آدھار کارڈ حاملین نے جون 2025 میں 229.33 کروڑ تصدیقی لین دین کیے جو اس سال پچھلے مہینے کے ساتھ ساتھ پچھلے مالی سال کے اسی مہینے کے مقابلے زیادہ ہیں۔ یہ نمو آدھار کے وسیع استعمال اور افادیت، اور ملک میں ڈیجیٹل معیشت کی ترقی کو اجاگر کرتی ہے۔

اس کے ساتھ شروع سے لے کر اب تک اس طرح کے لین دین کی مجموعی تعداد 15,452 کروڑ سے تجاوز کر گئی ہے۔ جون 2025 کی توثیق کی ٹرانزیکشنز جون 2024 میں ریکارڈ کی گئی اس طرح کی ٹرانزیکشنز سے تقریباً 7.8 فیصد زیادہ ہیں۔

بڑھتے ہوئے لین دین سے پتہ چلتا ہے کہ کس طرح آدھار پر مبنی توثیق کارآمد فلاحی ڈیلیوری کے لیے ایک سہولت کار کا کردار ادا کر رہی ہے، اور خدمت فراہم کنندگان کی طرف سے پیش کی جانے والی مختلف خدمات رضاکارانہ طور پر حاصل کر رہی ہے۔ یہ لاکھوں لوگوں کے لیے زندگی گزارنے میں آسانی پیدا کرنے کا ایک وسیلہ ہے۔

یو آئی ڈی اے آئی کے ذریعہ گھر میں تیار کردہ اے آئی / ایم ایل پر مبنی آدھار چہرے کی تصدیق کے حل میں بھی مسلسل ترقی دیکھی گئی۔ جون 2025 میں، 15.87 کروڑ چہرے کی توثیق کے لین دین کی ریکارڈ تعداد ریکارڈ کی گئی، جب کہ پچھلے سال اسی مہینے میں اس طرح کے 4.61 کروڑ ٹرانزیکشنز ہوئے۔

اب تک، تقریباً 175 کروڑ چہرے کی تصدیق کے لین دین کئے جا چکے ہیں۔ یہ اس تصدیق کے طریقہ کار کے بڑھتے ہوئے اختیار کی نشاندہی کرتا ہے، اور یہ کہ آدھار نمبر رکھنے والوں کو کس طرح فائدہ پہنچ رہا ہے۔

یہ اے آئی پر مبنی چہرے کی توثیق کا طریقہ اینڈروئڈ اور آئی او ایس دونوں پلیٹ فارمز پر کام کرتا ہے۔ یہ صارفین کو صرف چہرے کے اسکین کے ساتھ اپنی شناخت کی تصدیق کرنے کے قابل بناتا ہے، سخت حفاظتی معیارات کو برقرار رکھتے ہوئے سہولت کو یقینی بناتا ہے۔

سرکاری وزارتوں اور محکموں، مالیاتی اداروں، آئل مارکیٹنگ کمپنیوں، ٹیلی کام سروس فراہم کرنے والے 100 سے زیادہ ادارے فوائد اور خدمات کی آسانی سے فراہمی کے لیے چہرے کی تصدیق کا استعمال کر رہے ہیں۔

اسی طرح، ماہ جون کے دوران 39.47 کروڑ سے زائد ای۔کے وائی سی لین دین انجام دیے گئے۔ آدھار ای۔کے وائی سی سروس صارفین کے تجربات کو بہتر بنانے، اور بینکنگ اور غیر بینکنگ مالی خدمات کے شعبوں سمیت مختلف شعبوں میں کاروبار کرنے میں آسانی  پیدا کرنے کے معاملے میں اہم کردار ادا کر رہی ہے۔

**********

(ش ح –ا ب ن)

U.No:2421