رائے دہندگان کو الیکٹر فوٹو شناختی کارڈ (ای پی آئی سی) کی تیزی سے فراہمی کو یقینی بنانے کے لیے، الیکشن کمیشن آف انڈیا (ای سی آئی) نے ایک نیا معیاری آپریٹنگ طریقہ کار (ایس او پی) متعارف کرایا ہے جس کے تحت انتخابی فہرستوں میں اپ ڈیٹ ہونے کے 15 دنوں کے اندر ای پی آئی سی کی فراہمی ممکن ہے، جس میں کسی ووٹر کا نیا اندراج یا کسی انتخابی کی موجودہ تفصیلات میں تبدیلی بھی شامل ہے۔ یہ پہل انتخابی کمشنروں ڈاکٹر سکھبیر سنگھ سندھو اور ڈاکٹر وویک جوشی کے ساتھ چیف الیکشن کمشنر جناب گیانیش کمار کے تصور کردہ انتخابی حلقوں کی سہولت کے لیے ای سی آئی کی جانب سے کیے جانے والے مختلف اقدامات کے مطابق ہے۔

نیا سسٹم الیکٹورل رجسٹریشن آفیسر (ای آر او) کے ذریعے ای پی آئی سی جنریشن سے لے کر ڈپارٹمنٹ آف پوسٹ (ڈی او پی) کے ذریعے ووٹر کو ای پی آئی سی کی ترسیل تک ہر مرحلے کی حقیقی وقت میں ٹریکنگ کو یقینی بنائے گا۔ انتخاب کنندگان کو ہر مرحلے پر ایس ایم ایس کے ذریعے اطلاعات بھی موصول ہوں گی اور انھیں ان کے ای پی آئی سی کی حیثیت کے بارے میں مطلع کیا جائے گا۔

اس مقصد کے لیے، ای سی آئی نے حال ہی میں شروع کیے گئے ECINet پلیٹ فارم پر ایک خصوصی آئی ٹی ماڈیول متعارف کرایا ہے۔ نیا آئی ٹی پلیٹ فارم موجودہ نظام کو دوبارہ انجینیئر کر کے اور ورک فلو کو ہموار کر کے موجودہ عمل کی جگہ لے گا۔ ڈی او پی کے ایپلیکیشن پروگرام انٹرفیس (اے پی آئی) کو بغیر کسی رکاوٹ کی ترسیل کے لیے ECINet کے ساتھ مربوط کیا جائے گا۔ اس اقدام کا مقصد ڈیٹا کی حفاظت کو برقرار رکھتے ہوئے خدمات کی فراہمی کو بڑھانا ہے۔

اپنے تمام انتخاب کنندگان کو فوری اور مؤثر انتخابی خدمات فراہم کرنا ای سی آئی کے لیے ایک اہم توجہ کا مرکز ہے۔ یاد رہے کہ گزشتہ چار مہینوں میں کمیشن نے ووٹروں اور دیگر اسٹیک ہولڈروں کے فائدے کے لیے متعدد اقدامات کیے ہیں۔

********

ش ح۔ ف ش ع

U: 1885

(Release ID: 2137493)