খেলো ইন্দিয়া এক্রিদিদেদ একাদেমীগী মখাদা মোদীনাগরদা লৈবা ৱেথলিফতিং ৱারিয়রস একাদেমীদা য়ুথ এফেয়ার্স অমসুং স্পোর্তসকী রাজ্য মন্ত্রী শ্রীমতি রাক্ষ খাদসে চৎখ্রে। মহাক্না ওলেম্পিক মেদল ফংলবী মিরাবাই চনু, হেদ কোচ বিজয় শর্মা, আই.দব্লিউ.এল.এফগী প্রসিদেন্ত অশ্বিনিকুমার সাহদেব যাদব অমসুং আই.দব্লিউ.এল.এফকী অশ্বিনি কুমারগা উনখি।

নেসনেল চীফ কোচ শ্রী বিজয় শর্মানা লিংখৎপা ৱেথলিফতিং ৱারিয়রস একাদেমী অসি তুংগী চেম্পিয়নশিং পুথোক্নবা ফজনা দিজাইন তৌরবা একাদেমী অমনি। মসি খেলো ইন্দিয়া স্কিম অমসুং তোঙান তোঙানবা স্পোর্ত বোদিশিংগী মখাদা হাংদোকপনি অমসুং মসিদা শান্নরোয় শেমগৎনবা অফবা ফিবম অমা লৈরি।

খেলো ইন্দিয়া এক্রিদিদেদ একাদেমী-খেলো ইন্দিয়া স্কিমগী শরুক অমা

সেন্তর অমা খেলো ইন্দিয়া এক্রিদিদেদ একাদেমীদা শরুক য়ানবগীদমক, ইন্সতিতুৎ অদু খেলো ইন্দিয়া স্কিমগী নিয়মশিং ঙাক্কদবনি। ৱেথলিফতিং ৱারিয়রস একাদেমী অসি অনৌবা মতমগী খুৎলায়শিং মপুংফানা লৈরবা জিমনি, মসিদা মচি ওইবা চীঞ্জাক ফংহনবা মেস অমা, অফবা মখলগী ত্রেনিংগী খুৎলায় অমসুং স্পোর্তস সাইন্সকী খুদোংচাবা ফংলি। মসি মহৌশাদগী চৎনরক্লবা কোচিংগী থবক অদু খক নত্তে। মফম অসিদা শান্নরোয়শিংনা সাইন্তিফিক ওইরবা ত্রেনিংশি, অৱাংবা থাক্কী পর্ফোমেন্স নৈনবা, অশোক-অপনশিং ঙাকথোক্নবা থবকশিং অমসুং অশোকপশিং অমুক হন্না ফগৎহন্নবা মতেং পাংবা য়াওরি।

একাদেমী অসিদা শান্নরোয় ৬০ ফাওবা লৈবা য়াবা নুংঙাইরবা কা ৩০ লৈরি। হৌজিক একাদেমী অসিদা চহি ৮-১৪ ফাওবগী মনুংদা লৈবা নহা ওইরিবা শান্নরোয় ৪০ লৈরি। মখোয় শক্নাইরবা শান্নরোয় ১৫ গা লোয়ননা ত্রেনিং তৌমিন্নরি অমসুং মখোয়গী মনুংদা ভারতকী শক্নাইরবী ওলেম্পিক মেদল ফংলবী মিরাবাই চনু য়াওরি অমসুং মহাক্না নহারোলশিংদা ইথিল পীরি।

নহা ওইরিবা শান্নরোয়শিং, কোচশিং অমসুং স্তাফশিংদা ৱা ঙাংবদা, য়ুনিয়ন মিনিস্তরনা হায়খি, খেলো ভারত নিতি ২০২৫ গী মখাদা ঐখোয়না অফবা শান্নরোয় মশক খঙদোকপা খক নত্তনা মখোয়দা মালেম থাক্কী কোচিং অমসুং মীয়ামগা থবক তৌমিন্নবগী খুদোংচাবা পীরি। নুপীশিংগী ফিবম ফগৎলকপদা লৈবাক শীনবা থুংনা চাউখৎলকই, হৈশিংবা শান্নরোয় অমতা চিৎথহৌদনবা অমসুং মখোয়গী অনিংবশিং থুংহন্নবা ঐখোয়না ৱাশক্লি।

য়ুনিয়ন মিনিস্তরনা হায়খি মখোঙদগী হৌনা শান্নরোয়শিং শেমগৎনবা মশক খঙদোকপা অমসুং শেমগৎপদা হায়রিবা একাদেমীশিং অসিনা মরুওইবা থৌদাং লৌরি অমসুং মখোয়দা মালেম থাক্কী খুদোংচাবশিং অমসুং অখঙ-অহৈগী লমজিংবা পীরি। অপুনবা অমসুং তুংকোইনা চৎনবা য়াবা শান্নবা চাউখৎনবা ফ্রেমৱার্ক অমা শেমদুনা ভারত মালেমদা  শান্নবদা মাইথিবা পীবা ঙমদবা পৱারহাওস অমা শেমগৎনবা পান্দম অমা “খেলো ভারত নিতি ২০২৫ না থম্লিবা অসি মঙফাওনহন্নবদা অসিগুম্বা একাদেমীশিং অসি য়াম্না মরুওই।

মিরাবাই চনুগুম্বা শক্নাইরবা শান্নরোয় অমা একাদেমী অসিদা শরুক য়াবা অসি নহা ওইরিবা শান্নরোয়শিং পুক্নিং থৌগৎনবা মচাক অমা ওইরি অমসুং খেলো ইন্দিয়াগী থবক্না পীরিবা অফবা খুদোংচাবশিং অসি লৌদুনা মাইপাকপা ঙম্মী হায়বা অদু উৎলে। ভারতকী শান্নবগী থবকশিং তুংদা য়াম্না ফগৎলক্নবা অসিগুম্বা মরুওইবা ইন্সতিতুসনশিংদা মখা তানা শেন থাদনবা ভারত সরকারনা লৌরিবা ৱারেপ অদু য়ুনিয়ন মিনিস্তরনা অমুক হন্না ফোঙদোকখি।

****