پورے این سی آر میں فضائی آلودگی کے کل بوجھ میں ٹرانسپورٹ  شعبہ کا نمایاں  کردار ہے، جو سال بھر جاری رہتا ہے اور سردیوں کے موسم میں اس سے بھی زیادہ منفی ہوتا ہے۔ اس پر کافی زور دینے کی ضرورت نہیں ہے۔ لہذا، دہلی-این سی آر میں موثر اور صاف نقل و حرکت کی طرف تیزی سے تبدیلی ضروری ہے۔

آٹوموبائل سیکٹر میں، تجارتی گاڑیوں میں زیادہ مائلیج اور بعض اوقات اوور لوڈنگ، ناقص دیکھ بھال وغیرہ کی وجہ سے اخراج بہت زیادہ ہوتا ہے۔

دہلی میں رجسٹرڈ کمرشل گاڑیوں میں ای-موبلٹی کو فروغ دینے کی سمت میں، محکمہ ٹرانسپورٹ، GNCTD نے قومی راجدھانی علاقہ (این سی ٹی ) دہلی میں ای کامرس اداروں کے ذریعہ مسافروں کی نقل و حمل کی خدمات، سامان اور اجناس کی ترسیل کی خدمات فراہم کرنے والے ایگریگیٹرز کے لائسنس اور ریگولیشن کے لیے دہلی موٹر وہیکل ایگریگیٹر اور ڈیلیوری سروس پرووائیڈر اسکیم، 2023 کو مطلع کیا ہے۔

این سی آر کی دیگر ریاستوں یعنی ہریانہ، اتر پردیش اور راجستھان کو بھی گروگرام، فرید آباد، سونی پت، نوئیڈا، گریٹر نوئیڈااور غازی آباد جیسے گاڑیوں کی زیادہ کثافت (HVD) والے شہروں کو ترجیح دیتے ہوئے پورے این سی آر کے لیے جامع پالیسیاں بنانے کی ضرورت ہے، جس میں موٹر وہیکل ایگریگیٹرز، ڈیلیوری سروس فراہم کرنے والے اور ای کامرس اداروں کا احاطہ کیا جائے، جو شہر کے اندر کی ضروریات کے علاوہ گاڑیوں کی انٹرا سٹی نقل و حرکت پر بہت زیادہ انحصار کرتے ہیں۔

اگرچہ صفر اخراج والی گاڑیاں جیسے بیٹری الیکٹرک وہیکلز (BEVs) اور اس طرح کی دیگر صاف ٹیکنالوجیز کو مندرجہ بالا خدمات میں صاف نقل و حرکت کے لیے نشانہ بنانے کی ضرورت ہے، تاہم، روایتی ڈیزل/پیٹرول گاڑیوں سے نقل و حرکت کے کلینر طریقوں کی طرف تبدیلی کی فوری ضرورت ہے۔

گاڑیوں کی آلودگی کو کم کرنے اور دہلی-این سی آر میں نقل و حرکت کے کلینر طریقوں کو اپنانے میں تیزی لانے کے لیے، خاص طور پر موٹر وہیکل ایگریگیٹرز، ڈیلیوری سروس فراہم کرنے والوں اور ای کامرس اداروں کے علاقوں میں، کمیشن نے ہدایت دی ہے کہ:

i۔ اب سے، گاڑیوں کے موجودہ بیڑے میں صرف سی این جی /الیکٹرک 3-وہیلر آٹورکشا شامل کیے جائیں گے۔

ii۔ پوری طرح سے  ڈیزل یا پیٹرول پر چلنے والی کسی  بھی روایتی اندرونی دہن انجن (آئی سی ای ) گاڑی کو یکم  جنوری 2026 سے 4 پہیوں والی ہلکی کمرشل گاڑیاں (ایل سی ویز)، 4وہیلر لائٹ گڈز وہیکلز (ایل جی ویز) (این ون  زمرہ، 3.5 تی  تک) اور 2-وہیلرز کو موجودہ بیڑے میں شامل نہیں کیا جائے گا۔

ان سروس فراہم کنندگان کی جانب سے استعمال کی جانے والی گاڑیوں کے موجودہ بیڑے کو ایسی خدمات کے لیے جاری رکھا جا سکتا ہے۔

جی این سی ٹی ڈی اور این سی آر ریاستی حکومتیں اس بات کو یقینی بنائیں گی کہ تمام موٹر وہیکل ایگریگیٹرز/ڈیلیوری سروس پرووائیڈرز/ای کامرس ادارے ان کے دائرہ اختیار میں کمیشن کی ان ہدایات کی تعمیل کریں۔

مذکورہ ہدایات کی موثر نگرانی اور نفاذ کے لیے، ہریانہ، اتر پردیش اور راجستھان کی حکومتوں کو ایک ویب پورٹل تیار کرنے کی ہدایت کی گئی ہے، جیسا کہ محکمہ ٹرانسپورٹ نے پہلے ہی تیار کیا ہے۔ جی این سی ٹی ڈی اور این سی آر کی ریاستی حکومتیں بھی میڈیا اور دیگر ذرائع سے ان ہدایات کی وسیع تشہیر کرنی ہوگی۔

******

U.No:1450

ش ح۔ح ن۔س ا

 

(Release ID: 2133936)