اورنگ آباد انڈسٹریل سٹی (اے یو آر آئی سی) میں کنفیڈریشن آف انڈین انڈسٹری (سی آئی آئی) کے ساتھ شراکت داری میں 20000 مربع فٹ کے رقبے میں ہنرمندی ترقیات مرکز  قائم کیا جائے گا، توقع کی جاتی ہے  کہ اس سلسلے میں مفاہمتی عرضداشت (ایم او یو) پر آئندہ ہفتے دستخط کیے جائیں گے۔ اس کی توثیق صنعت اور داخلی تجارت کے فروغ کے محکمے (ڈی پی آئی آئی ٹی) کے سکریٹری جناب امردیپ سنگھ بھاٹیا کے ذریعہ،  12 جولائی 2025 کو چھترپتی سمبھاجی نگر کے ان کے دورے کے دوران کی گئی۔ اس دورے کا مقصد خطے میں صنعتی بنیادی ڈھانچے کی پیشرفت اور اسٹارٹ اپ ترقی کا جائزہ لینا تھا۔

سکریٹری نے عالمی صلاحیتی مرکز(جی سی سی) کی سرمایہ کاری کو راغب کرنے اور اے یو آر آئی سی میں تحقیق و ترقی (آر اینڈ ڈی) مراکز کی ترقی کو فروغ دینے کی ضرورت پر زور دیا تاکہ خطے کی اختراعات اور صنعتی ایکو سسٹم کو مزید فروغ دیا جاسکے۔ اسٹیک ہولڈرز نے پی ایم اے وائی 2.0 رعایات کو ریاستی ہاؤسنگ پالیسیوں کے ساتھ ملانے کی بھی سفارش کی تاکہ ایک جامع پیکیج کی پیشکش کی جا سکے۔ ایک اچھی صنعتی بستی کی ترقی۔

اس دورے میں اے یو آر آئی سی ہال میں سکریٹری کی زیرصدارت ایک صنعتی بات چیت کا سیشن بھی شامل تھا، جس میں اہم اسٹیک ہولڈرز بشمول ایم اے ایس ایس آئی اے، سی ایم آئی اے، سی آئی آئی، فکی، اور ایسوچیم جیسے صنعتی اداروں کی شرکت کا مشاہدہ کیا گیا۔ بات چیت کے دوران، اسٹیک ہولڈرز نے اورنگ آباد-حیدرآباد-چنئی کے درمیان بہتر کنیکٹیویٹی، ایک ایم آر او سہولت اور وندے بھارت ٹرمینل کی ترقی، بڈکن میں لاجسٹکس کی بہتر رسائی، جالنا اور ولوج کے درمیان لوکل ٹرین خدمات، ایم ایچ اے ڈی اے کے ذریعے قابل استطاعت رہائش، اور ایک وقف کیمیکل زون جیسے اقدامات تجویز کیے۔ان تجاویز میں ایم ایس ایم ای آراضی میں ریزرویشن کو 10 فیصد سے بڑھا کر 40 فیصد کرنا، اسٹارٹ اپ اداروں کے لیے 10 فیصد کے بقدر آراضی کا تحفظ، اور اے یو آر آئی سی میں سافٹ انفراسٹراکچر اور ہنرمندی ترقیات کے نظام کو مضبوط بنانا شامل ہے۔ حکومت مہاراشٹر کے صنعتی محکمے کے سکریٹری ڈاکٹر پی امبالگن نے  ایم آئی ٹی ایل اور ایم ایم ایل پی جیسی پہل قدمیوں کے توسط سے صنعتی نمو  کے لیے ریاست کی کلیدی تصوریت پیش کی۔

یہ دورہ مراٹھواڑہ ایکسلریٹر فار گروتھ اینڈ انکیوبیشن کونسل (میجک) میں ایک انٹرایکٹو سیشن کے ساتھ شروع ہوا، جہاں سکریٹری نے خطے کے ابھرتے ہوئے کاروباریوں، انکیوبیٹرز اور اسٹارٹ اپ کے بانیوں کے ساتھ بات چیت کی۔ انہوں نے ان کے اختراعی جذبے کی تعریف کی اور سٹارٹ اپ انڈیا، فنڈ آف فنڈز اور سیکٹر کے مخصوص مراعات جیسے اقدامات کے ذریعے حکومت کی مضبوط حمایت کو اجاگر کیا جس کا مقصد خاص طور پر ٹائر-2 اور ٹائر-3 شہروں میں اسٹارٹ اپ ایکو سسٹم کو فروغ دینا ہے۔

سکریٹری نے بڈکن صنعتی علاقے کا دورہ کیا، جہاں انہوں نے جے ایس ڈبلیو گرین ٹیک لمیٹڈ، ٹویوٹا کرلوسکر سہولت، اور واٹر ٹریٹمنٹ پلانٹ سمیت کلیدی بنیادی ڈھانچے کا جائزہ لیا۔ ان کا دورہ شیندرا انڈسٹریل ایریا تک آگے بڑھا، جہاں انہوں نے اہم صنعتی اکائیوں کا دورہ کیا جن میں این ایل ایم کے انڈیا، ہیوسن ٹی اینڈ ڈی پرائیویٹ لمیٹڈ، اور کوٹل فلمز پرائیویٹ لمیٹڈ کا بھی دورہ کیا۔ انہوں نے اعلیٰ قدر کی مینوفیکچرنگ اور روزگار پیدا کرنے میں ان کے کردار کی تعریف کی، جو وکست بھارت @ 2047 کے وژن میں اہم کردار ادا کر رہے ہیں۔

جناب بھاٹیا نے اے یو آر آئی سی میں صنعتی بنیادی ڈھانچے کا بھی دورہ کیا، اس دورے کے تحت واٹر ٹریٹمنٹ پلانٹ، انٹی گریٹڈ کمانڈ اینڈ کنٹرول سینٹر (آئی سی سی سی)، جدید ترین اے یو آر آئی سی ہال، اور شیندر کا تھری ڈی سٹی ماڈل پر بھی احاطہ کیا گیا۔

سکریٹری، ڈی پی آئی آئی ٹی نے اس بات کا اعادہ کیا کہ مہاراشٹر کو مینوفیکچرنگ اور اختراع کے عالمی مرکز کے طور پر پوزیشن دینے کے لیے حکومت اور صنعت کے درمیان تعاون ضروری ہے۔ سیشن میں صنعتی ایسوسی ایشنوں اور حکومت مہاراشٹر کی فعال شرکت دیکھی گئی، جس سے خطے میں صنعتی ترقی کو متحرک کرنے کے لیے ان کے مشترکہ عزم کو تقویت حاصل ہوئی۔

اے یو آر آئی سی کے بارے میں:

شیندر اور بڈکن صنعتی علاقوں کو دو مرحلوں میں تیار کیا جا رہا ہے، جو 4,000 ہیکٹر (10,000 ایکڑ) پر محیط ہے تاکہ ایک جدید صنعتی مرکز قائم کیا جا سکے۔ اورک اسمارٹ سٹی متوازن ترقیاتی ماڈل کی پیروی کرتا ہے، جس میں 60% زمین صنعتوں کے لیے وقف ہے اور بقیہ 40% کمرشل، رہائشی، تعلیمی اور صحت کی سہولیات کے لیے مختص کی گئی ہے۔ پانی کی فراہمی، بجلی، سیوریج سسٹم، اور تیز رفتار انٹرنیٹ سمیت ضروری بنیادی ڈھانچہ شیندرا (2,000 ایکڑ) اور بڈکن فیز-1 (2,500 ایکڑ) میں تیار کیا گیا ہے، جس میں زیر زمین تقسیم انفرادی صنعتی پلاٹوں تک پہنچتی ہے۔ قابل ذکر بات یہ ہے کہ پانی کی طلب کا 42فیصد حصہ  ٹریٹڈ گندے پانی سے پورا کیا جائے گا۔ شہر اعلی درجے کے ایس سی اے ڈی اے نظاموں، سی سی ٹی وی نگرانی، ہوا کے معیار کی نگرانی کے سینسر، اور موثر حکمرانی کے لیے ٹریفک کنٹرول کے طریقہ کار سے لیس ہے۔ مزید برآں، ای-لینڈ مینجمنٹ سسٹم کا نفاذ صنعتی زمین کی الاٹمنٹ کے لیے ایک شفاف عمل کو یقینی بناتا ہے۔ اپنے بجلی کی تقسیم کے لائسنس کے ساتھ، اورک سمارٹ سٹی کم ٹیرف پر بجلی فراہم کرتا ہے، جس سے سرمایہ کاروں کے لیے اپنی اپیل میں اضافہ ہوتا ہے۔

**********

(ش ح –ا ب ن)

U.No:2702

(Release ID: 2144347)