نیتی آیوگ نے آج اپنی سہ ماہی بصیرت پر مبنی سیریز ‘فیوچر فرنٹ ’کے تیسرے ایڈیشن کا اجرا کیا ، جس کا عنوان‘ہندوستان کا ڈیٹاضروری: معیار کی جانب اہم قدم’ہے ۔ یہ رپورٹ ڈیجیٹل گورننس کو مضبوط بنانے ، عوام کے اعتماد میں اضافے اور موثر خدمات کی فراہمی کو یقینی بنانے کے لیے ڈیٹا کے بہتر معیار کی فوری ضرورت پر زور دیتی ہے ۔

رپورٹ ناقص ڈیٹا کے معیار سے پیدا ہونے والے وسیع مسائل کا تنقیدی جائزہ لیتی ہے اور عملی،استعمال میں آسان آلہ کو متعارف کراتی ہے،جس میں ڈیٹا کے معیار کی خصوصیات کی پیمائش اور ٹریک کرنے کے لیے ایک ڈیٹا کوالٹی اسکور کارڈ اور خود تشخیص اور روڈمیپ تیار کرنے کے لیے ایک ڈیٹا کوالٹی میچورٹی فریم ورک شامل ہے۔

اجرا کے موقع پر جناب بی وی آر سبرامنیم (سی ای او، نیتی آیوگ)، ڈاکٹر سوربھ گرگ (سکریٹری، ایم او ایس پی آئی) اور محترمہ دیب جانی گھوش (معروف رکن، نیتی آیوگ) سمیت سینئر حکومتی اہلکاروں نے ہندوستان کے ڈیٹا مینجمنٹ کو مزید مضبوط بنانے کے حوالے سے اپنے خیالات کا اظہار کیا۔

اس تقریب میں مرکزی وزارتوں/محکموں کے سینئر حکومتی اہلکار، ماہرینِ شعبہ، نیتی آیوگ کے حکام اور عملہ نے بھی شرکت کی۔

***************

 (ش ح۔ م ع ن۔م ش)

UR:2086