2025 کو ‘اصلاحات کا سال’ قرار دینے کے بعد ، وزارت دفاع (ایم او ڈی) نے دفاعی خریداری کے طریقہ کار (ڈی اے پی) 2020 کا ایک جامع جائزہ شروع کیا ہے تاکہ اسے حکومت ہند کی موجودہ پالیسیوں اور اقدامات سے ہم آہنگ کیا جا سکے ۔ تمام شراکت داروں کے ساتھ وسیع بات چیت کرنے کے لیے ڈائریکٹر جنرل (خریداری) کی سربراہی میں ایک کمیٹی تشکیل دی گئی ہے ۔

کمیٹی میں وزارت دفاع کے سینئر افسران ، دفاعی صنعت اور تعلیمی اداروں کے نمائندے شامل ہیں ۔ وزارت نے سابق آئی اے ایس افسر جناب اپوروا چندر (1980 بیچ) کو  کمیٹی کا پرنسپل مشیر مقرر کیا ہے جو پہلے ڈائرکٹرجنرل (خریداری )کے طور پر خدمات انجام دے چکے ہیں ۔ پینل نے پہلے ہی مشاورت شروع کر دی ہے اور 05 جولائی 2025 تک شراکت دار سے تجاویز طلب کی ہیں ، جنہیںsecy-dap2025[at]gov[dot]in  پر بھیجا جا سکتا ہے ۔

دفاعی خریداری کے طریقہ کار کے جائزے کا مقصد درج ذیل ہے:

1. قومی سلامتی کو یقینی بنانے کے لیے مسلح افواج کی آپریشنل ضروریات اور جدید کاری کو بروقت پورا کرنا ۔
2.  حکومت ہند کی پالیسیوں اور اقدامات کے ساتھ خریداری کے طریقہ کار کو درست کرنا:

1. ملک میں ہی ڈیزائن کردہ اور تیار کردہ نظام کے ذریعے ٹیکنالوجی کے استعمال کو فروغ دے کر آتم نربھرتا (خود کفالت) حاصل کرنا۔
2.  نجی شعبے کے لیے مشترکہ منصوبوں کی سہولت اور ٹیکنالوجی کی منتقلی ، ایف ڈی آئی صف بندی کے ذریعے غیر ملکی او ای ایم کی حوصلہ افزائی ، اور ہندوستان کو عالمی دفاعی مینوفیکچرنگ اور ایم آر او مرکز کے طور پر قائم کرکے ہندوستان میں دفاعی مینوفیکچرنگ کو فروغ دے کر ‘میک ان انڈیا’ کو فعال کرنا۔
3. اسٹارٹ اپس ، اختراع کاروں اور نجی دفاعی صنعت پر توجہ مرکوز کرتے ہوئے سرکاری اور نجی دونوں شعبوں میں ڈیزائن اور ترقی کو فروغ دینا ۔

مندرجہ ذیل طریقے سے متعلقہ فریقوں کی تجاویز طلب کی جاتی ہیں:

1. خریداری کے عمل کو ہموار کرنے کے لیے پالیسی/طریقہ کار میں تبدیلیاں ، جس میں درجہ بندی ، کاروبار کرنے میں آسانی ، آزمائشوں کا انعقاد، معاہدہ کے بعد کے انتظام ، فاسٹ ٹریک کے طریقہ کار اور اے آئی جیسی نئی ٹیکنالوجیز کو اپنانا شامل ہے ۔
2.  ابہام کو ختم کرنے ، تضادات کو دور کرنے اور ڈی اے پی میں طریقہ کار کی وضاحت کو بڑھانے کے لیے زبان میں بہتری لانا۔
3. کوئی بھی دیگر متعلقہ مسائل جن پر جائزے میں توجہ دی جانی چاہیے ۔

******

ش ح۔ م ع ۔ت ا

U-NO-1907

(Release ID: 2137730)