پی ایم کسان اسکیم ایک مرکزی شعبے کی اسکیم ہے جو فروری 2019 میں وزیر اعظم کی طرف سے کاشتکاری زمین رکھنے والے کسانوں کی مالی ضروریات کو پورا کرنے کے لیے شروع کی گئی تھی۔ اس اسکیم کے تحت، 6,000 روپے فی سال کی مالی امداد تین برابر قسطوں میں کسانوں کے آدھار سے منسلک بینک اکاؤنٹس میں  فائدوں کی براہ راست منتقلی (ڈی بی ٹی) کے ذریعے منتقل کی جاتی ہے۔ پی ایم کسان اسکیم کے تحت، کاشتکاری زمین کا مالک ہونا اسکیم کا فائدہ حاصل کرنے کا بنیادی اہلیت کا معیار ہے، بشرطیکہ اعلیٰ آمدنی کی حیثیت سے متعلق کچھ مخصوص استثناءات ہوں۔

حکومت ہند نے اسکیم کے آغاز سے لے کر اب تک 19 قسطوں میں کسانوں کو 3.69 لاکھ کروڑ روپے سے زائد کی رقم تقسیم کی ہے۔ پی ایم کسان اسکیم کی 19ویں قسط 24 فروری 2025 کو جاری کی گئی تھی اور اس سے 10 کروڑ سے زائد مستفیدین نے 23,000 کروڑ روپے سے زائد کی رقم حاصل کی۔

اس بات کو یقینی بنانے کے لیے کہ کوئی اہل کسان اسکیم سے محروم نہ رہے، حکومت ہند اکثر ریاستی حکومتوں کے ساتھ مل کر مکمّل فراہمی کی مہمات چلاتی ہے۔ 15 نومبر 2023 سے وکست بھارت سنکلپ یاترا (وی بی ایس وائی) کے تحت ایک بڑی قومی سطح کی مکمّل فراہمی کی مہم چلائی گئی، جس کے دوران 1.0 کروڑ سے زائد کسانوں کو پی ایم کسان کے تحت شامل کیا گیا۔ مزید برآں، نئی حکومت کے 100 دنوں کے اقدام کے تحت، تقریباً 25 لاکھ مزید اہل کسانوں کو پی ایم کسان اسکیم کے تحت شامل کیا گیا۔ اس کے علاوہ، ستمبر 2024 سے خود رجسٹریشن کے زیر التوا معاملات کو نمٹانے کے لیے ایک خصوصی مہم چلائی گئی۔ اس مہم کے آغاز سے اب تک، ریاستوں/مرکز کے زیر انتظام علاقوں نے 30 لاکھ سے زائد زیر التوا خود رجسٹریشن معاملات کی منظوری دی ہے۔ ان مہمات کے نتیجے میں، 10 کروڑ سے زائد کسانوں نے پی ایم کسان اسکیم کی 19ویں قسط کے فوائد حاصل کیے۔

پی ایم کسان پورٹل پر ایک خصوصی ’فارمرز کارنر‘ فراہم کیا گیا ہے جہاں کسانوں کے لیے متعدد سہولیات فراہم کی گئی ہیں، جن میں ان کی مستفید حیثیت اور قسط کی ادائیگی کی تفصیلات چیک کرنا شامل ہے۔ پورٹل پر ایک اضافی خصوصیت یعنی ’نو یور سٹیٹس‘ بھی فراہم کی گئی ہے جس کے ذریعے کسان اپنی اہلیت اور ادائیگی کی حیثیت چیک کر سکتے ہیں۔ کسان اپنے مقامی کامن سروس سینٹر پر بھی جا کر اپنی مستفید حیثیت اور قسط کی ادائیگی کی تفصیلات چیک کر سکتے ہیں۔

پی ایم کسان اسکیم میں شکایات کے ازالے کا ایک مضبوط نظام موجود ہے تاکہ فنڈز کی عدم وصولی سمیت کسی بھی مسئلے کو حل کیا جا سکے۔ پی ایم کسان پورٹل پر ایک خصوصی شکایت ماڈیول ہے جس کے ذریعے کسان اپنی شکایات درج کر سکتے ہیں۔ ان شکایات کو ریاستی/ضلعی سطح کے حکام وقت کے اندر حل کرتے ہیں۔ پی ایم کسان شکایت ماڈیول کے علاوہ، کسان اپنی شکایات، عوامی شکایات کے نمٹانے اور نگرانی کے مرکزی سسٹم (سی پی جی آر اے ایم ایس) پورٹل کے ذریعے بھی درج کر سکتے ہیں۔

مزید برآں، اسکیم کے مستفیدین کی بڑی تعداد کو مدنظر رکھتے ہوئے، مستفیدین کی طرف سے اٹھائے گئے عمومی سوالات اور شکایات کو فوری طور پر حل کرنے کے لیے، ایک آواز پر مبنی پی ایم کسان اے آئی چیٹ بوٹ (کسان ای-مترا) تیار کیا گیا ہے۔ یہ چیٹ بوٹ کسانوں کے سوالات کے تیز، درست اور واضح جوابات ان کی مقامی زبانوں میں چوبیس گھنٹے فراہم کرتا ہے، جس سے نظام زیادہ قابل رسائی اور صارف دوست بنتا ہے۔ یہ ویب، موبائل وغیرہ جیسے تمام پلیٹ فارمز پر قابل رسائی ہے۔ کسان ای-مترا چیٹ بوٹ فی الحال 11 زبانوں انگریزی، ہندی، اڑیہ، تامل، بنگالی، ملیالم، گجراتی، پنجابی، کنڑ، تیلگو، اور مراٹھی میں کام کرتا ہے۔

یہ معلومات زراعت و کسان بہبود کے وزیر مملکت جناب رام ناتھ ٹھاکر نے آج لوک سبھا میں ایک تحریری جواب میں دیں۔

********

ش ح ۔    م د  ۔  م  ص

 (U : 3050    )

(Release ID: 2147044)