پورے ویتنام میں ایک غیر معمولی روحانی تحریک چھاگئی جب لاکھوں عقیدت مندوں نے بھارت سے مہاتما بدھ کے مقدس آثار کی تاریخی زیارت میں حصہ لیا۔ ملک کے جنوب سے شمال تک متعدد مقدس مقامات کو محیط اس مقدس دورے نے مجموعی طور پر 17.8 ملین سے زیادہ عقیدت مندوں کو اپنی طرف متوجہ کیا ، جس نے عقیدت اور ثقافتی یکجہتی کے گہرے مظاہرہ میں بدھ مت کے پیروکاروں اور روحانی متلاشیوں کو متحد کیا۔

مقدس آثار قدیمہ کے دورے کی اہم جھلکیاں:

تھان تام مونیسٹری، ہو چی منھ شہر (3-8 مئی): 1,877,000 عقیدت مند

با ڈین ماؤنٹین، صوبہ تائی ننہ (8-12 مئی): 127،000 عقیدت مند

کوان سو پگوڈا، ہنوئی (13-17 مئی): 7 ملین سے زیادہ عقیدت مند، جن میں مرکزی باقیات کے جلوس میں 2 ملین بھی شامل ہیں

تام چوک پگوڈا، صوبہ ہ نام (17-19 مئی): 2 ملین سے زیادہ عقیدت مند

بائی دین پگوڈا، صوبہ ننہ بنہ (19-21 مئی): تقریباً 350،000 عقیدت مند

فوک سون پگوڈا، باک گیانگ صوبہ (21-25 مئی): تقریباً 1.6 ملین عقیدت مند

تروک لام ین تو مونیسٹری، کوانگ نینہ (25-28 مئی): تقریباً 1.05 ملین عقیدت مند

چوانگ پگوڈا، ہنگ ین (8-30 مئی): تقریباً 2.5 ملین عقیدت مند

کوان ام نگو ہان سون پگوڈا، دا نانگ شہر: تقریباً 1.3 ملین عقیدت مند (یکم جون تک)

اس عقیدت کے اظہارنے نہ صرف ویتنام کے گہرے بودھ ورثے کی توثیق کی بلکہ یہ قومی اتحاد اور امن کا ایک متحرک اظہار بھی بن گیا۔ تقریبات میں باقیات کے جلوس، مراقبہ کے مجمعے، جاپ اور تعلیمی نشستیں شامل تھیں، جو ہر عمر کے شرکا میں روحانی ذہن سازی کو فروغ دیتی تھیں۔

***

(ش ح – ع ا)

U. No. 1381

(Release ID: 2133432)