کوئلہ اور کان کنی کے مرکزی وزیر جناب جی کشن ریڈی نے آج حیدرآباد میں عالمی کان کنی  کانگریس کی انڈین نیشنل کمیٹی کے زیر اہتمام‘بہترین کان بندش طریقہ کار کے ذریعے پائیدار اور ذمہ دار کان کنی’ پر منعقدہ بین الاقوامی کانفرنس میں ایلومینیم ویژن دستاویز جاری کی۔

جناب ریڈی نے اس موقع پر اپنے خطاب میں کہا کہ ایلومینیم ویژن دستاویز ایک خود انحصار اور وسائل کے تحفظ پر مبنی ہندوستان  کی تعمیر کے لیے حکومت کے عزم کی عکاسی کرتی ہے۔ انہوں نے صاف توانائی کے نظام، الیکٹرک موبیلیٹی (برقی نقل و حمل) اور جدید بنیادی ڈھانچے کو فروغ دینے میں ایلومینیم کے شعبے کے اسٹریٹیجک کردار کو اجاگر کیا۔یہ دستاویز صنعت کے اسٹیک ہولڈرز سے وسیع مشاورت کے بعد تیار کی گئی ہے، جن میں نیشنل ایلومینیم کمپنی لمیٹڈ (این اے ایل سی او)، ہنڈالکو انڈسٹریز لمیٹڈ، ویدانتا لمیٹڈ، جواہر لال نہرو ایلومینیم ریسرچ ڈیولپمنٹ اینڈ ڈیزائن سینٹر(جے این اے آر ڈی ڈی سی) اور اہم ایسوسی ایشنز جیسے ایلومینیم ایسوسی ایشن آف انڈیا(اے اے آئی) ، ایلومینیم سیکنڈری مینوفیکچررز ایسوسی ایشن( اے ایس ایم اے)، اور میٹل ری سائیکلنگ ایسوسی ایشن آف انڈیا( ایم آر اے آئی) شامل ہیں۔

یہ دستاویز 2047 تک ایلومینیم کی پیداوار کو چھ گنا بڑھانے کے لیے ایک اسٹریٹیجک روڈ میپ  کوپیش کرتی ہے۔ اس کا مقصد باکسائٹ کی پیداواری صلاحیت کوسالانہ 150 ملین ٹن تک بڑھانا، قومی ایلومینیم ری سائیکلنگ کی شرح کو دوگنا کرنا، کم کاربن ٹیکنالوجیز کو فروغ دینا اور ہدفی پالیسی اصلاحات اور ادارہ جاتی طریقہ کار کے ذریعے خام مال کے تحفظ کو مستحکم بنانا ہے۔

ایلومینیم ویژن دستاویز وزیر اعظم جناب نریندر مودی کے ‘وِکست بھارت 2047’ کے وژن کے ساتھ ہم آہنگ ہے  اور یہ عالمی سطح پر مسابقتی اور ماحولیاتی طور پر ذمہ دار ایلومینیم صنعت کی بنیاد فراہم کرتی ہے-

Union Minister Shri G. Kishan Reddy today released the Aluminium Vision Document at the International Conference on Sustainable & Responsible Mining in Hyderabad. The document outlines a bold roadmap to scale aluminium output sixfold, raise bauxite capacity to 150 MTPA, boost… pic.twitter.com/mogaqWwEUt

— Ministry of Mines (@MinesMinIndia) July 4, 2025

* * * ** * * *

ش ح۔م ع ن-ج

U-NO: 2452

 

(Release ID: 2142240) Visitor Counter : 2