ٹیکسٹائل کے مرکزی وزیر جناب گری راج سنگھ نے آج لوک سبھا میں ایک سوال کے تحریری جواب میں  بتایا کہ وزارت نے عالمی میگا ٹیکسٹائل ایونٹ یعنی بھارت ٹیکس 2025 کے انعقاد میں ایکسپورٹ پروموشن کونسلوں/ انجمنوں کی حمایت کی ہے ، جوہندوستانی ٹیکسٹائل ویلیو چین کی طاقت کو ظاہر کرے گا ، جس میں ٹیکسٹائل اور فیشن انڈسٹری میں تازہ ترین پیش رفت/ اختراعات کو اجاگر کیا جائے گا اور ٹیکسٹائل کے شعبے میں سورسنگ اور سرمایہ کاری کے لیے ہندوستان کو سب سے ترجیحی مقام کے طور پر پیش کیا جائے گا ۔

این آئی ایف ٹی(نفٹ) نے برطانیہ ، فرانس ، آسٹریلیا ، جاپان ، امریکہ ، نیوزی لینڈ ، فن لینڈ سمیت 14 سے زیادہ ممالک میں 22 سے زیادہ اداروں کے ساتھ باضابطہ اشتراک  کیا ہے ۔  یہ اشتراکات ان مفاہمت ناموں کے ذریعے انجام دیئے جاتے ہیں جو طلباء اور اساتذہ کے تبادلے ، مشترکہ تحقیقی اقدامات ، دوہری ڈگری اور ٹوئننگ پروگراموں ، مشترکہ نصاب کی تیاری  اور عالمی تعلیمی انضمام کی حمایت کرتے ہیں ۔  قابل ذکر سرگرمیوں میں ایف آئی ٹی (نیویارک)، یو اے ایل (یو کے)، ای این ایس اے آئی ٹی (فرانس) اور بنکا (جاپان) جیسے اداروں کے ساتھ شراکت داری شامل ہے ۔  پچھلے پانچ سالوں میں ، تقریبا 100 سے زیادہ این آئی ایف ٹی طلباء اور بہت سے فیکلٹی ممبران نے عالمی شراکت دار اداروں کی باہمی شرکت کے ساتھ بین الاقوامی تبادلے کے پروگراموں میں حصہ لیا ہے ۔

یہ بین الاقوامی سرگرمیاں تعلیمی مہارت  نیز اختراع کو فروغ دے کر اور معلومات کی منتقلی کو فعال بنا کر عالمی ٹیکسٹائل اور فیشن کے شعبے میں ہندوستان کی پوزیشن کو بہتر بناتی  ہیں ۔  وہ طلباء اور اساتذہ کو عالمی ڈیزائن حساسیت ، تکنیکی ترقی اور ابھرتے ہوئے رجحانات سے روشناس کراتے ہیں ۔  نصاب کو بین الاقوامی معیارات کے ساتھ ہم آہنگ کرکے ، یہ اشتراک ہندوستانی گریجویٹس کو عالمی منڈیوں میں مؤثر طریقے سے مقابلہ کرنے اور ٹیکسٹائل نیز فیشن کے شعبے میں تخلیقی اور تکنیکی مہارت کے مرکز کے طور پر ہندوستان کی ساکھ کو مضبوط کرنے کے لیے درکار مہارتوں اور بصیرت سے آراستہ کرتے ہیں ۔

این آئی ایف ٹی فیشن اور ٹیکسٹائل کی تعلیم میں پائیدار اور اختراعی طریقوں کو فروغ دینے کے لیے اپنی بین الاقوامی شراکت داری سے فعال طور پر فائدہ اٹھا رہا ہے ۔  متعدد اشتراکات پائیدار ڈیزائن کی حکمت عملیوں ، اخلاقی پیداوار ، سرکلر اکانومی ماڈلز   اور ٹیکسٹائل سسٹم پر مرکوز ہیں ، جن کی ایس ایم ایز پر مبنی ماحولیاتی نظام سے مخصوص مطابقت ہے ۔

اپنے بین الاقوامی اشتراکات کے ذریعے ، این آئی ایف ٹی نے عالمی پائیداری کے فریم ورک کو تعلیمی پروگراموں اور تحقیقی اقدامات میں ضم کرنا شروع کر دیا ہے ۔  مثلا:

• پائیدار فیشن اور ٹیکسٹائل پر مشترکہ ماڈیول تیار کرنے کے لیے ایف آئی ٹی (نیویارک) اور یو اے ایل (یو کے) جیسے اداروں کے ساتھ جاری سرگرمیاں  اور سمسٹر کا تبادلہ یو اے ایل (یو کے) میں ایف ٹی ٹی آئی کے ساتھ ایک باہمی تعاون پر مبنی پہل ہے،  جس میں سرکلرٹی ، ذمہ دار فیشن اور ثقافتی پائیداری پر توجہ مرکوز کی گئی ہے ۔
•  پائیدار ٹیکسٹائل اور آب و ہوا کے تئیں باخبر فیشن کے طورو طریقوں پر عالمی فورمز میں فیکلٹی کی شرکت ؛
•  ڈیزائن کے منصوبوں ، بین الاقوامی نمائشوں اور پائیداری کو اجاگر کرنے والے تبادلے کے پروگراموں میں طلباء کی شمولیت ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح – م م۔ ق ر)

U. No.3018

(Release ID: 2146771)