প্রধান মন্ত্রী শ্রী নরেন্দ্র মোদীনা ঙসি নই দিল্লীগী বিজ্ঞান ভবনদা আচার্য় শ্রী বিদ্যানন্দ জী মহারাজগী চহি 100 শুরকপগী থৌরমদা ৱা ঙাংখ্রে। থৌরম অদুদা তিনখিবা মীয়ামদা ৱা ঙাংলদুনা, প্রধান মন্ত্রীনা হায়খি মদুদি আচার্য় শ্রী বিদ্যানন্দ জী মুনীরাজগী চহি 100শুবা মপোক কুমওন পাংথোকপগী মরুওইবা অদু পনল্লদুনা লৈবাক অসিনা ভারতকী স্পিরিচুএল ত্রেদিসনদা য়াম্না মরু ওইবা থৌরম অমা উবা ফংলি হায়খি। মহাক্না হায়খি মদুদি ইকাই খুম্নরবা আচার্য়গী মপুং ওইবা ইথিলনা পুক্নিং থৌগৎপা থৌরম অসিনা অখন্নবা অমসুং পুক্নিং থৌগৎনিংঙাই ওইবা ফিভম অমা শেমগৎলি। প্রধান মন্ত্রীনা মীফম অদুদা শরুক য়াখিবা পুম্নমকপু থাগৎপা ফোংদোকখি অমসুং থৌরম অসিদা শরুক য়াবগী খুদোংচাবা ফংলকপদা নুংঙাইবা ফোংদোকখি।

ঙসিগী নুমিৎ অসি অতোপ্পা মরম অমগীদমক অখন্নবা মরুওইবা অমা লৈ হায়না পল্লদুনা শ্রী মোদীনা হায়খি মদুদি 1987গী জুন 28দা, আচার্য় শ্রী বিদ্যানন্দ জী মুনীরাজপু ওফিসেল ওইনা 'আচার্য়'গী মিংথোল পীখি। মহাক্না হায়খি মদুদি মসি মিংথোল অমখক নত্তে, জেনগী চৎনবীবু ৱাখল্লোন, দিসিপ্লিন অমসুং মীনুংশি চাউবগা শম্নহল্লিবা অশেংবা ঈচেল অমগী হৌরকফম্নি। প্রধান মন্ত্রীনা হায়খি মদুদি লৈবাক অসিনা আচার্য় শ্রী বিদ্যানন্দ মুনিরাজগী চহি 100শুবা মপোক কুমওন পাংথোকপগা লোয়ননা তাং অসি পুৱারী ওইরবা মীকুপ অসিবু নীংশিংহল্লিবা নুমিৎ ওইরি। আচার্য় শ্রী বিদ্যানন্দজী মুনিরাজদা ইকাই খুম্নবা উৎলদুনা শ্রী মোদীনা হায়খি মদুদি আচার্য়জীনা মীপুম খুদিংমক্তা য়াইফ-মঙ্গোল পীরকপা ওইরসনু।

প্রধান মন্ত্রীনা হায়খি, "শ্রী বিদ্যানন্দ জী মুনিরাজগী চহি 100শুবা মপোক কুমওন অসি মহৌশানা পাংথোকপা থৌরম অমা নত্তে, মসিনা মতম অমগী নীংশিংবা অমসুং অচৌবা মীওই অমগী পুন্সিগী মমি তাক্লি।" মহাক্না হায়খি, পুৱারী ওইরবা থৌরম অসিবু নীংশিংনবগীদমক অখন্নবা কম্মেমোরেতিব কোইন অমসুং পোস্তেজ স্তাম্পশিং ফোংখ্রে। শ্রী মোদীনা আচার্য় শ্রী প্রজ্ঞা সাগরজীবু অখন্ননা থাগৎপা ফোংদোকখি। মহাক্না হায়খি মদুদি মহাক্কী লমজিং মখাদা, তুং ইল্লিবা লাখ কয়ানা ইকাই খুম্নরবা গুরু অসিনা তাকপীবা লম্বীদা চংশিল্লি। শ্রী মোদীনা হায়খি মদুদি থৌরম অসিদা মহাকপু 'ধর্ম চক্রবর্তী'গী মিংথোল পীখ্রে। মহাক্না ইকায়খুম্নবগা লোয়ননা হায়খি মদুদি ভারতকী চৎনবীনা মীওই অমনা লৌশিং লৈবা মীওইশিংদগী ফংলকপা খুদিংমকপু মঙাল ওইনা লৌনবা তম্বীরি। মরম অদুনা মহাক্না মিংথোল অসি নোলুকপা মওংদা লৌখি অমসুং ভারত ইমাগী খুয়া খাদা কত্থোকচরি।

মহাক্কী ৱাহৈশিং অসি পুন্সি চুপ্পদা লমজিং-লমতাকপীবা ৱাখল্লোন অমা ওইদুনা লাকখিবা অথোইবা থৱায়গা লৈনরিবা মরী অদুগী মতাংদা প্রধান মন্ত্রীনা হায়খি মদুদি অসিগুম্বা শক্নাইরবা মীশক অমগী মরমদা ঙাংবদা মহৌশানা অঙকপা ইথিল পোকহল্লি। মহাক্না হায়খি মদুদি শ্রী বিদ্যানন্দ জী মুনিরাজগী মরমদা ঙাংবগী মহুত্তা, মহাক্না ঙাংবা অদু অমুক হন্না তাবগী খুদোংচাবা ফংজনীংই। শ্রী মোদীনা হায়খি মদুদি অসিগুম্বা অচৌবা মীওই অমগী খোঙচৎ অসি ৱাহৈনা ফোংদোকপা অসি অরায়বা থবক নত্তে। মহাক্না হায়খি মদুদি আচার্য় বিদ্যানন্দজী মুনিরাজ অসি এপ্রিল 22, 1925দা কর্নাতকাগী অশেংবা লমদমদা পোকখি অমসুং মহাকপু স্পিরিচুএল মমিং ‘বিদ্যানন্দ’ কৌখি। মহাক্না হায়খি মদুদি আচার্য়জীগী পুন্সি অসি লৌশিং অমসুং থৌজালগী অখন্নবা অপুনবা অমনি। মহাক্কী ৱারোলশিং অসি অঙকপা লৌশিং য়াওরি, অদুবু মহাক্কী ৱাহৈশিং অসি মীপুম খুদিংমক্না খঙবা ঙম্নবগীদমক্তা য়াম্না লায়হল্লি। আচার্য় শ্রী বিদ্যানন্দজীনা লাইরিক 150 হেন্না ইখি, কিলোমীতর লিশিং কয়া খোঙনা করিগুম্বা অমত্তা তোংদনা চৎখি, অমসুং নহা লাখ কয়াবু মহাক্কী লেপ্পা লৈতনা হোৎনবশিংগী খুত্থাংদা দিসিপ্লিন অমসুং কলচরেল ভেল্যুশিংগা শম্নহনখি হায়না পল্লদুনা প্রধান মন্ত্রীনা আচার্য় শ্রী বিদ্যানন্দজী মুনিরাজবু "মতম অসিগী ভিজনরী" অমা ওইনা শকখঙখি। মহাক্না হায়খি মদুদি মহাক মশামক্না আচার্য়গী স্পিরিচুএল ওরাগী এক্সপরিয়েন্স তৌবগী খুদোংচাবা ফংবদা অমসুং মতমগী মতুং ইন্না মহাক্কী লমজিং-লমতাক অমসুং য়াইফ-মঙ্গোল ফংবদা নুংঙাইবা ফাওই। মহাক্না হায়খি মদুদি চহি চা মপুং ফারকপগী থৌরম অসিদা, মহাক হৌজিক ফাওবা ইকাই খুম্নরবা আচার্য়দগী মীনুংশি অমসুং অনকপা মরী অদু ফাওরি।

শ্রী মোদীনা হায়খি, "ভারত অসি মালেমগী খ্বাইদগী অরিবা হিংলিবা সভ্যাতা অমনি, ঐখোয়গী লৈবাক অসি চহি লিশিং কয়া লেংদনা লৈরি মরমদি মাগী ৱাখল্লোনশিং, ফিলোসোফিকেল ৱাখল্লোন অমসুং মালেমগী ওইবা মীৎয়েং অসি মতম চুপ্পগীনি।" মহাক্না হায়খি মদুদি মতম চুপ্পগী ওইনা চৎনরিবা ভিজন অসি অখঙ-অহৈশিং, সন্তশিং, অমসুং আচার্য়শিংগী লৌশিংগী মখা পোল্লি। মহাক্না হায়খি মদুদি আচার্য় শ্রী বিদ্যানন্দজী মুনিরাজ অসি মমল নাইদ্রবা চৎনবী অসিগী মোদর্ন বিকন অমা ওইরি। প্রধান মন্ত্রীনা হায়খি মদুদি আচার্য় অসি হীরম কয়াদা এক্সপর্তিস য়াম্না লৈ অমসুং মহাক্না হীরম কয়াদা এক্সিলেন্স ফংখি হায়না উৎখি। মহাক্না আচার্য়জীগী স্পিরিচুএল ইনতেন্সিতী, পাক চাউবা লৌশিং, অমসুং কন্নরা, মরাথি, সংস্কৃত, অমসুং প্রাকৃৎগুম্বা লোলশিং হৈবা অদুগীদমক থাগৎপা ফোংদোকখি। আচার্য়না সাহিত্য অমসুং ধর্মদা লৌখিবা থৌদাংশিং, ক্লাসিকেল ম্যুজিক্কীদমক্তা মহাক্না কত্থোকখিবা, অমসুং লৈবাক্কী সেবাদা মহাক্কী অচেৎপা ফিরেপ অদু পল্লদুনা প্রধান মন্ত্রীনা হায়খি মদুদি আচার্য়না শীংথানীংঙাই ওইবা থবকশিং তৌরমদবা পুন্সিগী লম অমত্তা লৈরমদে। মহাক্না হায়খি মদুদি আচার্য় বিদ্যানন্দজী অসি শক্নাইরবা ম্যুজিসিয়ন অমা ওইবতা নত্তনা মহাক লৈবাক নীংবা অমসুং নীংতম লান্মী অমসু ওইখি, অমসুং মহাক অসি মপুং ফানা দিতেচমেন্ত তৌরবা খোঙফম চেৎপা দিগমবর মুনি অমসুনি। মহাক্না মহাকপু লৌশিংগী পুকৈ অমসুং ঈশ্বরগী থৌজাল  ফংবগী হৌরকফম অমা ওইনা শন্দোক্না তাকখি। শ্রী মোদীনা হায়খি মদুদি সুরেন্দ্র উপাধ্যায়দগী আচার্য় শ্রী বিদ্যানন্দ জী মুনিরাজ ফাওবা চৎখিবা খোঙচৎ অসি মীচম অমদগী মান্নবদগী অৱাংবা থাক্কী থৱায় অমদা ওন্থোকপগী খোঙচৎনি। মহাক্না মসিবু ইথিল অমনি হায়খি মদুদি তুংলমচৎ অসি হৌজিক্কী পুন্সিগী পনখৈশিংনা লেপ্পা ঙমদে, অদুবু মসি মী অমগী মাইকৈ, পান্দম অমসুং ৱারেপ্না শেম্মী।

আচার্য় শ্রী বিদ্যানন্দ জী মুনিরাজনা মহাক্কী পুন্সি অসি স্পিরিচুয়েল প্রেক্তিসতা য়ুম্ফম ওইদুনা লৈখিদে অদুবু মহাক্না মহাক্কী পুন্সি অসি সোসিএল অমসুং কলচরেল রিকনস্ত্রক্সনগী মেদিয়ম অমদা ওন্থোকখি হায়না পল্লদুনা প্রধান মন্ত্রীনা হায়খি মদুদি প্রাকৃত ভবন অমসুং রিসর্চ ইন্সতিত্যুসন কয়া অমা লিংখৎতুনা, আচার্য় অসিনা অনৌবা মীরোলশিংদা লৌশিংগী মৈরা ওইখি। মহাক্না হায়খি মদুদি আচার্য়না জেনগী পুৱারীবু মতিক চাবা শকখঙবা অদু ফংহনখি। 'জেন দর্শন' অমসুং 'অনেকান্তবদ' অসিনচিংবা মরুওইবা লাইরিকশিং ইদুনা মহাক্না ফিলোসোফিকেল থোৎপু হেন্না চেৎশিলহনখি অমসুং ইনক্লুসিবিতী অমসুং খঙ-হৈবগী পাকথোক চাউথোকহনখি। প্রধান মন্ত্রীনা হায়খি মদুদি লাইশঙশিং অমুক হন্না শেমগৎপা, লায়রবা অঙাংশিংগী মহৈ-মশিং তম্বা অমসুং মীয়ামগী য়াইফনবা হোৎনবদা, আচার্য়না হোৎনরিবা পুম্নমক্না মশাগী ৱাখল্লোন অমসুং মীয়ামগী য়াইফনবগী ৱাখল্লোন পুনশিনবা উৎলি।

আচার্য় বিদ্যানন্দ জী মহারাজনা পুন্সি অসি ওইজবা থাদোক্তুনা শেবা তৌনবা পাম্বৈ অমা ওইরকপা মতমদা খক্তদা অশেংবা স্পিরিচুএল ওইরকই হায়না হায়রম্মি হায়না নিংশিংলদুনা শ্রী মোদীনা হায়খি মদুদি ৱাখল্লোন অসি জেন ফিলোসোফীগী মচাক ওই অমসুং ভারতকী স্পিরিৎকা হকথেংননা মরী লৈনৈ। প্রধান মন্ত্রীনা হায়খি, "ভারত অসি সেবা তৌদুনা মশক তাকপা অমসুং মীওইবা খুন্নাইনা লমজিংবা লৈবাক অমনি।" মালেমনা চহি চা কয়াগী মমাংদগী হিংসাবু হিংসাগী মতেংনা মুত্থৎনবা হোৎনরকপদা, ভারতনা মালেমদা অহিংসাগী শক্তি অদু খঙহনখি। মহাক্না হায়খি মদুদি ভারতকী ইথোসনা মতম পুম্নমক্তা মীওইবা খুন্নাইগী সেবা তৌবগী ৱাখল্লোনবু খ্বাইদগী মরুওইনা লৌরি।

শ্রী মোদীনা হায়খি মদুদি ভারতকী সেবা তৌবগী ৱাখল্লোন অসি ওইজবা থিবা য়াওদবা, ইশাগী ওইজবদগী থাদোকপদগী ইথিল পীবা অদুনি। মহাক্না পি.এম. আৱাস য়োজনা, জল জীবন মিসন, আয়ুশ্মান ভারত য়োজনা, অমসুং লায়রবশিংগীদমক লেম্না চানবা চিঞ্জাক য়েন্থোকপা অসিগুম্বা থৌরাংশিং অসি খুন্নাইগী লাস্ত মাইলগী মীওইশিংবু চাউখৎহন্নবা পান্দম থম্লিবা ৱাখল্লোন অসিগী মমি তারি হায়না পনখি। মহাক্না হায়খি মদুদি সরকার অসিনা স্কিম পুম্নমক্তা সেচুরেসন ফংহন্নবা, কনাগুম্বা অমত্তা মাংহন্দনবা অমসুং চাউখৎপা অসি তশেংনা ইনক্লুসিব ওইহন্নবা হোৎনরি। প্রধান মন্ত্রীনা হায়খি মদুদি মসিগী ৱারেপ অসি আচার্য় শ্রী বিদ্যানন্দ জী মুনিরাজগী ৱাখল্লোনশিংদগী ইথিল ফংলি অমসুং মসি লৈবাক পুম্বনা শরুক য়ামিন্নবগী অচেৎপা থৌদাং অমনি।

“তির্থানকরশিং, লম্বোইবশিং অমসুং আচার্য়শিংগী পাউতাক অমসুং ৱাহৈশিং অসি মতম চুপ্পদা চৎনরি অমসুং মতম খুদিংদা চুনৈ। ঙসি, জেনিজমগী ৱাখল্লোনশিং হায়বদি মহাভ্রাতা মঙা, অনুভ্রাতা, ত্রিরাতনা অমসুং তঙাইফদবা তরেৎ অসি মমাংদা লৈরম্বা অদুদগী হেন্না মরু ওইরে” হায়না প্রধান মন্ত্রীনা ফোংদোকখি। মতমগী মথৌ তাবশিংগী মতুং ইন্না মতম চুপ্পগী ওইবা পাউতাকশিং অসিসু মীচম প্রজাশিংনা খঙবা ঙমহনগদবনি হায়না মহাক্না ফোংদোকখি। শ্রী মোদীনা হায়খি মদুদি আচার্য় শ্রী বিদ্যানন্দ জী মুনিরাজনা মহাক্কী পুন্সি অমসুং থবক অসি মসিগীদমক কত্থোকখি। শ্রী মোদীনা হায়খি, "অচার্য়জীনা জেনগী লাইরিকশিংবু মীয়ামগী লোলদা হন্দোক্নবগীদমক 'ভচানমৃত' খোংজং হৌদোকখি। মহাক্না মীচম প্রজাগীদমক অচম্বা অমসুং য়ৌগদবা মওংদা অরুবা থাজবগী ৱাখল্লোনশিং শন্দোক্না তাক্নবগীদমক ভক্তিগী ওইবা ঈশৈসু শীজিন্নখি।" আচার্য়গী ভজন অমা পল্লদুনা প্রধান মন্ত্রীনা হায়খি মদুদি অসিগুম্বা কম্পোজিসনশিং অসি লৌশিংগী মোতিশিংদগী শেম্বা স্পিরিচুএলগী লৈ পরেংশিংনি। মহাক্না মখা তারদুনা হায়খি মদুদি অমর ওইবদা লেপ্পা লৈতনা থাজবা অমসুং লোইনাইদবগী মায়কৈদা য়েংবগী থৌনা অসিনা ভারতকী স্পিরিচুএলিতী অমসুং কলচরবু তশেংনা অখন্নবা ওইহল্লি।

আচার্য় শ্রী বিদ্যানন্দ জী মুনীরাজগী চহি 100শুবা চহি অসি লেপ্তনা ইথিল পীবগী চহি অমনি হায়না পল্লদুনা, শ্রী মোদীনা আচার্য় অসিগী স্পিরিচুএল তম্বীশিং অসি মশাগী পুন্সিদা য়াওহনবতা নত্তনা খুন্নাই অমসুং লৈবাক অসিগী য়াইফনবগীদমক্তা মহাক্কী থবকশিং মাংলোমদা চংশিনবগী থৌদাং অদুসু পনখি। মহাক্না আচার্য় বিদ্যানন্দজীগী সাহিত্যগী থবকশিং অমসুং দিভোস্নেল কম্পোজিসনশিংগী খুত্থাংদা অরিবা মতমগী প্রাকৃত লোলবু অমুক হন্না হিংগৎহনবদা লৌখিবা মরুওইবা থৌদাং অদু পনখি। প্রধান মন্ত্রীনা হায়খি মদুদি প্রাকৃত অসি ভারতকী খ্বাইদগী লিরবা লোলশিংগী মরক্তগী অমনি অমসুং মসি ভগবান মহাবীরগী তম্বীরোলগী অশেংবা মেদিয়মনি, মসিদা জেন আগামশিং শেমখি। মহাক্না হায়খি মদুদি কলচরেলগী ওইবা মীৎয়েং থাদবনা মরম ওইদুনা লোল অসি মীয়াম্না শীজিন্নবদগী মাঙশিল্লক্লি। শ্রী মোদীনা মখা তারদুনা হায়খি মদুদি আচার্য় বিদ্যানন্দজীগুম্বা সন্তশিংগী হোৎনবা অসি হৌজিক্তি লৈবাক পুম্বগী হোৎনবা অমা ওইরে। মহাক্না নিংশিংখি মদুদি ওক্তোবর, 2024দা সরকারনা প্রাকৃতপু ক্লাসিকেল লোলগী থাক পীখি। মহাক্না ভারতকী অরিবা লাইরিক ময়েকশিং ঙাক্তুনা থম্নবগীদমক হৌদোকখিবা দিজিতেলাইজেসন দ্রাইবকী মতাংদা পনখি। মসিদা জেন লাইরিক ময়াম অমদি আচার্য়শিংগা মরী লৈনবা লাইরিকশিং য়াওরি। সরকারনা হায়র এজুকেসনদা মমা লোলশিং শীজিন্নবা হেনগৎহল্লি হায়না প্রধান মন্ত্রীনা মখা তানা পনখি। লাল কিলাদগী মহাক্কী ৱারোল অদু পল্লদুনা মহাক্না লৈবাক অসিবু কোলোনিএলাইজমগী ৱাখল্লোনদগী লাপথোক্নবা অমসুং দিবেলপমেন্ত অমসুং হেরিতেজ অনিমক অমত্তা ওইনা পুন্না চৎমিন্ননবা মহাক্কী ৱারেপ অদু অমুক হন্না ফোংদোকখি। শ্রী মোদীনা হায়খি মদুদি মসিগী অচেৎপা ৱাফম অসিনা ভারতকী চৎনবী অমসুং লাইখুরুমফমশিংগী লেপ্তনা চাউখৎলকপদা লমজিং-লমতাক পীরি। মহাক্না নিংশিংখি মদুদি 2024দা, সরকারনা ভগবান মহাবীরগী 2,550শুবা নির্ভান মহোৎসবকীদমক অচৌবা থৌরমশিং পাংথোকখি। মসিদা আচার্য় মুনীরাজনা ইথিল পীখি অমসুং আচার্য শ্রী প্রগতি সাগরজীগুম্বা সন্তশিংনা য়াইফ-মঙ্গোল পীখি। লাক্কদৌরিবা মতম অসিদা, লৈবাক অসিনা মাগী নাৎকী ওইবা হেরিতেজ অসিবু মপাঙ্গল কনখৎহন্নবা অসিগুম্বা পাক-চাউবা থবক কয়া পায়খৎকদবনি হায়না পল্লদুনা, প্রধান মন্ত্রীনা হায়খি মদুদি, হৌজিক লৈরিবা প্রোগ্রাম অসিগুম্না, অসিগুম্বা থবক থৌরম পুম্নমক জন ভাগিদারীগী ৱাখল্লোনগা লোয়ননা সবকা সাথ, সবকা বিকাস, সবকা প্রয়াসকী মন্ত্রনা লমজিংগনি।

শ্রী মোদীনা হায়খি মদুদি থৌরম অদুদা মহাক্না শরুক য়াখিবনা মহৌশানা নৌকর মন্ত্র দিবসকী নিংশিংহনখি, মদুদা ৱারেপ 9 লৌখি। নাগরিক মশিং য়াম্লবা মীওই কয়া অমনা অচেৎপা থাজবশিং অসি মপুং ফাহন্নবগীদমক থবক পায়খৎলিবা অসিদা মহাক্না নুংঙাইবা ফোংদোকখি। মহাক্না হায়খি মদুদি আচার্য় শ্রী বিদ্যানন্দ জী মুনিরাজকী পাউতাকশিংনা অচেৎপা থাজবশিং অসি মপাঙ্গল কনখৎহল্লি। ৱারেপ মাপল অদু নৌহৌনা পল্লদুনা প্রধান মন্ত্রীনা হায়খি মদুদি অহানবা ৱারেপ অসি ঈশিং কনবা হায়বসিনি। মহাক্না মীপুম খুদিংমকপু দ্রোপ খুদিংমক্কী মমল খঙনবা হায়খি। মহাক্না মসিবু ইমা পৃথীবিগীদমক থৌদাং অমনি হায়খি। অনিশুবা ৱারেপদি 'এক পের মা কে নাম' হায়বসিনি। মমা অমগী মিংদা পাম্বী অমা থাবা অমসুং ইমানা ঐখোয়বু নাওকোনবীবা অদুগুম্না ঐখোয়না পাম্বী খুদিংমকপু ইমাগী থৌজা ওইহনগদবনি। অহুমশুবা রিজোলুসন অসিনা লুনানবা হায়বসি উৎনবগীদমক্তা নত্তে, মসিনা মনুংগী অহিংসাগী মওং উৎলিবনি। মহাক্না মখা তাখি মদুদি লম্বী খুদিংমক, য়ুমথোং খুদিংমক অমসুং সহর অসি পুন্না শরুক য়াদুনা শেংদোকপা মথৌ তাই। "ভোকেল ফোর লোকেল"কী মরিশুবা ৱারেপ ওইনা, শ্রী মোদীনা লৈবাক অসিগী অইং-অশা অমসুং লৈহাওনা মরাং কায়রবা ভারত মচাশিংনা পুথোকপা পোত্থোকশিং খনগৎনবা অমসুং প্রমোৎ তৌনবা নাগরিকশিংদা তকশিনখি। মঙাশুবা ৱারেপদি ভারতপু থিজিন-হুমজিনবা অমসুং খঙদোকপনি, মালেম অসি উবদা নুংঙাইবা ওইরবসু, ভারতপু কুপ্না খঙবা, এক্সপরিয়েন্স তৌবা অমসুং থৌগৎপা তাই। প্রধান মন্ত্রীনা মহৌশাগী ওইবা লৌউ-শিংউগী পাম্বৈ শিজিন্ননবা তরুকশুবা ৱারেপ অদু শন্দোক্না তাকখি। মহাক্না হায়খি মদুদি মালেম অসি শোকহনবা কেমিকেলশিংদগী লাপথোকপা অমসুং খুঙ্গং খুদিংমক্তা ওর্গানিক ফার্মিং প্রমোৎ তৌবা মথৌ তাই। হকচাং ফবা পুন্সি মহিং অমা হিংবা অসি তরেৎশুবা ৱারেপ ওইদুনা, প্রধান মন্ত্রীনা ৱাখল তানা মচি ওইবা চিঞ্জাক চাবা, ভারতকী চৎনবীগী ওইবা চিঞ্জাকশিংদা মিল্লেৎ য়াওহনবা অমসুং ওবেসিতী থেংননবা অমসুং ভাইতেলিতী হেনগৎহন্নবা অচাথাওগী চাং য়ামদ্রবদা চাদা 10 হন্থহন্নবা খঙহনখি। নিপাল শুবা ৱারেপ অসি য়োগ অমসুং শান্ন-খোৎনববু নুমিৎ খুদিংগী পুন্সিগী শরুক অমা ওইহনবনি। শোত্থরবশিংগী মতেং পাংবা অমসুং মখোয়বু লায়বদগী থোরকপা ঙমহনবা অসি শেবগী অশেংবা শক্তমনি হায়রদুনা শ্রী মোদীনা অৱাবা তারবশিংদা মতেং পাংনবা মাপল শুবা ৱারেপ অদু ফোংদোকখি। প্রধান মন্ত্রীনা থাজবা ফোংদোকখি মদুদি নাগরিকশিংনা ৱারেপ মাপন অসিদা থবক তৌদুনা, আচার্য় শ্রী বিদ্যানন্দ জী মুনিরাজকী পাউতাকশিং অদু মপাঙ্গল কনখৎহল্লগনি।

“অমৃত কলগীদমক ভারতকী মীৎয়েং অসি লৈবাক অসিগী ৱাখল্লোনদা য়াম্না চেৎনা য়ুম্ফম ওই অমসুং মাগী সন্তশিংগী লৌশিং-জ্ঞাননা মপাঙ্গল কনখৎহল্লি।" হায়না শ্রী মোদীনা হায়খি। অমৃতগী ৱারেপশিং অসি মপুং ফাহন্নবা অমসুং চাউখৎলবা ভারত অমা শেমগৎনবা লৈবাক অসিগী নাগরিক করোর 140না থবক পায়খৎলি হায়না মহাক্না ফোংদোকখি। মহাক্না হায়খি মদুদি চাউখৎলবা ভারত অমগী মঙলান অসি ভারত মচা খুদিংমক্কী অপাম্বশিং মপুং ফাহন্নবনি। প্রধান মন্ত্রীনা হায়খি মদুদি ভিজন অসিনা আচার্য় শ্রী বিদ্যানন্দ জী মুনিরাজদগী ইথিল লৌরি। মহাক্না তাকপীবা লম্বীদা চৎপা, মহাক্কী তম্বীরমশিং ইন্তর্নেলাইজ তৌবা অমসুং জাতি শেমগৎপা অসি পুন্সিগী খ্বাইদগী মরুওইবা থৌদাং ওইহনবা অসি অপুনবা থৌদাং অমনি। শ্রী মোদীনা থৌরম অসি অদুক্কী মতিক শেংবনা মসিগী অচেৎপা ৱাফমশিং অসি হেন্না মপাঙ্গল কনখৎহল্লগনি হায়না থাজবা থম্লদুনা লোইশিনখি অমসুং মহাক্না আচার্য় শ্রী বিদ্যানন্দ জী মুনীরাজদা ইকায় খুম্নবা উৎখি।

থৌরম অদুদা কেন্দ্রগী কলচর অমসুং তুরিজম মন্ত্রী, শ্রী গজেন্দ্র সিংহ শেকৱাৎ অমসুং ইকাই খুম্নরবা সন্তশিং য়াওনা অতৈ মকোক থোংবশিংসু শরুক য়াখি।

বেকগ্রাউন্দ

থৌরম অসিনা শক্নাইরবা জেনগী স্পিরিচুএল লিদর অমসুং সোসিএল রিফোর্মর, আচার্য় বিদ্যানন্দ জী মহারাজকী 100শুবা মপোক কুমওনগী ইকায় খুম্নবা উৎনবা ভগৱান মহাভির অহিমসা ভারতী ত্রস্তকা খুৎশম্নদুনা ভারত সরকারনা চহি অমা চুপ্না পাংথোক্কদবা নেস্নেল ত্রিব্যুতকী হৌনবী মতুং ইন্না হৌদোকখ্রে। চহি অমা চুপ্না পাংথোক্কদৌরিবা থৌরম অসিদা মহাক্কী পুন্সি অমসুং লেগেসী নীংশিংনবা অমসুং মহাক্কী পাউজেল শন্দোক্নবা লৈবাক শিনবা থুংনা কলচরেল, লিতরেসী, এজুকেস্নেল অমসুং স্পিরিচুএল ইনিসিএতিবশিং পাংথোকপা য়াওগনি।

আচার্য় বিদ্যানন্দ জী মহারাজনা জেন ফিলোসোফী অমসুং ইথিক্সতা ৱার্ক 50 হেন্না ইখি। মহাক্না ভারত শিনবা থুংনা অরিবা জেন লাইশঙশিং অমুক হন্না শেমগৎপদা অমসুং নৌহৌননা শেমগৎপদা মরুওইবা থৌদাং লৌখি অমসুং মরুওইনা প্রাকৃত, জেন ফিলোসোফী অমসুং ক্লাসিকেল লোলশিংদা এজুকেসন ফংহন্নবগীদমক থবক তৌখি।

***