ફિટ ઇન્ડિયા સન્ડે ઓન સાયકલ પહેલની 25મી આવૃત્તિ જેને તિરંગા રેલી કહેવામાં આવે છે, એ રવિવાર, 1 જૂનના રોજ દેશભરમાં યોજાશે. કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયા રાષ્ટ્રીય રાજધાનીના મેજર ધ્યાનચંદ રાષ્ટ્રીય સ્ટેડિયમ ખાતે આયોજિત આ ખાસ કાર્યક્રમનું નેતૃત્વ કરશે.

૩ જૂનના રોજ વિશ્વ સાયકલ દિવસ યોજાવાનો હોવાથી, રવિવારનો કાર્યક્રમ ફક્ત ફિટનેસમાં સાયકલ ચલાવવાની મોટી ભૂમિકાના સંદેશને જ મજબૂત બનાવશે નહીં પરંતુ ભારતના સશસ્ત્ર દળોને સામૂહિક શ્રદ્ધાંજલિ પણ આપશે. રાષ્ટ્રીય રાજધાનીમાં 1200થી વધુ સાયકલ સવારો ઉમટી પડશે તેવી અપેક્ષા છે અને તે જ સમયે, દેશભરના 2,000થી વધુ સ્થળોએ આ રવિવારે કાર્યક્રમોના આયોજનમાં મદદ મળશે.

આ કાર્યક્રમના ભાગ રૂપે, ઓડિશાના માનનીય રાજ્યપાલ ડૉ. હરિ બાબુ કંભમપતિ તિરંગા રેલીના ભુવનેશ્વર સંસ્કરણને લીલી ઝંડી આપશે. જે આ પહેલના સમગ્ર ભારતમાં વધેલા મહત્વને દર્શાવે છે. દિલ્હીમાં મનસુખ માંડવિયા સાથેની રેલીમાં રમતગમત અને મનોરંજન જગતની અગ્રણી હસ્તીઓ પણ જોડાશે. જેમાં ઓલિમ્પિક મેડલ વિજેતા યોગેશ્વર દત્ત, આંતરરાષ્ટ્રીય કુસ્તીબાજ સરિતા મોર, બોલિવૂડ અભિનેત્રી શર્વરી અને ભૂતપૂર્વ ક્રિકેટર અને પસંદગીકાર સબા કરીમનો સમાવેશ થાય છે. ડૉ. માંડવિયાની હાજરીમાં અનેક પ્રવૃત્તિઓનું આયોજન કરવામાં આવ્યું છે, જેમાં કેટલાક મહત્વપૂર્ણ પ્રોજેક્ટ લોન્ચનો સમાવેશ થાય છે.

ફિટનેસને સુલભ, સમાવિષ્ટ અને દેશભક્તિપૂર્ણ બનાવવા માટે ફિટ ઇન્ડિયા ચળવળના પ્રયાસોમાં તિરંગા રેલી એક સીમાચિહ્નરૂપ સાબિત થશે. દેશભરના રસ્તાઓ ખુલ્લી હવામાં સાયકલિંગ ટ્રેકમાં ફેરવાઈ રહ્યા છે અને પરિવારો, વિદ્યાર્થીઓ, પ્રભાવકો અને વરિષ્ઠ નાગરિકો તેમાં જોડાઈ રહ્યા છે. આ પહેલ દેશના વિવિધ વસ્તી વિષયક અને મનોહર સ્થળોએ ફેલાયેલી સ્વાસ્થ્યની સંસ્કૃતિનું નિર્માણ કરી રહી છે.

ડિસેમ્બર 2024માં તેની શરૂઆત થઈ ત્યારથી સન્ડે ઓન સાયકલ પહેલ અભૂતપૂર્વ રીતે પહોંચી છે - 5,500થી વધુ સ્થળોને સ્પર્શી ગઈ છે અને 3 લાખથી વધુ નાગરિકોની ભાગીદારી જોવા મળી છે. આ ઝુંબેશને 3.44 અબજથી વધુ ડિજિટલ ઈમ્પ્રેશન પણ પ્રાપ્ત કરી છે, જેમાં સાનિયા મિર્ઝા, મિલિંદ સોમન, ઇમરાન હાશ્મી, જોન અબ્રાહમ, ઇમ્તિયાઝ અલી, શંકર મહાદેવન અને સુપ્રસિદ્ધ દારા સિંહ જેવા દિગ્ગજોનું સમર્થન સામેલ છે.

રવિવારે સાયકલિંગ ઇવેન્ટ્સ દરમિયાન ઘણા સ્પોર્ટ્સ ઓથોરિટી ઓફ ઇન્ડિયા (SAI) કેન્દ્રો તેમજ ખેલો ઇન્ડિયા કેન્દ્રો (KICs) પર ઝુમ્બા, દોરડા કૂદવા, માર્ગદર્શિત યોગ સત્રો અને નેશનલ સેન્ટર ફોર સ્પોર્ટ્સ સાયન્સ એન્ડ રિસર્ચ (NCSSR)ના નિષ્ણાતો દ્વારા મફત આરોગ્ય તપાસ જેવી સમુદાય-કેન્દ્રિત ફિટનેસ પ્રવૃત્તિઓ પૂરી પાડવામાં આવે છે.

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com