ممبئی، 21 جون 2025

کھادی اور گاؤں کی صنعت کمیشنمائیکرو، چھوٹے اور درمیانے درجے کی صنعتوں کی وزارت، حکومت ہند نے ہفتہ کو 11 ویں بین الاقوامییوگا دن کے موقع پر دہلی کے تاریخی راج گھاٹ ہیڈکوارٹر میں ایک بڑے پیمانے پر یوگا پریکٹس پروگرام کا اہتمام کیا۔ اس موقع پر کے وی آئی سی کے چیئرمین جناب منوج کمار نے کمیشن کے افسران، ملازمین اور کھادی کی دنیا سے وابستہ معززین کے ساتھ یوگا کیا۔ اس سال بین الاقوامییوگا ڈے کا تھیم "یوگا فار ون ارتھ، ون ہیلتھ" تھا، جو اس عالمی خیال کو فروغ دیتا ہے کہ ہماری زمین اور ہماری صحت گہرے طور پر ایک دوسرے سے جڑے ہوئے ہیں۔

پروگرام کے دوران جناب منوج کمار نے کہا کہ وزیر اعظم جناب نریندر مودی کی کوششوں سے کھادی اور یوگا آج ایک عالمی تحریک بن چکے ہیں۔ یوگا نہ صرف جسم اور دماغ کو صحت مند بناتا ہے بلکہ یہ’کھادی‘ کے خود تزکیہ اور خود انحصاری کے خیال سے بھی گہرا تعلق رکھتا ہے۔ جس طرح سے وزیر اعظم نے 'من کی بات' اور دیگر ذرائع کے ذریعےیوگا اور کھادی دونوں کو لوگوں تک پہنچایا ہے وہ ہندوستان کی ثقافتی طاقت کا نشاۃ ثانیہ ہے۔ انہوں نے مزید کہا کہ آج کی تقریبایک زمین، ایک صحت کے تصور کو اپناتے ہوئے خود اعتمادی اور سماجی ہم آہنگی کے احساس کو بھی تقویت دیتی ہے۔

کے وی آئی سی اسٹیٹ آفس، آر آر آفس، زونل آفس، ایم ڈی ٹی سی، نئی دہلی اور کے جی بی نئی دہلی کے افسران اور ملازمین کی بڑی تعداد نے یوگا پریکٹس پروگرام میں حصہ لیا۔ بعد ازاں چیئرمین جناب منوج کمار نے تمام یوگا پریکٹیشنرز کو اپنے ہاتھوں سے ریفریشمنٹ تقسیم کرکے ان کی حوصلہ افزائی کی۔

*********

ش ح ۔ ال

U-1998

(Release ID: 2138534)