سروس کی کارکردگی کو بہتر بنانے اور رولنگ اسٹاک کی دیکھ بھال کو خودکار بنانے کے لیے جدید ٹیکنالوجی کو اپنانے کی جانب ایک اہم قدم میں، ہندوستانی ریلوے نے ڈیڈیکیٹ فریٹ کوریڈور کارپوریشن آف انڈیا لمیٹڈ (ڈی ایف سی سی آئی ایل) کے ساتھ مشین ویژن پر مبنی ہیلتھ انسپیکشن سسٹم (مانیٹرنگ اسٹاک ایم ایس وی آئی) کی تنصیب کے لیے مفاہمت کی یادداشت (ایم او یو) پر دستخط کیے ہیں۔

 

 

ایم وی آئی ایس ایک جدید، اے آئی/ایم ایل پر مبنی ٹیکنالوجی کا حل ہے جسے راستے کے کنارے تعینات کیا جاتا ہے جو چلتی ٹرینوں کے انڈر گیئر کی ہائی ریزولوشن تصاویر لیتا ہے اور کسی بھی لٹکے ہوئے، ڈھیلے یا غائب پرزوں کا خودکار طور پر پتہ لگاتا ہے۔ بے ضابطگیوں کا پتہ لگنے پر، نظام فوری ردعمل اور احتیاطی کارروائی کی سہولت کے لیے ریئل ٹائم الرٹ تیار کرتا ہے۔

اس مفاہمت نامے پر جناب سمیت کمار، ڈائریکٹر (پروجیکٹ اینڈ ڈیولپمنٹ)، ریلوے بورڈ، اور جناب جواہر لال، جی جی ایم (مکینیکل)، ڈی ایف سی سی آئی ایل نے ریل بھون، نئی دہلی میں جناب بی ایم اگروال، ممبر (ٹریکشن اینڈ رولنگ اسٹاک)، جناب پروین کمار، منیجنگ ڈائریکٹر، ڈی ایف سی سی آئی ایل اور ڈی ایف سی سی آئی ایل بورڈ کے سینیئر افسران کی موجودگی میں رسمی طور پر دستخط کیے۔

 

 

ایم او یو کی شرائط کے تحت، ڈی ایف سی سی آئی ایل چار ایم وی آئی ایس یونٹ کی خریداری، فراہمی، تنصیب، جانچ اور کمیشننگ کے لیے ذمہ دار ہوگا۔ یہ انقلابی نظام ہندوستانی ریلوے کے لیے پہلی بار ہے۔ توقع ہے کہ اس ٹیکنالوجی سے ٹرین آپریشن کی حفاظت میں نمایاں اضافہ ہوگا، دستی معائنہ کی کوششوں کو کم کیا جائے گا اور ممکنہ حادثات/ سروس میں رکاوٹوں سے بچنے میں مدد ملے گی۔

یہ اقدام ریلوے کے ماحولیاتی نظام میں جدید، ذہین نظاموں کو متعارف کرانے کے ہندوستانی ریلوے کے وسیع تر مقصد سے بھی ہم آہنگ ہے۔ اس مفاہمت نامے پر دستخط کرنے سے مستقبل کے لیے تیار ریل انفراسٹرکچر کی تعمیر میں ریل کی حفاظت میں ڈیجیٹل تبدیلی کی نئی راہیں کھلیں گی۔

                                               **************

ش ح۔ ف ش ع

10-07-2025

                                                                                                                                       U: 2653

 

(Release ID: 2143911)