813	16%

 -NK-

(Release ID: 2148483)