انڈین کلینیری انسٹی ٹیوٹ (آئی سی آئی) نوئیڈا نے کلینیری آرٹس پروگراموں میں اپنے فلیگ شپ بی بی اے اور ایم بی اے میں داخلہ لینے والے طلباء کے نئے بیچ کا خیرمقدم کرنے کے لیے ایک شاندار اورینٹیشن پروگرام کی میزبانی کی ۔  اس تقریب نے پورے ہندوستان سےفن طباخی سے متعلق(کلینیری) پیشہ ور افراد کے لیے ایک دلچسپ تعلیمی سفر کا آغاز کیا ۔

اس تقریب میں حکومت ہند کی وزارت سیاحت کے سینئر اقتصادی مشیر جناب گیان بھوشن نے شرکت کی ۔ اپنے کلیدی خطاب میں جناب بھوشن نے ہندوستان اور بین الاقوامی سطح پر فن طباخی کے دائرہ کار کو بڑھانے پر زور دیا  اور سیاحت اور مہمان نوازی کے شعبوں میں ہنر پر مبنی تعلیم کو فروغ دینے کے لیے حکومت کے مضبوط عزم کا اعادہ کیا ۔

آئی سی آئی کے ڈائریکٹر انچارج نے بھی حاضرین سے خطاب کرتے ہوئے انسٹی ٹیوٹ کی کامیابیوں ، اس کے جدید نصاب اور متحرک مطبخی منظر نامے میں طلباء کے  لیے موجود وسیع مواقع کا خاکہ پیش کیا ۔

پروگرام کی ایک اہم خصوصیت فائیو اسٹار ہوٹلوں کی صنعت کے ماہرین کی شرکت تھی ، جنہوں نے طلباء کے ساتھ تحریک دینے والی گفتگو کی  اور صنعت سے وابستہ طور طریقوں کے بارے میں حقیقی بصیرت کا اشتراک کیا ۔  آئی سی آئی نوئیڈا کے کامیاب سابق طلباء مزید باعث تحریک ثابت ہوئے۔ یہ وہ افراد ہیں جو اب مطبخی کاروباری افراد کے طور پر ترقی کر رہے ہیں ۔انہوں نے اپنے ذاتی سفر کے بارے میں بتایا اور انمول مشورے پیش کیے ۔

مختلف خطوں اور پس منظر سے تعلق رکھنے والے طلباء پر مشتمل نئے بیچ نے فن طباخی میں اپنی پیشہ ورانہ تعلیم کا آغاز کرتے ہوئے بڑے جوش و خروش کا مظاہرہ کیا ۔

اورینٹیشن یعنی واقفیتی تقریب کا اختتام ایک پرجوش انٹرایکٹو سوال و جواب کے سیشن کے ساتھ ہوا جس کے بعد ایک گائیڈڈ کیمپس ٹور ہوا  جس نے آنے والے تعلیمی سال کے لیے ایک حوصلہ افزا اور پرجوش فضا تیار کی ۔

************

ش ح ۔ م م ۔ ص ج

Urdu Release No-2817