فاریسٹ سروے آف انڈیا (ایف ایس آئی) دہرادون ، جو ماحولیات ، جنگلات اور موسمیاتی تبدیلی کی وزارت کے تحت ایک ادارہ  ہے ، ملک کے جنگلات اور درختوں کے احاطے کا دو سالہ جائزہ لیتی ہے اور اس کے نتائج انڈیا اسٹیٹ آف فاریسٹ رپورٹ (آئی ایس ایف آر) میں شائع کیے جاتے ہیں۔  جنگل کے رقبہ  کی تشخیص ایک   جامع  نقشہ سازی کی مشق ہے جو ریموٹ سینسنگ پر مبنی ہے جس کی حمایت نیشنل فاریسٹ انوینٹری سے زمینی تصدیق اور فیلڈ ڈیٹا کے ذریعے کی جاتی ہے۔

آئی ایس ایف آر 2023 کے مطابق، ملک کا کل جنگلات اور درختوں کا رقبہ  8,27,356.95 مربع کلومیٹر ہے جو ملک کے جغرافیائی رقبے کا 25.17 فیصد ہے۔ اس میں جنگل کے رقبے  کے طور پر 7,15,342.61 مربع کلومیٹر اور درختوں کے رقبے  کے طور پر 1,12,044 مربع کلومیٹر شامل ہیں۔   موجودہ تخمینہ 2021 کی آخری تشخیص کے مقابلے جنگل اور درختوں کے رقبے  میں 1445.81 مربع کلومیٹر کا اضافہ ظاہر کرتا ہے۔  اس میں جنگل کے  رقبے  میں 156.41 مربع کلومیٹر اور درختوں کے رقبے  میں 1289.4 مربع کلومیٹر شامل ہیں۔

آئی ایس ایف آر 2013 اور آئی ایس ایف آر 2023 کے درمیان ملک میں گزشتہ دس سالوں کے دوران جنگلات کے رقبے  میں 16,630.25 مربع کلومیٹر کا خالص اضافہ ہوا ہے،  لہذا ملک کا جنگلات کا  رقبہ  نہ صرف برقرار ہے بلکہ گزشتہ دہائی کے دوران متعلقہ ریاستوں/مرکز کے زیر انتظام علاقوں کی طرف سے تحفظ کی کوششوں سمیت مختلف پالیسیوں اور پروگراموں کے نفاذ کی وجہ سے خالص اضافہ ہوا ہے۔  پچھلی دہائی سے ملک میں جنگلات کی طرف جحان بڑھ رہا ہے۔

جنگلات کا تحفظ، تحفظ اور انتظام بنیادی طور پر ریاستی حکومتوں/مرکز کے زیر انتظام علاقوں کی انتظامیہ کی ذمہ داری ہے ۔  ملک کے جنگلات کے تحفظ اور انتظام کے لیے قانونی فریم ورک ہیں جن میں انڈین فاریسٹ ایکٹ،1927 ؛ ون (سنرکشن ایوم سموردھن) ادھینیم، 1980؛ وائلڈ لائف (پروٹیکشن) ایکٹ ، 1972 اور اسٹیٹ فاریسٹ ایکٹ اور رولز وغیرہ شامل ہیں۔    مزید برآں، ماحولیات، جنگلات اور موسمیاتی تبدیلی کی وزارت جنگلات اور درختوں کے تحفظ کے لیے ریاستی حکومتوں/مرکز کے زیر انتظام علاقوں کی انتظامیہ کو مشورے جاری کرتی ہے۔

اس کے علاوہ وزارت ملک میں جنگلات کے تحفظ ، تحفظ اور انتظام کے لیے ریاستوں/مرکز کے زیر انتظام علاقوں کو تکنیکی اور مالی مدد فراہم کرتی ہے ۔  اس میں نیشنل مشن فار اے گرین انڈیا (جی آئی ایم) فاریسٹ فائر پریوینشن اینڈ مینجمنٹ اسکیم (ایف پی ایم) نگر ون یوجنا (این وی وائی) انٹیگریٹڈ ڈیولپمنٹ آف وائلڈ لائف ہیبیٹیٹس اینڈ مینگروو انیشیٹو فار شور لائن ہیبی ٹیٹس اینڈ ٹینجیبل انکمز (ایم آئی ایس ایچ ٹی آئی) جیسی مختلف اسکیموں اور پروگراموں کے تحت مرکزی حکومت کی طرف سے فنڈز شامل ہیں۔  ریاستوں/مرکز کے زیر انتظام علاقوں کے ذریعے معاوضہ شجرکاری فنڈ مینجمنٹ اینڈ پلاننگ اتھارٹی (سی اے ایم پی اے) کے تحت بھی شجرکاری کی جاتی ہے۔

اس کے علاوہ ، ملک بھر میں شجرکاری کی سرگرمیاں شروع کرنے کے لیے عالمی یوم ماحولیات 2024 کے موقع پر شجرکاری مہم ’’ایک پیڑ ماں کے نام‘‘  #Plant4Mother شروع کی گئی ہے۔   یہ مہم ملک میں سبز ا رقبے  کو بڑھانے کے لیے تمام اسٹیک ہولڈرز کی شرکت کے ساتھ ’’مکمل  حکومت‘‘ اور ’’مکمل  سماج ‘‘ کے نقطہ نظر پر عمل کرتی ہے ۔  اس مہم نے ملک میں سبز رقبے  کو بڑھانے میں بڑے پیمانے پر شجرکاری کا تعاون کیا ہے اور رواں سال بھی اسے جاری رکھا جا رہا ہے ۔

یہ معلومات ماحولیات، جنگلات اور موسمیاتی تبدیلی کے لیے ریاست کے مرکزی وزیر جناب  کیرتی وردھن سنگھ نے آج راجیہ سبھا میں ایک سوال کے تحریری جواب میں فراہم کیں۔

******

ش ح۔ ف ا۔ م ر

U-NO. 3262

(Release ID: 2148007)