مواصلات اورشمال مشرقی خطہ( ڈو این ای آر)کے وزیرجناب جیوترآدتیہ ایم۔ سندھیا نے کرناٹک کے بنگلورو میں گرامین ڈاک سیوک سممیلن میں ایک جذباتی اور متحرک اجتماع سے خطاب کیا، جس سے ڈاک پریوار کے ساتھ ایک طاقتور جذباتی تعلق دوبارہ زندہ ہوا اور بھارتی ڈاک محکمے کے مستقبل کے لیے ایک جرأت مندانہ روڈ میپ طے کیا۔ ڈاک کے نیٹ ورک کی بے مثال پہنچ کو اجاگر کرتے ہوئے، انہوں نے کہا کہ دنیا میں تقسیم کا کوئی  اور چینل انڈیا پوسٹ کی طرح وسعت اور گہرائی سے جڑا ہوا نہیں ہے، جس کے 1.64 لاکھ ٹچ پوائنٹس کشمیر سے کنیا کماری، بھروچ سے دھرما نگر تک پھیلے ہوئے ہیں۔

مرکزی وزیر مواصلات جناب جیوترآدتیہ ایم۔ سندھیا کی کرناٹک کے بنگلورو میں گرامین ڈاک سیوک سممیلن میں خطاب کی جھلک۔

 

جناب سندھیا نے ڈاک پریوار کے ساتھ اپنے دیرینہ تعلقات پر بھی روشنی ڈالی اور اس بات پر زور دیا کہ یہ صرف ایک محکمہ ہی نہیں، بلکہ ایک کنبہ ہے۔

مرکزی وزیر کرناٹک میں خدمات کی فراہمی سے متعلق عملے کے ساتھ خوشگوار لمحہ میں

 

جناب سندھیا نے اس بات پر زور دیا کہ حقیقی تبدیلی تب شروع ہوتی ہے جب ہر کارکن مشن میں ذاتی طور پر شامل ہو۔ گرامین ڈاک سیوکوں سے خطاب کرتے ہوئے، انہوں نے کہا کہ وہ ہر گاؤں میں اعتماد کے ستون ہیں اور دیہی علاقوں کے ہر گھر سے گہرا اور جذباتی تعلق رکھتے ہیں۔

انہوں نے مزید کہا کہ وزیرِ اعظم جناب نریندر مودی کی حکومت کا وژن ڈاکخانوں کو شہریوں کے لیے مزید مرکوز تجربے کے طور پر ڈیزائن کرنا ہے اور اس عزم کا اعادہ کیا کہ ڈاکخانوںکو دیہی بھارت میں حکمرانی کے داخلی دروازے کے طور پر تبدیل کیا جائے گا،جو قابلِ رسائی، جدید اور خدمات سے مالا مال ہوں گے۔

مواصلات کے مرکزی وزیر گرامین ڈاک سیوکوں کو ان کی غیر معمولی خدمات کے اعتراف میں اعزاز سے نوازتے ہوئے۔

 

سممیلن کے اختتام پر وزیرموصوف نے ایک جذباتی اپیل کی اور ڈاک سے متعلق محکمے کے ہر رکن سے تبدیلی کے ایجنٹ بننے کی درخواست کی۔ انہوں نے دیہی ترقی میں ڈاکخانوں کےاہم کردار کو اجاگر کیا اور انہیں عوام کی روزمرہ ضروریات پوری کرنے والے اہم خدماتی مراکزکہا۔ توانائی اور عزم کے ساتھ، انہوں نے ڈاک پریوار کو اس چیلنج کا مقابلہ کرنے کے لیے متحرک کیا، جس پر موجود سیوکوں نے زبردست حمایت کا اظہار کرتے ہوئے اس مشن کو آگے بڑھانے کا عہد کیا۔

سوشل میڈیا لنکس؛

To be amidst my family of our ग्रामीण डाक सेवक is always truly delightful..

At the Gramin Dak Sevak Sammelan in Bengaluru, celebrated the dedication of our last-mile warriors who are not just delivering mail, but delivering dignity, financial empowerment & trust to the remotest… pic.twitter.com/YztUaZ0xP7

— Jyotiraditya M. Scindia (@JM_Scindia) July 10, 2025

************

 

ش ح ۔ ش م ۔ م ا

Urdu Release No-2639

(Release ID: 2143811)