अर्थ मंत्रालय
पीएम जनधन योजनेतील निष्क्रिय खाती बंद करण्याबाबत बँकांना कोणतेही निर्देश देण्यात आलेले नाहीत- वित्त सेवा विभाग
प्रविष्टि तिथि:
08 JUL 2025 5:45PM by PIB Mumbai
नवी दिल्‍ली, 8 जुलै 2025
पीएम जनधन योजनेतील निष्क्रिय खाती बंद करण्याबाबत माध्यमांमध्ये पसरलेल्या वृत्तांच्या पार्श्वभूमीवर केंद्रीय अर्थ मंत्रालयाच्या वित्त विभागाने अशा वृत्तांचे खंडन करत, स्पष्ट केले आहे, की अशा प्रकारचे कोणतेही निर्देश बँकांना देण्यात आलेले नाहीत. पीएम जनधन योजना, प्रधानमंत्री जीवन ज्योती विमा योजना, अटल पेन्शन योजना तसेच इतर कल्याणकारी योजनांचा लाभ अधिकाधिक नागरिकांपर्यंत पोहोचवण्याचा उद्देशाने 1 जुलैपासून देशभरात तीन महिन्यांची विशेष मोहीम राबवण्यात येत असून, या मोहिमेअंतर्गत, बँकांकडून संबंधित खात्यांचे पुनर्केवायसी (re-KYC) प्रक्रिया देखील राबवली जाणार आहे. वित्त सेवा विभाग नियमितपणे निष्क्रिय जनधन खात्यांची संख्या तपासत असतो आणि बँकांना अशा खातेधारकांशी संपर्क साधून ती खाती पुन्हा सक्रिय करण्याचा सल्ला देण्यात येतो. पीएम जनधन योजनेतील खात्यांची एकूण संख्या सातत्याने वाढती आहे आणि निष्क्रिय खाती मोठ्या प्रमाणावर बंद करण्यात आल्याची कोणतीही घटना विभागाच्या निदर्शनास आलेली नाही, असेही विभागाने स्पष्ट केले आहे.
* * *
N.Chitale/R.Dalekar/D.Rane
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2143179)
आगंतुक पटल : 9
इस विज्ञप्ति को इन भाषाओं में पढ़ें:
English
,
Khasi
,
Urdu
,
हिन्दी
,
Bengali-TR
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam