এজুকেসন মন্ত্রালয়না জুলাই 10-11, 2025দা গুজরাতকী কেৱারিয়াদা সেন্ত্রেল য়ুনিভর্সিতীশিংগী নুমিৎ নিনিগী ওইবা ভাইস চাঞ্চেল্লরশিংগী কনফরেন্স অমা শিল্লি। থৌরম অদুদা কেন্দ্রগী এজুকেসন মন্ত্রী, শ্রী ধর্মেন্দ্র প্রধান; এজুকেসনগী রাজ্য মন্ত্রী, দোক্তর সুকান্তা মজুমদার; অমসুং এজুকেসন মন্ত্রালয়গী মকোক থোংবা ওফিসিএলশিংনা শরুক য়াগনি।

2025গী জুলাই 29দা নেস্নেল এজুকেসন পোলিসী 2020 (NEP 2020) চৎনবা হৌখিবা চহি মঙাগী শরুক অমা ওইনা পাংথোক্কদৌরিবা কনফরেন্স অসিদা সেন্ত্রেল য়ুনিভর্সিতীশিংগী লুচিংবশিং পুনশিন্নদুনা ইন্সতিত্যুস্নেল প্রোগ্রেসকী মতাংদা য়েংশিনগনি অমসুং পুন্না মাংলোমদা চংশিনগদবা খোঙথাংশিং শেমগনি। নুমিৎ নিনি অসিদা পাংথোক্কদৌরিবা খন্ন-নৈনবগী থৌরম অসিদা মরুওইবা হীরম অহুমদা চাউনা মীৎয়েং থমগনি:

1. স্ত্রেতেজিক এলাইনমেন্ত: সেন্ত্রেল য়ুনিভর্সিতীশিং অসি পোলিসী অসিগী মথংগী তাঙ্কক্কী পান্দমশিং অসিগা চুনবা মওংদা লৈহন্নবা।
2. পিয়র লর্নিং অমসুং নোলেজ একচেঞ্জ: ইন্সতিত্যুস্নেল ইন্নোভেসনশিং, এনেব্লিং এনভাইর্নমেন্তশিং অমসুং মান্নবা শিংনবশিংগী মতাংদা একাদেমিক লিদরশিংগী মরক্তা দাইলোগ ফগৎহনবা।
3. ফোর্ৱার্দ প্লান্নিং অমসুং রেদিএন্স: লাক্কদৌরিবা পোলিসী মাইলস্তোনশিং, রেগুলেতরী ত্রাঞ্জিসনশিং অমসুং 2047গী মালেমগী একাদমিক লেন্দস্কেপকীদমক ইন্সতিত্যুসনশিং শেম-শাবা।

কনফরেন্স অসিনা NEP 2020গী মরুওইবা য়ুম্বীশিং - ইক্বিতী, একাউন্তেবিলিতী, ক্বালিতী, এক্সেস অমসুং এফোর্দেবিলিতীগা মরি লৈননা নুমিৎ নিনিগী মনুংদা পাংথোক্কদবা সেসন তরাগী খুত্থাংদা হায়র এজুকেসন, ত্রেনিং/লর্নিং, রিসর্চ অমসুং গবর্নান্সকী মরুওইবা হিরমশিং কোনশিনগনি। মসিগী মনুংদা মখাগীশিং অসি য়াওই:

1. 1. চহী মরিগী অন্দর গ্রেজুএৎ প্রোগ্রাম (FYUP) দা মীৎয়েং থমদুনা NHEQF/NCrF খঙবা অমসুং ইমপ্লিমেন্তসন তৌবা
   2. ফ্যুচর ওফ ৱার্ক - ফ্যুচর ওফ জোব রোলগী মথৌ তাবশিংগী মতুং ইন্না কোর্সশিংগী এলাইনমেন্ত
   3. দিজিতেল এজুকেসন - ক্রেদিৎ ত্রান্সফরদা মীৎয়েং থমদুনা SWAYAM, SWAYAM প্লস, AAPAR
   4. য়ুনিভর্সিতী গবর্নান্স সিস্তেম - সামারথ
   5. HEIশিংদা ইক্বিতি প্রমোসন তৌবা- ইনক্লুসিব অমসুং ইক্বেতিব এনভাইর্নমেন্ত অমা য়োকখৎহনবা।

PM বিদ্যা লক্ষ্মি, ৱান নেসন ৱান সবস্ক্রিপ্সন

1. 6. ভারতীয়া ভাশা অমসুং ইন্দিয়ন নোলেজ সিস্তেমদা এজুকেসন, ভারতীয়া ভাসা পোস্তাক স্কিমদা এজুকেসন ফংহনবা
   7. ANRF, CoE, PMRF য়াওনা রিসর্চ অমসুং ইন্নোবেসন
   8. রেঙ্কিং অমসুং এক্রেদিতেসন সিস্তেম
   9. ভারত্তা মহৈ তম্বা য়াওনা ইন্তর্নেস্নেলাইজেসন
   10. ফেকল্তী দিবেলপমেন্ত - মালভিয়া মিসন ওজা ত্রেনিং প্রোগ্রাম

শরুক য়ারিবা ইন্সতিত্যুসন খরগী মনুংদা দিল্লী য়ুনিভর্সিতী, সেন্ত্রেল য়ুনিভর্সিতী ওফ হরিয়ানা, অসাম য়ুনিভর্সিতী, হেমৱতী নন্দন বহুগুনা গার্হৱাল য়ুনিভর্সিতী, রাজস্থানগী সেন্ত্রেল য়ুনিভর্সিতী, সেন্ত্রেল য়ুনিভর্সিতী ওফ কাশ্মীর, বিশ্ব-ভারতী, নেস্নেল সংস্কৃত য়ুনিভর্সিতী, ইন্দিরা গান্ধী নেস্নেল ত্রাইবেল য়ুনিভর্সিতী (IGNTU), সিক্কিম য়ুনিভর্সিতী, ত্রিপুরা য়ুনিভর্সিতী, জৱাহরলাল নেহরু য়ুনিভর্সিতী (JNU), এলাহাবাদ য়ুনিভর্সিতী অমসুং অতোপ্পা কয়া য়াওরি।

NEP 2020না 2040 ফাওবদা ভারতকী হায়র এজুকেসন লেন্দস্কেপকী অহোংবা পুরক্নবা ময়েক শেংবা ভিজন অমা থম্লি। মসিনা ইনক্বারি, কোলাবোরেসন অমসুং গ্লোবেল এঙ্গেজমেন্তবু পুক্নিং থৌগৎলিবা মতিং লৈবা, মল্তিদিসিপ্লিনরী ইন্সতিত্যুসনশিং শেমগৎলি। ভিজন অসিগা চুনবা মওংদা অমসুং স্তেকহোল্দরশিংগী মরক্তা সিনর্জী শেমগৎনবা, ভাইস চাঞ্চেল্লরশিংগী কনফরেন্স অসিনা ৱাহন্থোক লৈবা ইনসাইৎশিং পুথোক্কনি, ইন্সতিত্যুসনশিংগী মরক্তা তেংবাং পীনবা হেনগৎহনগনি অমসুং NEP 2020 ইমপ্লিমেন্ত তৌবগী মথংগী তাঙ্কক্কীদমক ময়েক শেংবা রোদমেপ অমা শেমগৎপদা মতেং পাংগনি হায়না পানরি। কনফরেন্স অসিগী মহৈ-মশিং অসিনা ভারত্তা হায়র এজুকেসনগী তুংলমচৎ শেমগৎপদা অমসুং 2047 ফাওবদা ভিক্সিৎ ভারত অমা ওইহন্নবা লৈবাক অসিগী অপুনবা মঙলান অদু মাংলোমদা পুখৎপদা মরুওইবা থৌদাং লৌগনি।

*****