গণৰাজ্য দিৱস, ২০২৬ উপলক্ষে ঘোষণা হ’বলগীয়া পদ্ম বঁটা-২০২৬ ৰ বাবে মনোনয়ন দাখিল/পৰামৰ্শ প্ৰদান প্ৰক্ৰিয়া ১৫ মাৰ্চ, ২০২৫-ৰ পৰা আৰম্ভ হৈছে। ইয়াৰ বাবে মনোনয়ন দাখিলৰ অন্তিম তাৰিখ হৈছে ৩১ জুলাই, ২০২৫। পদ্ম বঁটাৰ বাবে মনোনয়ন দাখিল/পৰামৰ্শ প্ৰদান প্ৰক্ৰিয়া কেৱল ৰাষ্ট্ৰীয় পুৰস্কাৰ পৰ্টেলৰ (https://awards.gov.in ) জৰিয়তে অনলাইনযোগে সম্পন্ন হ’ব।

পদ্ম বঁটা অৰ্থাৎ পদ্ম বিভূষণ, পদ্ম ভূষণ আৰু পদ্মশ্ৰী হৈছে দেশৰ সৰ্বোচ্চ অসামৰিক বঁটাসমূহৰ অন্যতম। ১৯৫৪-ত প্ৰৱৰ্তন কৰা এই বঁটাসমূহ প্ৰতি বছৰে গণৰাজ্য দিৱস উপলক্ষে ঘোষণা কৰা হয়। এই বঁটা প্ৰদানৰ জৰিয়তে ‘উল্লেখযোগ্য কৰ্মৰাজি’ক স্বীকৃতি জনোৱা হয় আৰু সকলো ক্ষেত্ৰ/শাখাতে বিশিষ্ট আৰু ব্যতিক্ৰমী কৃতিত্ব/সেৱাৰ বাবে এই সন্মান আগবঢ়োৱা হয়। কলা, সাহিত্য আৰু শিক্ষা, ক্ৰীড়া, চিকিৎসা, সামাজিক কাম, বিজ্ঞান আৰু অভিযান্ত্ৰিক, ৰাজহুৱা পৰিক্ৰমা, অসামৰিক সেৱা, বাণিজ্য আৰু উদ্যোগ আদি ক্ষেত্ৰত এই বঁটা প্ৰদান কৰা হয়। জাতি-বৰ্ণ, বৃত্তি, পদ বা লিংগ নিৰ্বিশেষে সকলো লোক এই বঁটাৰ বাবে যোগ্য। চিকিৎসক আৰু বিজ্ঞানীসকলৰ বাহিৰে পিএছইউ-ত কৰ্মৰতসকলকে প্ৰমুখ্য কৰি চৰকাৰী চাকৰিয়ালসকলক পদ্ম বঁটা প্ৰদান কৰা নহয়।

পদ্ম বঁটাক “জনতাৰ পদ্ম”লৈ ৰূপান্তৰিত কৰিবলৈ চৰকাৰ অংগীকাৰবদ্ধ। সেয়েহে সকলো নাগৰিককে স্ব-মনোনীতকৰণকে প্ৰমুখ্য কৰি মনোনয়ন দাখিল/পৰামৰ্শ প্ৰদান কৰিবলৈ অনুৰোধ জনোৱা হৈছে। ইয়াৰ জৰিয়তে মহিলা, সমাজৰ দুৰ্বল শ্ৰেণী, অনুসূচিত জাতি (SC) আৰু অনুসূচিত জনজাতি (ST), দিব্যাংগজন তথা নিস্বাৰ্থভাৱে সমাজৰ সেৱা কৰা প্ৰতিভাৱান লোকসকলক স্বীকৃতি প্ৰদানৰ বাবে সংহত প্ৰচেষ্টা গ্ৰহণ কৰিব পাৰি।

মনোনয়ন দাখিল/পৰামৰ্শ প্ৰদানৰ ক্ষেত্ৰত উল্লেখিত পৰ্টেলত উপলব্ধ নিৰ্ধাৰিত আৰ্হিত সকলো প্ৰাসংগিক বিৱৰণ উল্লেখ কৰিব লাগে। ইয়াত চমু বিৱৰণো (সৰ্বাধিক ৮০০ শব্দ) আছে। ইয়াৰ জৰিয়তে নিজ-নিজ ক্ষেত্ৰ/শাখাত মনোনীত ব্যক্তিজনৰ বিশিষ্ট আৰু ব্যতিক্ৰমী কৃতিত্ব/সেৱাৰ সবিশেষ উল্লেখ কৰিব লাগে।

এই সন্দৰ্ভত সবিশেষ তথ্য গৃহ পৰিক্ৰমা মন্ত্ৰালয়ৰ ৱেবছাইট (https://mha.gov.in )-ৰ ‘বঁটা আৰু পদক’ হেডিং আৰু পদ্ম বঁটা পৰ্টেল (https://padmaawards.gov.in )-তো উপলব্ধ। এই বঁটাসমূহৰ সৈতে জড়িত বিধি আৰু নিয়মসমূহ ৱেবছাইটৰ https://padmaawards.gov.in/AboutAwards.aspx লিংকত উপলব্ধ।

***

RK/VV/PS/PR/SB