ویکسینیشن صحت عامہ کی سب سے طاقتور اور کم لاگت والے اقدامات میں سے ایک ہے ۔ ٹیکہ کاری کے لئے ہندوستان کا  پختہ عزم اس کے یونیورسل امیونائزیشن پروگرام (یو آئی پی) کے ذریعہ ظاہر ہوتا ہے جو سالانہ 2.9 کروڑ حاملہ خواتین اور 2.6 کروڑ بچوں (0-1 سال) کو مفت ٹیکہ کاری کی خدمات فراہم کرتا ہے ۔ ہماری صحت کی دیکھ بھال کرنے والی کارکنان آشا اور اے این ایم ملک بھر میں 1.3 کروڑ سے زیادہ ٹیکہ کاری اجلاس منعقد کرتی ہیں ۔ ملک بھر میں ٹیکہ کاری مہم اور مہم کے تسلسل ، مسلسل کوششوں اور تیز تر نفاذ کے نتیجے میں ، کل آبادی میں صفر ڈوز  والے بچوں کا فیصد 2023 میں 0.11 فیصد سے کم ہو کر 2024 میں 0.06 فیصد رہ گیا ہے ۔ یہ نقطہ نظر ترقی پسند ہے ، اور ملک میں صفرڈوز والے بچوں کے بوجھ کو مزید کم کرنے کے لیے رواں سال میں مسلسل کوششیں کی جا رہی ہیں ۔

ان کامیابیوں نے ہندوستان کو بچوں کی صحت میں ایک عالمی مثال کے طور پر پیش کیا ہے ، جیسا کہ اقوام متحدہ کے بین  ایجنسی گروپ برائے بچوں کی اموات سے متعلق تخمینے  (یو این آئی جی ایم ای) نے اپنی 2024 کی رپورٹ میں تسلیم کیا ہے ۔ ہندوستان کو اس کی پرعزم کوششوں کے لیے 6 مارچ 2024 کو واشنگٹن ڈی سی ، یو ایس اے میں امریکن ریڈ کراس ہیڈ کوارٹر میں دی میزل اینڈ روبیلا پارٹنرشپ (امریکن ریڈ کراس ، بی ایم جی ایف ، جی اے وی آئی ، یو ایس سی ڈی سی ، یو این ایف ، یونیسیف ، اور ڈبلیو ایچ او) کی طرف سے خسرہ اور روبیلا سے متعلق سرکرہ  چمپئن ایوارڈ سے نوازا گیا ہے ۔

اسہال ، نمونیا ، مینینجائٹس اور انسیفلائٹس کی وجہ سے بچوں میں اموات اور بیماری کو کم کرنے میں جان بچانے والی ویکسینوں کی بڑھتی ہوئی تعداد کا اثر بھی واضح طور پر قابل مشاہدہ ہے ۔

تازہ ترین ایس آر ایس (22-2020) کے مطابق بھارت میں زچگی کی شرح اموات (ایم ایم آر) 16-2014 میں 130 فی لاکھ زندہ پیدائشوں سے کم ہو کر 22-2020 میں 88 فی لاکھ زندہ پیدائشوں پر آ گئی ہے ۔ اقوام متحدہ کے زچگی سے متعلق اموات کے تخمینے کے بین ایجنسی گروپ (یو این-ایم ایم ای آئی جی 2023-2000) کی رپورٹ کے مطابق ، ہندوستان کی ایم ایم آر 80 فی لاکھ زندہ پیدائشوں پرمبنی  ہے ، جو 1990 کے بعد سے عالمی سطح پر 48 فیصد کی کمی کے مقابلے میں 86 فیصد کمی کی عکاسی کرتی ہے ۔

بچوں کی اموات کے تخمینے کے لئے اقوام متحدہ کے بین ایجنسی گروپ (یو این آئی جی ایم ای 2024 کی رپورٹ) کے مطابق ہندوستان نے 2023-1990 کے دوران عالمی سطح پر 54 فیصد کے مقابلے میں عالمی سطح پر 61 فیصد اور نوزائیدہ اموات کی شرح (این ایم آر) میں 70 فیصد کی کمی کو پیچھے چھوڑتے ہوئے پانچ سال سے کم عمر کی شرح اموات (یو 5 ایم آر) میں 78 فی صد کمی حاصل کی ۔

ٹیکہ کاری کوریج بڑھانے پر توجہ مرکوز کرنے کے علاوہ ، ہندوستان کا یونیورسل امیونائزیشن پروگرام (یو آئی پی) عالمی ادارہ صحت (ڈبلیو ایچ او) کی طرف سے تجویز کردہ ویکسینوں کی ایک جامع رینج کا حامل ہے ۔ 2013 تک اس پروگرام میں صرف 6 ویکسین دستیاب تھیں ۔ 2014 سے ، پروگرام میں چھ نئی ویکسین (یعنی غیر فعال پولیو وائرس ویکسین ، روٹا وائرس ویکسین (آر وی وی) نیوموکوکل کنجوگیٹ ویکسین (پی سی وی) خسرہ-روبیلا ویکسین ، ایڈلٹ جاپانی انسیفلائٹس ویکسین اور ٹیٹنس-ڈپتھیریا ویکسین) متعارف کرائی گئی ہیں ۔ فی الحال ، ہندوستان کے یو آئی پی میں بیماریوں کی روک تھام کے لیے 12 ویکسین کا احاطہ کیا گیا ہے اور اس میں نمایاں توسیع دیکھی گئی ہے ۔

ویکسین کی کوریج کو بہتر بنانے پر مسلسل توجہ دینے کے ساتھ ، ہندوستان نے کم خدمات حاصل کرنے والی آبادی تک پہنچنے کے لیے ایک فعال اور جامع نقطہ نظر اختیار کیا ہے ۔ حکومت ہند  نے تمام ریاستوں/مرکز کے زیر انتظام علاقوں کے ساتھ مشاورت سے ، صفر ڈوز والے بچوں ، خاص طور پر شہری کچی آبادیوں ، نیم شہری علاقوں ، نقل مکانی کرنے والی آبادی ، مشکل سے پہنچنے والے علاقوں اور ویکسین کی ہچکچاہٹ سے متاثرہ برادریوں میں چیلنجوں سے نمٹنے کے لیے ہدف مہمات کا آغاز کیا ہے ۔ یہ کوششیں خسرہ اور روبیلا کو ختم کرنے کے قومی مقصد کے ساتھ بھی منسلک ہیں ۔

اپنی رسائی کو بڑھانے کے لیے ، ہم ٹیکنالوجی اور کمیونٹی کی شمولیت سے فائدہ اٹھا رہے ہیں ۔ یو-وِن پلیٹ فارم ڈیجیٹل طور پر حفاظتی ٹیکوں کی صورتحال کو ٹریک کرتا ہے ، اس بات کو یقینی بناتا ہے کہ کوئی بچہ چھوٹ نہ جائے ۔  کنبوں کو معلومات فراہم کرنے کے ل لیے ماس میڈیا ، کمیونٹی ریڈیو ، سوشل میڈیا ، اور یہاں تک کہ اسٹریٹ ڈراموں کا استعمال کرتے ہوئے عوامی بیداری کی مہمات کو تیز کیا جا رہا ہے ۔ صحت کی دیکھ بھال کرنے والے کارکنان ، آشا کارکنان اور اے این ایم گھر گھر جا کر نہ صرف ٹیکہ کاری کریں گے بلکہ مستفیدین کو ٹیکہ کاری کے فوائد کے بارے میں بیدار کریں  گے ۔

کچھ اہم اقدامات میں شامل ہیں :

1. زیرو ڈوز نفاذ منصوبہ 2024: 11 ریاستوں کے 143 اضلاع میں شروع کیا گیا ہے جہاں ایسے بچوں کا بوجھ زیادہ ہے جنھیں ٹیکے نہیں لگے ہیں۔
2. مشن اندردھنش (2014 سے): ریاستی حکومتوں کے اشتراک سے 2017 میں اس میں تیزی لائی گئی ، اس کے تحت 5.46 کروڑ بچوں اور 1.32 کروڑ حاملہ خواتین کو ٹیکے  لگائے گئےجنھیں پہلے ان  تک رسائی نہیں تھی یا پہلے ان کے کم ٹیکے  لگے۔
3. پلس پولیو مہمات: قومی ٹیکہ کاری  کے دنوں (این آئی ڈی) اور ذیلی قومی  ٹیکہ کاری  کے دنوں (ایس این آئی ڈی) کے ذریعے ہندوستان نے 2014 سے پولیو سے مبرا کا درجہ برقرار رکھا ہے ۔
4. دیہی صحت اور غذائیت کے دن (وی ایچ این ڈی): کمیونٹی کی سطح پر حفاظتی ٹیکہ کاری اور آؤٹ ریچ سرگرمیوں کے لیے باقاعدگی سے منعقد کیے جاتے ہیں ۔
5. کثیر سطحی ٹاسک فورسز: ریاستی (ایس ٹی ایف آئی) ضلع (ڈی ٹی ایف آئی) اور بلاک (بی ٹی ایف آئی) سطح کی ٹاسک فورسز مربوط اور موثر نفاذ کو یقینی بناتی ہیں ۔
6. باقاعدہ آئی ای سی (معلومات ، تعلیم ، مواصلات) مہمات: بیداری بڑھانے اور ویکسین کی ہچکچاہٹ کا مقابلہ کرنے میں مدد کرتی ہیں ۔

ہندوستان میں سالانہ پیدائشی گروپ (2.6 کروڑ) نیوزی لینڈ ، آسٹریلیا ، فن لینڈ اور سوئٹزرلینڈ سمیت متعدد ممالک کی کل آبادی سے زیادہ ہے ۔ دنیا بھر کے ممالک کے مختلف سائز کو دیکھتے ہوئے ، فیصد کا موازنہ بہت سے اعلی آمدنی والے ممالک میں مشاہدہ کردہ ویکسینیشن کوریج کی سطح کے برابر ظاہر کرتا ہے، مثال کے طور پر  نیوزی لینڈ(ڈی ٹی پی-1.93فیصد) جرمنی اور فن لینڈ(ڈی ٹی پی-3.91فیصد) سویڈن (ایم سی وی-1.93فیصد) لکسمبرگ(ایم سی وی-2.90فیصد) آئرلینڈ(پی سی وی-3.83فیصد) برطانیہ اور شمالی آئرلینڈ(روٹاسی 90فیصد)۔ڈبلیو یو این ای آئی سی رپورٹ 2023۔

ضمیمہ: 1 یہ ظاہر کرتا ہے کہ ہندوستان کی اینٹیجن کے لحاظ سے ٹیکہ کاری کی کوریج تمام اینٹیجنوں میں عالمی اوسط کو پیچھے چھوڑ دیتی ہے ۔ خاص طور پر ، ڈی ٹی پی 1 اور ڈی ٹی پی 3 کے لیے قومی کوریج دوسرے ممالک کے مقابلے میں سب سے زیادہ ہے جہاں صفر ڈوز  والے بچوں کی سب سے بڑی تعداد ہے (ضمیمہ 2)ڈبلیو یو ای این آئی سی2023 کے مطابق ، زیادہ آبادی اور سماجی جغرافیائی تنوع کے ساتھ ہندوستان ، نیشنل ڈی ٹی پی-1 (پینٹا-1) میں 93 فیصد کا کوریج ہے جو کہ 2.65 کروڑ بچوں میں سے 2.47 کروڑ بچوں کو ٹیکہ لگایا گیا ہے حالانکہ مساوی مدت کے دوران جو نائیجیریا کے 70 فی صد سے نمایاں طور پر زیادہ ہے ۔ڈی ٹی پی-1سےڈی ٹی پی-3 تک ڈراپ آؤٹ فیصد میں 2013 میں 7 فیصد سے 2023 میں 2 فیصد تک کمی واقع ہوئی ہے اور خسرہ کی کوریج 2013 میں 83 فیصد سے بڑھ کر 2023 میں 93 فیصد ہو گئی ہے ۔

کل آبادی کے فیصد کے طور پر صفر ڈوز  والے بچوں پر ممالک کے تقابلی نتائج سے پتہ چلتا ہے کہ یمن (1.68 فیصد) سوڈان (1.45 فیصد) انگولا (1.1 فیصد) افغانستان (1.1 فیصد) نائیجیریا (0.98 فیصد) ڈی آر کانگو (0.82 فیصد) ایتھوپیا (0.72 فیصد) انڈونیشیا (0.23 فیصد) پاکستان (0.16 فیصد) بھارت کے مقابلے میں ان کی آبادی کے فیصد کے طور پر کہیں زیادہ صفرڈوز  والے بچے ہیں (2023 کے دوران 0.11 فیصد جاری کردہ آخری ڈبلیو یو این ای آئی سی  رپورٹ کے مطابق ۔

زیادہ بوجھ والے کسی بھی دوسرے ملک کے ساتھ ہندوستان کا موازنہ صفر ڈوز  والے بچوں کو ہندوستان کی بڑی آبادی کے سائز اور ٹیکہ کاری کی اعلی کوریج کی شرح کو مدنظر رکھنے کی ضرورت ہے ۔ لہذا ، الگ تھلگ عوامل پر مبنی کوئی بھی تشریح یا تجزیہ اس کے ٹیکہ کاری کے پروگرام پر ملک کی پیشرفت کو اعتبار فراہم نہیں کرتا ہے ۔

یونیورسل امیونائزیشن پروگرام کو ہمیشہ حکومت کی طرف سے ترجیح دی گئی ہے ۔ اس بات کو یقینی بنانے کے لیے کہ ہمارے ملک کے بچوں کو مہلک بیماریوں سے محفوظ رکھا جائے ۔ 2014 میں پولیو اور 2015 میں زچگی اور نوزائیدہ  بچوں میں ٹیٹنس کا خاتمہ اور 2025 میں خسرہ روبیلا مہم کا حالیہ آغاز اس حقیقت کا ثبوت ہے ۔ مرکوز حکمت عملیوں اور پرعزم صحت کی دیکھ بھال کرنے والے کارکنوں کے ساتھ ، دور دراز تک ٹیکہ کاری کی جامع کوریج کو یقینی بنانے کے لیے ہمیشہ آخری کوشش ہوگی ۔

*****

ایم وی

ایچ ایف ڈبلیو/زیروڈوز  بچے/28 جون 2025/1

ضمیمہ-1

ہندوستان اور عالمی کوریج کے درمیان اینٹیجن کے لحاظ سے موازنہ (فیصد)

(ڈبلیو یو ای این آئی سی2023)

ضمیمہ-2

ڈی ٹی پی 1 اور 3 (فیصد) (ڈبلیو یو ای این آئی سی 2023) کے لیے صفر ڈوز والے بچوں کی زیادہ تعداد والے ہندوستان اور 9 ممالک کے درمیان موازنہ۔

****

ش ح-اع خ  ۔ر  ا

U-No- 2242