2025 ஆம் ஆண்டு உலக சுற்றுச்சூழல் தினத்தை முன்னிட்டு, இந்திய கடலோர காவல்படை கடல் பாதுகாப்பு மற்றும் நிலையான கடல்சார் நிர்வாகத்தில் அதன் முன்னணி பங்கை மீண்டும் உறுதிப்படுத்தியது. கடந்த ஆண்டில் 58க்கும் மேற்பட்ட முக்கிய கடலோர தூய்மைப்படுத்தும் நடவடிக்கைகள் மூலம் 194 டன்களுக்கும் அதிகமான பிளாஸ்டிக் கழிவுகளை அகற்றியதன் மூலம், இந்த ஆண்டின் உலகளாவிய கருப்பொருளான பிளாஸ்டிக் கழிவுகளை வென்று ஒழிப்பதற்கு   இந்திய கடலோர காவல்படை குறிப்பிடத்தக்க பங்களிப்பை வழங்கியுள்ளது. இது சுத்தமான கடல்; பாதுகாப்பான கடல், புனித் சாகர் திட்டம் மற்றும் லைஃப் இயக்கம் போன்ற முதன்மை பிரச்சாரங்களின் கீழ் மேற்கொள்ளப்பட்டுள்ளது.

இந்தியாவின் 11,000 கி.மீ நீளமுள்ள கடற்கரைப் பகுதியில் செயல்படும் இந்திய கடலோர காவல்படை, கடலோர பல்லுயிர் மற்றும் வாழ்வாதாரத்தை ஆதரிக்கும் பவளப்பாறைகள், சதுப்பு நிலங்கள் உள்ளிட்ட முக்கியமான சுற்றுச்சூழல் அமைப்புகளைப் பாதுகாக்கிறது. சமுத்திர பிரஹாரி, சமுத்திர பஹேர்தார் மற்றும் சமுத்திர பவக் போன்ற மாசு கட்டுப்பாட்டு கப்பல்களுடன், கடலோர காவல்படை எண்ணெய் கசிவுகள் மற்றும் ரசாயன மாசுபாட்டிற்கு எதிராக விரைவான பதிலளிப்பு முயற்சிகளை வழிநடத்துகிறது.

மாசு கட்டுப்பாட்டுக்கு அப்பால், வனவிலங்கு பாதுகாப்பில் கடலோர காவல்படை தொடர்ந்து முக்கிய பங்கு வகிக்கிறது. 2025 ஆம் ஆண்டில், ஆபரேஷன் ஒலிவியா ஒடிசா கடற்கரையில் கூடு கட்டிய 6.98 லட்சத்திற்கும் மேற்பட்ட ஆலிவ் ரிட்லி ஆமைகளைப் பாதுகாத்தது. அந்தமான் & நிக்கோபார் தீவுகளில் வேட்டையாடுதல் தடுப்பு முயற்சிகள், கடல் வெள்ளரிகள் மற்றும் பவளப்பாறைகள் உட்பட அழிந்து வரும் கடல் உயிரினங்களின் சட்டவிரோத வர்த்தகத்தைத் தடுத்தன.

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2133915

 

***

 

(Release ID: 2133915)

AD/RB/DL

(Release ID: 2133977)