ਵਿਸ਼ਵ ਸਿਹਤ ਸੰਭਾਲ ਸੇਵਾ ਇਨੋਵੇਸ਼ਨ ਲਈ ਇੱਕ ਮਹੱਤਵਪੂਰਨ ਮੀਲ ਪੱਥਰ ਵਜੋਂ, ਵਿਸ਼ਵ ਸਿਹਤ ਸੰਗਠਨ (WHO) ਨੇ "ਪਰੰਪਰਾਗਤ ਚਿਕਿਤਸਾ ਵਿੱਚ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਦੀ ਵਰਤੋਂ ਦਾ ਨਕਸ਼ਾ" ਸਿਰਲੇਖ ਵਾਲਾ ਇੱਕ ਤਕਨੀਕੀ ਸੰਖੇਪ ਵੇਰਵਾ ਜਾਰੀ ਕੀਤਾ ਹੈ, ਜਿਸ ਵਿੱਚ ਰਵਾਇਤੀ ਦਵਾਈ ਪ੍ਰਣਾਲੀਆਂ, ਖਾਸ ਕਰਕੇ ਆਯੁਸ਼ ਪ੍ਰਣਾਲੀਆਂ ਨਾਲ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ਨੂੰ ਜੋੜਨ ਵਿੱਚ ਭਾਰਤ ਦੇ ਮੋਹਰੀ ਯਤਨਾਂ ਨੂੰ ਸਵੀਕਾਰ ਕੀਤਾ ਗਿਆ ਹੈ। ਇਹ ਵੇਰਵਾ ਇਸ ਵਿਸ਼ੇ 'ਤੇ ਭਾਰਤ ਦੇ ਪ੍ਰਸਤਾਵ ਦੀ ਪਾਲਣਾ ਕਰਦਾ ਹੈ, ਜਿਸ ਨਾਲ ਰਵਾਇਤੀ ਚਿਕਿਤਸਾ ਵਿੱਚ AI ਨੂੰ ਲਾਗੂ ਕਰਨ ਲਈ ਡਬਲਿਊਐੱਚਓ ਦੇ ਪਹਿਲੇ ਰੋਡਮੈਪ ਦੇ ਵਿਕਾਸ ਵੱਲ ਅਗਵਾਈ ਕੀਤੀ ਜਾਂਦੀ ਹੈ।

ਭਾਰਤ ਵੱਲੋਂ ਆਪਣੇ ਆਯੂਸ਼ ਪ੍ਰਣਾਲੀਆਂ ਦੀਆਂ ਸਮਰਥਾਵਾਂ ਨੂੰ ਅੱਗੇ ਵਧਾਉਣ ਅਤੇ ਲਾਭਕਾਰੀ ਬਣਾਉਣ ਲਈ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ਦੀ ਸੰਭਾਵਨਾ ਨੂੰ ਵਰਤਣ ਦੇ ਯਤਨ ਮਾਣਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਵਿਆਪਕ ਦ੍ਰਿਸ਼ਟੀਕੋਣ ਨੂੰ ਦਰਸਾਉਂਦੇ ਹਨ, ਜੋ ਦੇਸ਼ ਨੂੰ ਡਿਜੀਟਲ ਹੈਲਥ ਇਨੋਵੇਸ਼ਨ ਅਤੇ ਟ੍ਰਡੀਸ਼ਨਲ ਮੈਡੀਸਨ ਦੇ ਏਕੀਕਰਣ ਵਿੱਚ ਇੱਕ ਵਿਸ਼ਵ ਨੇਤਾ ਵਜੋਂ ਸਥਾਪਿਤ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। 2023 ਵਿੱਚ ਗਲੋਬਲ ਪਾਰਟਨਰਸ਼ਿਪ ਔਨ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (GPAI) ਸੰਮੇਲਨ ਦੇ ਉਦਘਾਟਨ ਸਮੇਂ ਬੋਲਦੇ ਹੋਏ, ਮਾਣਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਮੋਦੀ ਨੇ ਟਿੱਪਣੀ ਕੀਤੀ, "ਅਸੀਂ 'ਸਾਰਿਆਂ ਲਈ ਏਆਈ  ਦੀ ਭਾਵਨਾ ਤੋਂ ਪ੍ਰੇਰਿਤ ਸਰਕਾਰੀ ਨੀਤੀਆਂ ਅਤੇ ਪ੍ਰੋਗਰਾਮ ਵਿਕਸਿਤ ਕੀਤੇ ਹਨ। ਸਾਡਾ ਯਤਨ ਸਮਾਜਿਕ ਵਿਕਾਸ ਅਤੇ ਸਮਾਵੇਸ਼ੀ ਵਿਕਾਸ ਲਈ ਏਆਈ ਦੀਆਂ ਸਮਰੱਥਾਵਾਂ ਦਾ ਪੂਰਾ ਲਾਭ ਉਠਾਉਣਾ ਹੈ।"

ਕੇਂਦਰੀ ਆਯੂਸ਼ ਰਾਜ ਮੰਤਰੀ (ਸੁਤੰਤਰ ਚਾਰਜ) ਅਤੇ ਸਿਹਤ ਅਤੇ ਪਰਿਵਾਰ ਭਲਾਈ ਰਾਜ ਮੰਤਰੀ, ਸ਼੍ਰੀ ਪ੍ਰਤਾਪ ਰਾਓ ਜਾਧਵ ਨੇ ਕਿਹਾ ਕਿ ਡਬਲਿਊਐੱਚਓ ਦੇ ਤਕਨੀਕੀ ਸੰਖੇਪ ਵੇਰਵੇ ਵਿੱਚ ਜ਼ਿਕਰ ਕੀਤੇ ਗਏ ਭਾਰਤ ਦੇ AI-ਅਗਵਾਈ ਵਾਲੇ ਉਪਰਾਲੇ, ਭਾਰਤੀ ਵਿਗਿਆਨੀਆਂ ਦੀ ਰਵਾਇਤੀ ਚਿਕਿਤਸਾ ਨੂੰ ਅਤਿ-ਆਧੁਨਿਕ ਟੈਕਨੋਲੋਜੀ ਰਾਹੀਂ ਅੱਗੇ ਵਧਾਉਣ ਪ੍ਰਤੀ ਡੂੰਘੀ ਵਚਨਬੱਧਤਾ ਨੂੰ ਦਰਸਾਉਂਦੇ ਹਨ। "ਇਹ ਮਾਨਤਾ ਮਾਣਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦੇ ਰਵਾਇਤੀ ਚਿਕਿਤਸਾ ਦੀ ਵਿਸ਼ਵਵਿਆਪੀ ਸਾਰਥਕਤਾ ਨੂੰ ਵਧਾਉਣ ਲਈ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਵਰਗੀਆਂ ਉੱਭਰ ਰਹੀਆਂ ਟੈਕਨੋਲੋਜੀਆਂ ਦੀ ਵਰਤੋਂ ਕਰਨ ਦੇ ਦੂਰਦਰਸ਼ੀ ਸੱਦੇ ਨਾਲ ਸਾਡੀ ਇਕਸਾਰਤਾ ਨੂੰ ਉਜਾਗਰ ਕਰਦੀ ਹੈ। AI ਨੂੰ ਆਯੂਸ਼ ਪ੍ਰਣਾਲੀਆਂ ਨਾਲ ਜੋੜ ਕੇ - ਅਤੇ ਐਸਏਐਚਆਈ (SAHI) ਪੋਰਟਲ, NAMASTE ਪੋਰਟਲ, ਅਤੇ ਆਯੂਸ਼ ਖੋਜ ਪੋਰਟਲ ਵਰਗੇ ਮੋਹਰੀ ਡਿਜੀਟਲ ਪਲੇਟਫਾਰਮਾਂ ਰਾਹੀਂ - ਭਾਰਤ ਨਾ ਸਿਰਫ਼ ਆਪਣੀ ਸਦੀਆਂ ਪੁਰਾਣੀ ਡਾਕਟਰੀ ਗਿਆਨ ਦੀ ਰੱਖਿਆ ਕਰ ਰਿਹਾ ਹੈ, ਸਗੋਂ ਵਿਅਕਤੀਗਤ, ਸਬੂਤ-ਅਧਾਰਤ, ਅਤੇ ਵਿਸ਼ਵ ਪੱਧਰ 'ਤੇ ਪਹੁੰਚਯੋਗ ਸਿਹਤ ਸੰਭਾਲ ਦੇ ਭਵਿੱਖ ਨੂੰ ਆਕਾਰ ਦੇਣ ਵਿੱਚ ਵੀ ਅਗਵਾਈ ਕਰ ਰਿਹਾ ਹੈ।"

ਆਯੂਸ਼ ਮੰਤਰਾਲੇ ਦੇ ਸਕੱਤਰ ਵੈਦਯ ਰਾਜੇਸ਼ ਕੋਟੇਚਾ ਨੇ ਕਿਹਾ ਕਿ ਡਬਲਿਊਐੱਚਓ ਦਸਤਾਵੇਜ਼ ਵਿੱਚ ਭਾਰਤ ਦੀ ਅਗਵਾਈ ਵਿੱਚ ਕਈ ਮੋਹਰੀ AI-ਸੰਚਾਲਿਤ ਇਨੋਵੇਸ਼ਨਸ ਨੂੰ ਉਜਾਗਰ ਕਰਦਾ ਹੈ — ਪ੍ਰਕ੍ਰਿਤੀ-ਅਧਾਰਿਤ ਮਸ਼ੀਨ ਟ੍ਰੇਨਿੰਗ ਮਾਡਲਾਂ ਦੀ ਵਰਤੋਂ ਕਰਦੇ ਹੋਏ ਭਵਿੱਖਬਾਣੀ ਕਰਨ ਵਾਲੇ ਨਿਦਾਨ ਤੋਂ ਲੈ ਕੇ ਆਯੁਰਵੇਦ ਗਿਆਨ ਅਤੇ ਆਧੁਨਿਕ ਜੀਨੋਮਿਕਸ ਨੂੰ ਇਕੱਠਾ ਕਰਨ ਵਾਲੇ ਗਰਾਉਂਡਬ੍ਰੇਕਿੰਗ ਆਯੁਰਗੇਨੋਮਿਕਸ ਪ੍ਰੋਜੈਕਟ ਸ਼ਾਮਲ ਹਨ। ਇਸ ਡਿਜੀਟਲ ਪਰਿਵਰਤਨ ਦੇ ਮੂਲ ਵਿੱਚ ਆਯੂਸ਼ ਗਰਿੱਡ ਹੈ — ਇੱਕ ਵਿਆਪਕ ਡਿਜੀਟਲ ਹੈਲਥ ਪਲੈਟਫਾਰਮ ਜੋ 2018 ਵਿੱਚ ਲਾਂਚ ਕੀਤਾ ਗਿਆ ਸੀ — ਜੋ ਕਿ SAHI ਪੋਰਟਲ, NAMASTE ਪੋਰਟਲ, ਅਤੇ ਆਯੂਸ਼ ਖੋਜ ਪੋਰਟਲ ਵਰਗੀਆਂ ਕਈ ਨਾਗਰਿਕ-ਕੇਂਦ੍ਰਿਤ ਪਹਿਲਕਦਮੀਆਂ ਦੀ ਨੀਂਹ ਵਜੋਂ ਕੰਮ ਕਰਦਾ ਹੈ। ਇਕੱਠੇ ਮਿਲ ਕੇ, ਇਹ AI-ਸਮਰਥਿਤ ਪਲੈਟਫਾਰਮ ਨਾ ਸਿਰਫ਼ ਭਾਰਤ ਦੇ ਰਵਾਇਤੀ ਚਿਕਿਤਸਾ ਪ੍ਰਣਾਲੀਆਂ ਨੂੰ ਸੁਰੱਖਿਅਤ ਅਤੇ ਪ੍ਰਮਾਣਿਤ ਕਰ ਰਹੇ ਹਨ ਬਲਕਿ ਸਬੂਤ-ਅਧਾਰਿਤ, ਡਿਜੀਟਲ ਸਿਹਤ ਸੰਭਾਲ ਢਾਂਚੇ ਦੇ ਅੰਦਰ ਆਪਣੇ ਵਿਸ਼ਵਵਿਆਪੀ ਏਕੀਕਰਣ ਨੂੰ ਵੀ ਅੱਗੇ ਵਧਾ ਰਹੇ ਹਨ।”

ਇਹ WHO ਪ੍ਰਕਾਸ਼ਨ ਨਾ ਸਿਰਫ਼ ਵਿਸ਼ਵਵਿਆਪੀ ਪਰੰਪਰਾਗਤ ਚਿਕਿਤਸਾ ਦੇ ਖੇਤਰ ਵਿੱਚ ਭਾਰਤ ਦੇ ਵਧ ਰਹੇ ਪ੍ਰਭਾਵ ਨੂੰ ਪ੍ਰਮਾਣਿਤ ਕਰਦਾ ਹੈ, ਸਗੋਂ AI ਅਤੇ ਆਯੁਸ਼ ਖੇਤਰ ਵਿੱਚ ਕਈ ਮੁੱਖ ਭਾਰਤੀ ਇਨੋਵੇਸ਼ਨਸ ਨੂੰ ਵੀ ਸਵੀਕਾਰ ਕਰਦਾ ਹੈ।

ਇਹ ਦਸਤਾਵੇਜ਼ ਆਯੁਰਵੇਦ, ਸਿੱਧ, ਯੂਨਾਨੀ, ਸੋਵਾ ਰਿਗਪਾ, ਅਤੇ ਹੋਮਿਓਪੈਥੀ ਵਿੱਚ ਏਆਈ-ਸੰਚਾਲਿਤ ਐਪਲੀਕੇਸ਼ਨਾਂ ਦੀ ਇੱਕ ਸ਼੍ਰੇਣੀ ਨੂੰ ਪ੍ਰਦਰਸ਼ਿਤ ਕਰਦਾ ਹੈ, ਜਿਸ ਵਿੱਚ ਨਿਦਾਨ ਸਹਾਇਤਾ ਪ੍ਰਣਾਲੀਆਂ ਸ਼ਾਮਲ ਹਨ ਜੋ ਨਬਜ਼ ਪੜ੍ਹਨ, ਜੀਭ ਦੀ ਜਾਂਚ, ਅਤੇ ਪ੍ਰਕ੍ਰਿਤੀ ਮੁਲਾਂਕਣ ਵਰਗੇ ਰਵਾਇਤੀ ਤਰੀਕਿਆਂ ਨੂੰ ਮਸ਼ੀਨ ਲਰਨਿੰਗ ਐਲਗੋਰਿਦਮ ਅਤੇ ਡੂੰਘੇ ਨਿਊਰਲ ਨੈੱਟਵਰਕ ਨਾਲ ਜੋੜਦੀਆਂ ਹਨ। ਇਹ ਯਤਨ ਨਿਦਾਨ ਸ਼ੁੱਧਤਾ ਨੂੰ ਵਧਾ ਰਹੇ ਹਨ ਅਤੇ ਵਿਅਕਤੀਗਤ ਰੋਕਥਾਮ ਦੇਖਭਾਲ ਨੂੰ ਸਮਰੱਥ ਬਣਾ ਰਹੇ ਹਨ।

ਡਬਲਿਊਐੱਚਓ ਦੇ ਸੰਖੇਪ ਵਿੱਚ ਇੱਕ ਖਾਸ ਵਿਸ਼ੇਸ਼ਤਾ ਆਯੁਰਜੇਨੋਮਿਕਸ ਦਾ ਜ਼ਿਕਰ ਹੈ, ਜੋ ਕਿ ਇੱਕ ਵਿਗਿਆਨਕ ਸਫਲਤਾ ਹੈ ਜੋ ਜੀਨੋਮਿਕਸ ਨੂੰ ਆਯੁਰਵੈਦਿਕ ਸਿਧਾਂਤਾਂ ਨਾਲ ਜੋੜਦੀ ਹੈ। ਇਸ ਪਹਿਲਕਦਮੀ ਦਾ ਉਦੇਸ਼ ਭਵਿੱਖਬਾਣੀ ਕਰਨ ਵਾਲੇ ਰੋਗ ਮਾਰਕਰਾਂ ਦੀ ਪਛਾਣ ਕਰਨਾ ਅਤੇ ਆਯੁਰਵੈਦਿਕ ਸੰਵਿਧਾਨ ਕਿਸਮਾਂ ਦੇ AI-ਅਧਾਰਿਤ ਵਿਸ਼ਲੇਸ਼ਣ ਦੀ ਵਰਤੋਂ ਕਰਕੇ ਸਿਹਤ ਸਿਫ਼ਾਰਸ਼ਾਂ ਨੂੰ ਵਿਅਕਤੀਗਤ ਬਣਾਉਣਾ ਹੈ। ਇਹ ਦਸਤਾਵੇਜ਼ ਆਧੁਨਿਕ ਬਿਮਾਰੀ ਦੀਆਂ ਸਥਿਤੀਆਂ ਵਿੱਚ ਦੁਬਾਰਾ ਵਰਤੋਂ ਲਈ ਜੜੀ-ਬੂਟੀਆਂ ਦੇ ਫਾਰਮੂਲੇ ਦੇ ਜੀਨੋਮਿਕ ਅਤੇ ਅਣੂ ਆਧਾਰ ਨੂੰ ਡੀਕੋਡ ਕਰਨ ਦੇ ਯਤਨਾਂ ਨੂੰ ਵੀ ਉਜਾਗਰ ਕਰਦਾ ਹੈ - ਸਮਕਾਲੀ ਵਿਗਿਆਨ ਨਾਲ ਰਵਾਇਤੀ ਗਿਆਨ ਨੂੰ ਜੋੜਨ ਵਿੱਚ ਇੱਕ ਵੱਡੀ ਛਾਲ ਹੈ।

ਭਾਰਤ ਦੇ ਪਰੰਪਰਾਗਤ ਗਿਆਨ ਨੂੰ ਡਿਜੀਟਾਈਜ਼ ਕਰਨ ਦੇ ਉਪਰਾਲੇ, ਜਿਵੇਂ ਕਿ ਪਰੰਪਰਾਗਤ ਗਿਆਨ ਡਿਜੀਟਲ ਲਾਇਬ੍ਰੇਰੀ (TKDL), ਨੂੰ ਸਵਦੇਸ਼ੀ ਮੈਡੀਕਲ ਵਿਰਾਸਤ ਦੀ ਸੰਭਾਲ ਅਤੇ ਜ਼ਿੰਮੇਵਾਰ ਵਰਤੋਂ ਲਈ ਗਲੋਬਲ ਮਾਡਲਾਂ ਵਜੋਂ ਪ੍ਰਸ਼ੰਸਾ ਕੀਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ, ਏਆਈ-ਸੰਚਾਲਿਤ ਔਜ਼ਾਰਾਂ ਦੀ ਵਰਤੋਂ ਪ੍ਰਾਚੀਨ ਗ੍ਰੰਥਾਂ ਦੀ ਸੂਚੀਕਰਣ ਅਤੇ ਅਰਥ ਵਿਸ਼ਲੇਸ਼ਣ ਲਈ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਸਮੇਂ-ਪਰੀਖਣ ਕੀਤੇ ਗਏ ਇਲਾਜ ਸੰਬੰਧੀ ਗਿਆਨ ਤੱਕ ਆਸਾਨ ਪਹੁੰਚ ਸੰਭਵ ਹੋ ਰਹੀ ਹੈ।

ਡਬਲਿਊਐੱਚਓ ਦੁਆਰਾ ਮਾਨਤਾ ਪ੍ਰਾਪਤ ਇੱਕ ਹੋਰ ਮਹੱਤਵਪੂਰਨ ਪਹਿਲੂ ਹੈ ਡਰੱਗ ਐਕਸ਼ਨ ਪਾਥਵੇਅ ਪਛਾਣ ਲਈ AI ਦੀ ਵਰਤੋਂ, ਆਯੁਰਵੇਦ, TCM, ਅਤੇ ਯੂਨਾਨੀ ਵਰਗੇ ਪ੍ਰਣਾਲੀਆਂ ਵਿੱਚ ਤੁਲਨਾਤਮਕ ਅਧਿਐਨ, ਅਤੇ ਰਸ, ਗੁਣ ਅਤੇ ਵਿਰਯ ਵਰਗੇ ਰਵਾਇਤੀ ਮਾਪਦੰਡਾਂ ਦਾ ਮੁਲਾਂਕਣ ਕਰਨ ਲਈ ਆਰਟੀਫਿਸ਼ੀਅਲ  ਰਸਾਇਣਕ ਸੈਂਸਰਾਂ ਦੇ ਵਿਕਾਸ ਲਈ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਦੀ ਵਰਤੋਂ ਕਰਨਾ ਹੈ। ਇਹ ਤਕਨੀਕੀ ਦਖਲਅੰਦਾਜ਼ੀ ਰਵਾਇਤੀ ਫਾਰਮੂਲੇ ਨੂੰ ਪ੍ਰਮਾਣਿਤ ਕਰਨ ਅਤੇ ਆਧੁਨਿਕ ਬਣਾਉਣ ਵਿੱਚ ਮਦਦ ਕਰ ਰਹੀਆਂ ਹਨ।

ਇਹ ਦਸਤਾਵੇਜ਼ ਔਨਲਾਈਨ ਸਲਾਹ-ਮਸ਼ਵਰੇ ਲਈ ਡਿਜੀਟਲ ਪਲੇਟਫਾਰਮਾਂ ਨੂੰ ਸ਼ਾਮਲ ਕਰਨ, ਆਯੁਸ਼ ਪ੍ਰੈਕਟੀਸ਼ਨਰਾਂ ਵਿੱਚ ਡਿਜੀਟਲ ਸਾਖਰਤਾ ਨੂੰ ਉਤਸ਼ਾਹਿਤ ਕਰਨ, ਅਤੇ ਰਵਾਇਤੀ ਚਿਕਿਤਸਾ ਨੂੰ ਮੁੱਖ ਧਾਰਾ ਦੀ ਸਿਹਤ ਸੰਭਾਲ ਨਾਲ ਜੋੜਨ ਲਈ ਅੰਤਰ-ਸੰਚਾਲਿਤ ਪ੍ਰਣਾਲੀਆਂ ਬਣਾਉਣ ਵਿੱਚ ਭਾਰਤ ਦੇ ਵਿਆਪਕ ਯਤਨਾਂ ਦੀ ਵੀ ਸ਼ਲਾਘਾ ਕਰਦਾ ਹੈ।

ਆਯੁਸ਼ ਮੰਤਰਾਲਾ ਇਸ ਮਾਨਤਾ ਦਾ ਸਵਾਗਤ ਕਰਦਾ ਹੈ ਕਿਉਂਕਿ ਇਹ ਰਵਾਇਤੀ ਚਿਕਿਤਸਾ ਲਈ ਇੱਕ ਮਜ਼ਬੂਤ ਵਿਗਿਆਨਕ ਈਕੋਸਿਸਟਮ ਬਣਾਉਣ ਵਿੱਚ ਭਾਰਤ ਦੀ ਅਗਵਾਈ ਦੇ ਪ੍ਰਮਾਣ ਵਜੋਂ ਹੈ। ਇਹ ਵਿਸ਼ਵਵਿਆਪੀ ਸਹਿਯੋਗ ਅਤੇ ਜ਼ਿੰਮੇਵਾਰ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਦੇਸ਼ ਦੀ ਵਚਨਬੱਧਤਾ ਦੀ ਵੀ ਪੁਸ਼ਟੀ ਕਰਦਾ ਹੈ, ਜਿਵੇਂ ਕਿ ਡਬਲਿਊਐੱਚਓ ਦੇ AI ਅਤੇ ਰਵਾਇਤੀ ਚਿਕਿਤਸਾ ਲਈ ਵਿਆਪਕ ਢਾਂਚੇ ਦੇ ਤਹਿਤ ਕਲਪਨਾ ਕੀਤੀ ਗਈ ਹੈ।

****

ਐਮਵੀ/ਏਕੇਐਸ