ਕੇਂਦਰੀ ਯੁਵਾ ਮਾਮਲਿਆਂ ਅਤੇ ਖੇਡ ਰਾਜ ਮੰਤਰੀ ਸ਼੍ਰੀਮਤੀ ਰਕਸ਼ਾ ਖੜਸੇ ਵਲੋਂ ਖੇਲੋ ਇੰਡੀਆ ਮਾਨਤਾ ਪ੍ਰਾਪਤ ਅਕੈਡਮੀ ਦੀ ਪਹਿਲਕਦਮੀ ਤਹਿਤ ਉੱਤਮਤਾ ਦੇ ਪ੍ਰਤੀਕ, ਮੋਦੀਨਗਰ ਵਿਖੇ ਵੇਟਲਿਫਟਿੰਗ ਵਾਰੀਅਰਜ਼ ਅਕੈਡਮੀ ਦਾ ਇੱਕ ਮਹੱਤਵਪੂਰਨ ਦੌਰਾ ਕੀਤਾ। ਉਨ੍ਹਾਂ ਦੇ ਨਾਲ ਓਲੰਪਿਕ ਤਮਗਾ ਜੇਤੂ ਮੀਰਾਬਾਈ ਚਾਨੂ, ਮੁੱਖ ਕੋਚ ਵਿਜੇ ਸ਼ਰਮਾ, ਆਈ.ਡਬਲਯੂ.ਐਲ.ਐਫ. ਦੇ ਪ੍ਰਧਾਨ ਸਹਿਦੇਵ ਯਾਦਵ ਅਤੇ ਸੀਈਓ ਅਸ਼ਵਨੀ ਕੁਮਾਰ ਵੀ ਮੌਜੂਦ ਸਨ।

ਵੇਟਲਿਫਟਿੰਗ ਵਾਰੀਅਰਜ਼ ਅਕੈਡਮੀ ਦੀ ਸਥਾਪਨਾ ਮੁੱਖ ਕੌਮੀ ਕੋਚ ਸ਼੍ਰੀ ਵਿਜੇ ਸ਼ਰਮਾ ਵਲੋਂ ਕੀਤੀ ਗਈ ਹੈ, ਇਹ ਅਕੈਡਮੀ ਇੱਕ ਅਤਿ-ਆਧੁਨਿਕ ਸਹੂਲਤਾਂ ਪ੍ਰਦਾਨ ਕਰਦੀ ਹੈ ਜੋ ਭਵਿੱਖ ਦੇ ਚੈਂਪੀਅਨਾਂ ਨੂੰ ਤਿਆਰ ਕਰੇਗੀ। ਖੇਲੋ ਇੰਡੀਆ ਯੋਜਨਾ ਅਤੇ ਵੱਖ-ਵੱਖ ਖੇਡ ਸੰਸਥਾਵਾਂ ਦੇ ਭਰਪੂਰ ਸਹਿਯੋਗ ਨਾਲ ਚੱਲ ਰਹੀ ਇਹ ਅਕੈਡਮੀ, ਐਥਲੀਟਾਂ ਦੇ ਸਰਬਪੱਖੀ ਵਿਕਾਸ ਲਈ ਇੱਕ ਸੰਪੂਰਨ ਵਾਤਾਵਰਣ ਪ੍ਰਦਾਨ ਕਰਦੀ ਹੈ।

ਖੇਲੋ ਇੰਡੀਆ ਮਾਨਤਾ ਪ੍ਰਾਪਤ ਅਕੈਡਮੀ - ਖੇਲੋ ਇੰਡੀਆ ਸਕੀਮ ਦਾ ਇੱਕ ਮਹੱਤਵਪੂਰਨ ਗੇਮ ਚੇਂਜਰ:

ਕਿਸੇ ਵੀ ਸਹੂਲਤ ਨੂੰ ਖੇਲੋ ਇੰਡੀਆ ਮਾਨਤਾ ਪ੍ਰਾਪਤ ਅਕੈਡਮੀ ਵਜੋਂ ਮਾਨਤਾ ਪ੍ਰਾਪਤੀ ਲਈ, ਖੇਲੋ ਇੰਡੀਆ ਸਕੀਮ ਦੇ ਮਾਪਦੰਡਾਂ ਦੀ ਪਾਲਣਾ ਕਰਨਾ ਜ਼ਰੂਰੀ ਹੈ। ਇਸ ਵੇਟਲਿਫਟਿੰਗ ਵਾਰੀਅਰਜ਼ ਅਕੈਡਮੀ ਵਿੱਚ ਇੱਕ ਆਧੁਨਿਕ ਜਿਮ, ਸਰਬ-ਉੱਤਮ ਪੋਸ਼ਣ ਨੂੰ ਯਕੀਨੀ ਬਣਾਉਣ ਲਈ ਇੱਕ ਸਮਰਪਿਤ ਭੋਜਨ ਮੈੱਸ, ਅਤੇ ਅਤਿ-ਆਧੁਨਿਕ ਸਿਖਲਾਈ ਉਪਕਰਣ ਅਤੇ ਖੇਡ ਵਿਗਿਆਨ ਸਹੂਲਤਾਂ ਹਨ। ਇਹ ਹੁਣ ਸਿਰਫ਼ ਰਵਾਇਤੀ ਕੋਚਿੰਗ ਬਾਰੇ ਨਹੀਂ ਹੈ, ਸਗੋਂ ਇੱਥੇ ਐਥਲੀਟ ਵਿਗਿਆਨਕ ਸਿਖਲਾਈ ਵਿਧੀਆਂ, ਉੱਨਤ ਪ੍ਰਦਰਸ਼ਨ ਵਿਸ਼ਲੇਸ਼ਣ, ਨਿਸ਼ਾਨਾਬੱਧ ਸੱਟ ਰੋਕਥਾਮ ਪ੍ਰੋਗਰਾਮਾਂ ਅਤੇ ਵਿਆਪਕ ਮੁੜ ਵਸੇਬਾ ਸਹਾਇਤਾ ਤੋਂ ਲਾਭ ਪ੍ਰਾਪਤ ਕਰਦੇ ਹਨ। ਇਸਦੇ ਰਿਹਾਇਸ਼ੀ ਵਿੰਗ ਵਿੱਚ 30 ਆਰਾਮਦਾਇਕ ਕਮਰੇ ਹਨ, ਜੋ ਕਿ ਲਗਭਗ 60 ਐਥਲੀਟਾਂ ਲਈ ਅਨੁਕੂਲ ਹਨ। ਮੌਜੂਦਾ ਸਮੇਂ, ਖੇਡ ਮਹਾਨਤਾ ਨੂੰ ਮੁੱਖ ਰੱਖਦੇ ਹੋਏ, ਇਹ ਅਕੈਡਮੀ 8-14 ਸਾਲ ਦੀ ਉਮਰ ਦੇ 40 ਹੋਣਹਾਰ ਨੌਜਵਾਨ ਐਥਲੀਟਾਂ ਲਈ ਇੱਕ ਕੇਂਦਰ ਹੈ। ਜੋ ਕਿ 15 ਕੁਲੀਨ ਐਥਲੀਟਾਂ ਦੇ ਨਾਲ ਸਿਖਲਾਈ ਲੈਂਦੇ ਹਨ, ਜਿਨ੍ਹਾਂ ਵਿੱਚ ਹੋਰ ਕੋਈ ਨਹੀਂ ਬਲਕਿ ਭਾਰਤ ਦੀ ਮਸ਼ਹੂਰ ਓਲੰਪਿਕ ਤਮਗਾ ਜੇਤੂ, ਮੀਰਾਬਾਈ ਚਾਨੂ ਵੀ ਸ਼ਾਮਲ ਹੈ, ਜਿਨ੍ਹਾਂ ਦਾ ਸਮਰਪਣ ਅਤੇ ਹੁਨਰ ਪ੍ਰੇਰਨਾ ਦਾ ਨਿਰੰਤਰ ਸਰੋਤ ਹੈ।

ਉਤਸ਼ਾਹੀ ਨੌਜਵਾਨ ਖਿਡਾਰੀਆਂ, ਕੋਚਾਂ ਅਤੇ ਸਟਾਫ਼ ਨੂੰ ਸੰਬੋਧਨ ਕਰਦਿਆਂ, ਸ਼੍ਰੀਮਤੀ ਖੜਸੇ ਨੇ ਕਿਹਾ, "ਖੇਲੋ ਇੰਡੀਆ ਨੀਤੀ 2025 ਦੇ ਤਹਿਤ, ਅਸੀਂ ਇੱਕ ਅਜਿਹਾ ਈਕੋਸਿਸਟਮ ਤਿਆਰ ਕਰ ਰਹੇ ਹਾਂ, ਜੋ ਨਾ ਸਿਰਫ਼ ਪ੍ਰਤਿਭਾ ਦੀ ਖੋਜ ਕਰੇਗਾ, ਸਗੋਂ ਸੰਸਾਰ ਪੱਧਰੀ ਕੋਚਿੰਗ ਅਤੇ ਭਾਈਚਾਰਕ ਸ਼ਮੂਲੀਅਤ ਰਾਹੀਂ ਇਸਨੂੰ ਬਰਕਰਾਰ ਵੀ ਰੱਖੇਗਾ। ਮੈਨੂੰ ਅਹਿਸਾਸ ਹੋਇਆ ਹੈ ਕਿ ਜਦੋਂ ਔਰਤਾਂ ਅੱਗੇ ਵਧਦੀਆਂ ਹੈ, ਤਾਂ ਪੂਰਾ ਦੇਸ਼ ਅੱਗੇ ਵਧਦਾ ਹੈ, ਅਤੇ ਅਸੀਂ ਸੰਕਲਪ ਕਰਦੇ ਹਾਂ ਕਿ ਕੋਈ ਵੀ ਯੋਗਤਾ ਅਣਜਾਣ ਨਹੀਂ ਰਹੇਗੀ ਅਤੇ ਕੋਈ ਵੀ ਇੱਛਾ ਅਧੂਰੀ ਨਹੀਂ ਰਹੇਗੀ।"

ਸ਼੍ਰੀਮਤੀ ਖੜਸੇ ਦੇ ਦੌਰੇ ਨੇ ਜ਼ਮੀਨੀ ਪੱਧਰ ਤੋਂ ਪ੍ਰਤਿਭਾ ਦੀ ਪਛਾਣ ਕਰਨ ਅਤੇ ਉਨ੍ਹਾਂ ਦਾ ਪਾਲਣ-ਪੋਸ਼ਣ ਕਰਨ, ਉਨ੍ਹਾਂ ਨੂੰ ਵਿਸ਼ਵ ਪੱਧਰੀ ਸਹੂਲਤਾਂ ਅਤੇ ਮਾਹਰ ਮਾਰਗਦਰਸ਼ਨ ਨਾਲ ਲੈਸ ਕਰਨ ਵਿੱਚ ਇਨ੍ਹਾਂ ਅਕੈਡਮੀਆਂ ਦੀ ਮਹੱਤਵਪੂਰਨ ਭੂਮਿਕਾ ਨੂੰ ਉਜਾਗਰ ਕੀਤਾ। ਅਜਿਹੀ ਸੰਸਥਾ "ਖੇਲੋ ਇੰਡੀਆ ਨੀਤੀ 2025" ਦੇ ਮਹੱਤਵਪੂਰਨ ਟੀਚਿਆਂ ਨੂੰ ਪ੍ਰਤੱਖ ਕਰਨ ਲਈ ਬਹੁਤ ਮਹੱਤਵਪੂਰਨ ਹਨ, ਇੱਕ ਦੂਰਦਰਸ਼ੀ ਨੀਤੀ ਜਿਸਦਾ ਉਦੇਸ਼ ਇੱਕ ਵਿਆਪਕ ਅਤੇ ਟਿਕਾਊ ਖੇਡ ਵਿਕਾਸ ਢਾਂਚਾ ਬਣਾ ਕੇ ਭਾਰਤ ਨੂੰ ਇੱਕ ਮਜ਼ਬੂਤ ​​ਵਿਸ਼ਵਵਿਆਪੀ ਖੇਡ ਮਹਾਂਸ਼ਕਤੀ ਵਿੱਚ ਬਦਲਣਾ ਹੈ। 

ਅਕੈਡਮੀ ਵਿੱਚ ਮੀਰਾਬਾਈ ਚਾਨੂ ਵਰਗੀ ਇੱਕ ਪ੍ਰਸਿੱਧ ਐਥਲੀਟ ਦੀ ਮੌਜੂਦਗੀ ਨੌਜਵਾਨ ਸਿਖਿਆਰਥੀਆਂ ਲਈ ਇੱਕ ਮਜ਼ਬੂਤ ​​ਪ੍ਰੇਰਣਾ ਦਾ ਕੰਮ ਕਰਦੀ ਹੈ, ਜਿਸ ਤੋਂ ਇਹ ਸਪਸ਼ਟ ਹੁੰਦਾ ਹੈ ਕਿ ਖੇਲੋ ਇੰਡੀਆ ਦੀ ਪਹਿਲਕਦਮੀ ਵਲੋਂ ਪ੍ਰਦਾਨ ਕੀਤੀਆਂ ਗਈਆਂ ਪ੍ਰਮੁੱਖ ਸਹੂਲਤਾਂ ਨੂੰ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਸ਼੍ਰੀਮਤੀ ਖੜਸੇ ਨੇ ਉੱਤਮਤਾ ਦੇ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਨ ਵਿੱਚ ਅਕੈਡਮੀ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਭਾਰਤੀ ਖੇਡਾਂ ਲਈ ਇੱਕ ਉੱਜਵਲ ਅਤੇ ਵਧੇਰੇ ਸ਼ਾਨਦਾਰ ਭਵਿੱਖ ਨੂੰ ਯਕੀਨੀ ਬਣਾਉਣ ਲਈ ਅਜਿਹੇ ਮਹੱਤਵਪੂਰਨ ਸੰਸਥਾਵਾਂ ਵਿੱਚ ਨਿਵੇਸ਼ ਜਾਰੀ ਰੱਖਣ ਦੇ ਸਰਕਾਰ ਦੇ ਦ੍ਰਿੜ ਇਰਾਦੇ ਦੀ ਪੁਸ਼ਟੀ ਕੀਤੀ।

*************