انتظامی اصلاحات اور عوامی شکایات کا محکمہ 1998 سے بین الاقوامی انسٹی ٹیوٹ آف ایڈمنسٹریٹو سائنسز کے رکن ریاست کے طور پر ہندوستان کی نمائندگی کرتا ہے۔ بین الاقوامی انسٹی ٹیوٹ آف ایڈمنسٹریٹو سائنسز 31 رکن ممالک، 20 قومی سیکشنز اور 15 اکیڈمک ریسرچ سینٹرز مشترکہ طور پر ایڈمنسٹریٹو سائنسز  پر سائنسی تحقیق کے لیے تعاون کر رہے ہیں۔ کلیدی رکن ممالک میں شامل ہیں - ہندوستان، جاپان، چین، جرمنی، اٹلی، کوریا، سعودی عرب، جنوبی افریقہ، سوئٹزرلینڈ، میکسیکو، اسپین، قطر، مراکش، انڈونیشیا وغیرہ۔ آئی آئی اے ایس اقوام متحدہ کے ساتھ کام کرنے کے قریبی  تعلقات کو برقرار رکھتا ہے اور اقوام متحدہ کی عوامی انتظامیہ کے ماہرین کی کمیٹی ( سی ای پی اے ) میں حصہ لیتا ہے ، سی ای پی اے  اور یو این پبلک ایڈمنسٹریشن نیٹ ورک اگرچہ آئی آئی اے ایس اقوام متحدہ کا باضابطہ طور پر الحاق شدہ ادارہ نہیں ہے لیکن یہ عوامی انتظامیہ میں اقوام متحدہ کے کام کے ساتھ سرگرم عمل ہے۔

آئی آئی اے ایس کی 2025-2028 ء صدارت کے لیے، عزت مآب وزیر اعظم جناب نریندر مودی نے نومبر ، 2024 ء میں سکریٹری ڈی اے آر پی جی جناب وی سری نواس کی ہندوستانی امیدواری کو نامزد کیا۔ آئی آئی اے ایس کی صدارت کے لیے سماعت فروری ، 2025 ء میں بھارت منڈپم، نئی دہلی میں ہوئی۔ انتظامیہ کی کونسل کی طرف سے اگلے دور کے لیے ہندوستان، جنوبی افریقہ، آسٹریا اور بحرین نامی چار ممالک نے 2025-2028 ء کی مدت کے لیے آئی آئی اے ایس کی صدارت کے لیے اپنے نامزدگیاں جمع کیں اور آئی آئی اے ایس کی کونسل آف ایڈمنسٹریشن کے سامنے ہونے والی سماعتوں میں حصہ لیا ، جو کہ سالانہ آئی آئی اے ایس کانفرنس - 2025 ء کے موقع پر منعقد ہوئی تھیں۔ جنوبی افریقہ نے مئی 2025 ء میں اپنی امیدواری واپس لے لی۔ 3 جون 2025 ء کو بھارت اور آسٹریا کے درمیان انتخابات ہوئے  ، جس میں 141 ووٹ ڈالے گئے، جن میں سے بھارت نے 87 ووٹ (61.7 فیصد ووٹ) اور آسٹریا نے 54 ووٹ (38.3 فیصد ووٹ) حاصل کیے۔ ہندوستان کی امیدواری کو سبھی ممبران کی جانب سے وسیع طور پر حمایت حاصل ہوئی۔

آئی آئی اے ایس کی ہندوستانی صدارت ‘‘ زیادہ سے زیادہ حکمرانی - کم سے کم حکومت ’’  کے لیے معزز وزیر اعظم جناب نریندر مودی کے ویژن کو آگے لے جائے گی ، جس میں شہریوں کو ڈیجیٹل  طور پر بااختیار بنانے اور اداروں کی ڈیجیٹل تبدیلی پر توجہ مرکوز کرتے ہوئے اگلی نسل کے انتظامی اصلاحات کی جائیں گی۔ ہندوستان کی  صدارت  میں  اتحاد اور شمولیت پر توجہ مرکوز کرتے ہوئے شمال اور جنوبی تقسیم کو ختم کرنے کی کوشش کی جائے گی ۔

آئی آئی اے ایس کی 100 سالہ تاریخ میں یہ پہلا موقع ہے کہ صدر کے عہدے کا انتخاب بیلٹ کے عمل سے ہوا اور یہ پہلا موقع ہے جب ہندوستان نے آئی اے ایس کی صدارت کے لیے تاریخی مینڈیٹ حاصل کیا ہے۔

کونسل آف ایڈمنسٹریشن میں ڈی اے آر پی جی کے سکریٹری کی تقریر ذیل میں منسلک کی گئی ہے۔

Click here to see the link:-

*************

U.No. 1423

(ش ح۔  ا م ۔ع ا)